Դեղատոմսով դեղ գնելու ծրագիրը փուլ-փուլ իրականացնելու որոշումը չկա, բայց ԱՆ-ն կատարում է

ՀՀ առողջապահության նախարար Լեւոն Ալթունյանը կարծում է, որ դեղատոմսով դեղորայք գնելու գործընթացից հանրությունը դժգոհում է, որովհետեւ անտեղյակ են: «Ես կարծում եմ հիմնական դժգոհությունները պայմանավորված են անտեղյակ լինելով»,- այս մասին նախարարն ասաց կառավարության նիստից հետո լրագրողների հետ ունեցած ճեպազրույցի ժամանակ պատասխանելով հարցին՝ ինչո՞ւ է հանրությունը դժգոհում նոր գործընթացից: Նշենք, որ այսօրվանից քաղաքացիների մեծ թվով դեղեր առանց դեղատոմսի չեն կարողանալու գնել: Լեւոն Ալթունյանը նշեց, որ դեղերը դեղատոմսով վաճառելու հարցի շուրջ հասարակական քննարկում եղել է:

Նշենք, որ դեղատոմսով գնվող դեղերի ցանկից նախարարությունն առանձնացրել է մի մասը եւ որոշել է փուլ-փուլ ներդնել դեղատոմսով գնվող դեղերի ցանկը: Այսինքն՝ մի խումբ դեղ այսօրվանից միայն դեղատոմսով կվաճառվի, իսկ մյուս խումբն ամիսներ անց:

Լեւոն Ալթունյանից հետաքրքրվեցինք, թե ի՞նչ իրավական հիմքով են որոշել փուլ-փուլ իրականացնել ծրագիրը:

- Ինչի իրավական հիմքը:

- Թե ի՞նչի հիման վրա եք որոշել փուլ-փուլ ներդնել:

- Փուլ առ փուլ է արվելու կառավարության որոշման հիման վրա:

- Որոշման մեջ գրա՞ծ է փուլ-փուլ:

- Որոշման մեջ գրվելու է փուլ-փուլ:

- Գրվելո՞ւ է: Այսինքն՝ դեռ որոշումը չկա, դուք գործողությո՞ւն եք անում:

- Այո, որոշումը մշակվում է եւ կընդունվի կառավարության մյուս նիստի ընթացքում:

- Այս աշխատելաոճը ձեզ գոհացնո՞ւմ է:

- Այո, այդ պրոցեսն ինձ գոհացնում է:

Կառավարության որոշման բացակայության պայմաններում առողջապահության նախարարությունն ինքնագլուխ որոշել է փուլ-փուլ անցում կատարել դեղատոմսով գնվող դեղերի ողջ ցանկին: Կարող ենք ենթադրել, որ նախարարությունում շատ լավ հասկացել են, որ սոցիալական դժգոհությունն էլ ավելի կսաստկանա, որոշել են այն մեղմել՝ փուլ-փուլ ներդնելով ցանկը: Ճեպազրույցից հետո նախարարի մամուլի քարտուղարը շտապեց մեզ բացատրել, որ իրականում նախագիծը պատրաստ է, ուղղակի չեն հասցրել կառավարության այսօրվա նիստում ընդունել: Ինչեւէ, նոր համակարգի ներդրման գործընթացն արդեն իսկ փնթի է իրականացվում:

Լրագրողներից մեկը Լեւոն Ալթունյանին հարցրեց, թե հնարավոր է արդյո՞ք վերջինիս գործունեության վերաբերյալ հասարակության դժգոհություններով պայմանավորված՝ ապրիլին չվերանշանակվի նախարարի պաշտոնում, Ալթունյանը պատասխանեց. «Ապրիլին կիմանանք: Դուք ձեր բոլոր հարցերի պատասխանները կստանաք ապրիլի վերջին»:

Տպել
1770 դիտում

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը