ԱԶԲ-ն 32 մլն դոլարի վարկ է տրամադրում «ՍՊԱՅԿԱ»-ին ջերմոցների ու արտահանման զարգացման համար

02/03/2018 schedule15:30

Ասիական զարգացման բանկը (ԱԶԲ) այսօր ստորագրել է 32 մլն ԱՄՆ դոլարի վարկային համաձայնագիր
«ՍՊԱՅԿԱ» սահմանափակ պատասխանատվությամբ ընկերության հետ («ՍՊԱՅԿԱ»), որը Հայաստանում սննդամթերք արտադրող եւ արտահանող առաջատար ընկերություններից մեկն է: Վարկի նպատակն է օժանդակել ընկերությանը ջերմոցային գործառնությունների ընդլայնման եւ  արտահանման ծավալների ընդլայնման գործում: Այս մասին հայտնում են ԱԶԲ հայաստանյան գրասենյակի մամուլի ծառայությունից։

Պայմանագիրը ստորագրել են ԱԶԲ-ի հայաստանյան գրասենյակի տնօրեն Շեյն Ռոզենթալը եւ «ՍՊԱՅԿԱ» ընկերության գլխավոր տնօրեն Դավիթ Ղազարյանը Երեւանում տեղի ունեցած արարողության ընթացքում:

«Գյուղատնտեսությունը մեծ դերակատարություն ունի Հայաստանի տնտեսության մեջ՝ կազմելով երկրի համախառն ներքին արդյունքի 16%-ից ավելին, երկրի արտահանման ծավալների մեկ քառորդը, որն աշխատատեղեր է ապահովում երկրի աշխատուժի մեկ երրորդի համար», - ասել է պարոն Ռոզենթալը: «Մենք վստահ ենք, որ մեր համագործակցությունը «ՍՊԱՅԿԱ»-ի հետ ոչ միայն կնպաստի Հայաստանի գյուղատնտեսության ոլորտի հզորացմանը, այլեւ աշխարհին կներկայացնի Հայաստանի արտադրանքը որպես միջազգային կարգի արտադրանք»:

Այս ծրագիրը թույլ կտա ընդլայնել «ՍՊԱՅԿԱ» ընկերության գործունեությունը մասնավորապես գյուղատնտեսության եւ մատակարարման շղթայի կառավարման ոլորտներում՝ զարգացնելով 30 հեկտար տարածք զբաղեցնող վերահսկվող կլիմայական պայմաններով ջերմոցներ, որոնք հագեցված են կաթիլային ոռոգման համակարգերով եւ արտադրելու են լոլիկ ու բուլղարական պղպեղ: Արտադրանքն արտահանվելու է մասնավորապես ՌԴ եւ Արաբական Միացյալ Էմիրություններ: Սա համապատասխանում է կառավարության նպատակին՝ բարձրացնել Հայաստանի գյուղատնտեսության արտադրողականությունը կլիմայի փոփոխության ռիսկերի համատեքստում՝ միեւնույն ժամանակ ամբողջովին օգտագործելով ընկերության ներկայիս մատակարարման շղթան եւ հաճախորդների ցանցը:

«ԱԶԲ-ի կողմից տրամադրված վարկը կենսական նշանակություն ունի «ՍՊԱՅԿԱ» ընկերության զարգացման ռազմավարության համար: Ժամանակակից, կլիմայի փոփոխության նկատմամբ ճկուն նոր տեխնոլոգիական լուծումները տարածաշրջանում առաջին անգամ կօգտագործվեն, ինչը կօգնի խնայել էլեկտրաէներգիան եւ ջրային ռեսուրսները»,- ասել է պարոն Ղազարյանը: «Այս վարկի օգնությամբ երկրում կստեղծվեն լրիվ հաստիքով հարյուրավոր աշխատատեղեր»:  

