Քրեական օրենսգրքի նոր փոփոխությունը լրագրողների համար նոր հնարավորություն չէ

Կառավարության այսօրվա նիստում հավանության արժանացավ Քրեական օրենսգրքում փոփոխություն կատարելու մասին օրենսդրական նախագիծը: Այն գործադրին ներկայացրեց ՀՀ արդարադատության նախարար Դավիթ Հարությունյանը: Նախագծով առաջարկվող փոփոխություններից մեկը վերաբերվում է լրագրողների մասնագիտական գործունեության խոչընդոտմանը:

Մասնավորապես՝ Քրեական օրենսգրքի 164-րդ հոդվածի 3-րդ մասը նոր խմբագրում է ստացել: Գործող օրենսգրքով սահմանված է. «Սույն հոդվածի առաջին և երկրորդ մասերով նախատեսված արարքները, որոնք կատարվել են լրագրողի կամ նրա մերձավորի կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով`պատժվում են ազատազրկմամբ` երեքից յոթ տարի ժամկետով»: Առաջարկվող նախագծում նույն կետը սահմանվել է հետեւյալ խմբագրմամբ. «Սույն հոդվածի առաջին կամ երկրորդ մասով նախատեսված արարքը, որը կատարվել է լրագրողի կամ նրա մերձավորի կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով`պատժվում է ազատազրկմամբ` երեքից յոթ տարի ժամկետով»:

«Իրավունքի գերակայություն» հկ-ի ներկայացուցիչ, փաստաբան Դավիթ Ասատրյանը «Հայկական ժամանակ»-ի հետ զրույցում ասաց, որ առաջարկվող փոփոխությունը ընդամենը օրենսգրքի նշված հոդվածի թերությունը վերացնելուն է միտված: «Օրենքը թերություն ուներ: Այնպես էր ձեւակերպված, որ պետք է տեղի ունենար լրագրողի մասնագիտական գործունեության խոչընդոտում եւ դա պետք է տեղի ունենար պետական մարմնի ներկայացուցչի կողմից: Թերություն էր, այս նախագծով թերությունը վերանում է: Դա նոր հնարավորություն չի լրագրողների համար, նոր պաշտպանության միջոց չէ: Դա նախկինում կար, ուղղակի թերի էր, որն այսօր վերացնում են»,- ասաց Դավիթ Ասատրյանը:

Մեր հարցին, թե ձեզ հայտնի՞ է դեպք, որ այդ թերության պատճառով համարժեք պատասխանատվություն չի կիրառվել լրագրողի նկատմամբ բռնություն գործադրած անձի նկատմամբ, մեր զրուցակիցը բացասական պատասխան տվեց:

Դավիթ Ասատրյանը հիշեցրեց «Առավոտ» օրաթերթի լրագրող Հռիփսիմե Ջեբեջյանի նկատմամբ բռնության սպառնալիք հնչեցնելու դեպքը, երբ քրեական գործը կարճվել էր: «Այնքան թույլ է Քրեական օրենսգրքի այդ հոդվածի փաստացի կիրառությունը, որ դեպքը չի հասել նրան, որ օրենքի խնդիր լինի: Ընդհանրապես խնդիր կա օրենքի կիրառության հետ կապված: Անհստակությունը ընդհանրապես խնդիր չէր առաջացնում»,- ասաց փաստաբանը:

Նրա խոսքով, այս փոփոխությունն առկա վրիպակներն է ընդամենը ուղղում: «Իրականում օրենքի ակնհայտ վրիպակի ուղղում էր, որը նոր հնարավորություն չի տալիս: Դա նախկին ինստիտուտն է, որը չէր կարող գործել օրենքի վրիպակի պատճառով»,- եզրափակեց Դավիթ Ասատրյանը:

Տպել
1769 դիտում

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ

ԼՂ հակամարտությունում մարդկանց իրավունքներն ու անվտանգությունը առաջնահերթություններ են. ԱԳ նախարար

Դավիթ Տոնոյանը ժամանել է Քեմփ Մարմալ ռազմաբազա, որտեղ ծառայում են հայ խաղաղապահները

Պեկինում տեղի է ունեցել «Նոր Հայաստանը եւ նրա տարածաշրջանային կարեւորությունը» թեմայով գիտաժողով

Եռագույն փողկապն աղքատությունն ու արտագաղթը չի վերացնում, գնաճը շարունակվում է. Շարմազանովը՝ վարչապետին

Նոյեմբերի 20-ի դրությամբ համաներմամբ ազատ է արձակվել 501 դատապարտյալ

Եւ մի տանիր զմեզ ի փորձություն ...

Տեղի կունենա մոմավառություն՝ ի հիշատակ բալետի արտիստ Վահագն Մարգարյանի

Քրտնաջան և թափանցիկ աշխատանքի ակնկալիքով. քաղաքապետը ներկայացրել է Քանաքեռ-Զեյթունի նոր ղեկավարին

էրեբունու զանգվածային անկարգությունների գործով ինքնակամ ներկայացած անձը Մասիսի սպորտդպրոցի տնօրենն է

Ոստիկանները Շենգենյան վիզայի կեղծման դեպք են բացահայտել. վիզան 6500 եվրո է արժեցել (տեսանյութ)

Ժողովուրդ ջան, հավատացե՛ք Նիկոլ Փաշինյանին, քանի դեռ ինքը հակառակը չի ապացուցել. Արփինե Հովհաննիսյան

Երևանի քաղաքապետը խոստացել է օգնել նախադպրոցական կրթության մոդելի կիրառման հարցում

Երևանի հ. 48 մանկապարտեզի տնօրենը կարգապահական տույժի է ենթարկվել (լուսանկար)

Վերսկսվել է «Բերդ» բնակելի շենքի կառուցապատումը

Ողբերգական վթարից մահացած Հրանտ Գասպարյանի ծնողները խնդրում են կրտսեր որդուն վաղաժամկետ զորացրել

Մոլորված ու Ադրբեջանում հայտնված Կ. Ղազարյանին դատարանում ահաբեկիչ են որակել (լուսանկարներ)

ՎՏԲ-Հայաստան Բանկը և «ՌԵՍՈ» ընկերությունը առաջարկում են իրենց հաճախորդներին «Ապահով հանգիստ» ապահովագրական փաթեթը

Մեղադրանքները Կ. Հարությունյանի հիվանդ երեւակայության արդյունքն են. ԱԺ-ն պատասխանում է աշխատակցի բողոքին