Ակնկալվում է, որ ծրագրի ամբողջական իրականացման արդյունքում 30 հեկտար զբաղեցնող, կլիմայական պայմանների վերահսկմամբ ջերմոցներում լոլիկի եւ բուլղարական պղպեղի տարեկան արտադրությունը կհասնի 10 միլիոն կիլոգրամի (կգ) եւ 2 միլիոն կգ համապատասխանաբար: Ծրագիրը նաեւ կօգնի ամրապնդելու Հայաստանի դիրքերը՝ որպես գյուղատնտեսական արտադրանքի հզոր արտադրող եւ արտահանող, եւ կնպաստի կառավարության՝ մասնավոր հատվածում աշխատատեղեր ստեղծելու նպատակի իրականացմանը: Ակնկալվում է, որ ծրագրի ընթացքում կստեղծվեն լրիվ դրույքով 275 նոր աշխատատեղեր:

2001թ.-ին հիմնադրված «ՍՊԱՅԿԱ» ընկերությունը հանդիսանում է Հայաստանում սննդամթերքի առաջատար արտադրող, վերամշակող, արտահանող եւ լոգիստիկ ընկերություններից մեկը: Ընկերության մատակարարման շղթան ընդլայնվում է դեպի Ռուսաստանի Դաշնություն, ԱՊՀ-ի այլ երկրներ եւ Եվրոպայի որոշ հատվածներ: Ընկերությունը զբաղվում է նաեւ գյուղատնտեսական արտադրանքի, կաթնամթերքի, պահածոների մեծ տեսականու, փաթեթավորման արտադրության եւ փոխադրամիջոցների ծառայությունների վաճառքով, ներկայումս ունի 1173 աշխատող, որոնցից 60%-ը կանայք են, եւ արտադրանք է մթերում շուրջ 5000 ֆերմերներից Հայաստանում:

ԱԶԲ-ն, որը գտնվում է Մանիլայում, նպատակ ունի նպաստել Ասիա-խաղաղօվկիանոսյան տարածաշրջանում աղքատության նվազեցմանը՝ ներառական տնտեսական աճի, էկոլոգիապես կայուն աճի եւ տարածաշրջանային ինտեգրման միջոցով: Բանկը հիմնադրվել է 1966 թվականին եւ պատկանում է 67 անդամների, որոնցից 48-ը այս  տարածաշրջանից են:

Տպել
6031 դիտում

Լեւոն Տեր-Պետրոսյանը, Ռոբերտ Քոչարյանը, Սերժ Սարգսյանը եւ Արմեն Սարգսյանը ընտրություններին չեն մասնակցել

Չի բացառվում՝ ինձ տականք դարձնեն. Ա. Միրզոյանի նախկին խոսնակ Կարպիս Փաշոյանը կքվեարկի «Լույս» դաշինքի օգտին

Կրկնակի քվեարկության 2 փորձ, գաղտնիության խախտման 5 դեպք. ՔԿ-ն ուսումնասիրում է ընտրախախտումները

ՄԻՊ-ի թեժ գծին ստացվել է 39 ահազանգ ժամը 18։00-ի դրությամբ

Կաշառք տալու, ստանալու, խոչընդոտելու մասին ժամը 18-ի դրությամբ, ոստիկանությունում 54 ահազանգ է եղել

ԲՀԿ ակտիվիստներից մեկի տանը երկրորդ անգամ է խուզարկություն կատարվում. Շաքե Իսայան

Չգիտեմ՝ ինչ պատմություն է, բայց համատարած չէ. ՀՅԴ շտաբի ղեկավարը՝ իրենց անդամներին գումար տալու մասին

17։00-ի դրությամբ Երեւանի ավագանու արտահերթ ընտրություններին մասնակցել է ընտրողների 34.72%-ը։

Ինչո՞ւ է ֆիքսվում ցածր ընտրական ակտիվություն. Աշոտյանը չի ուզում հավատալ վարչապետի բացատրությանը

Քվեարկության գաղտնիության խախտում Նոր Նորքի 2/51 տեղամասում

Տեղի է ունեցել այլ անձի փոխարեն քվեարկության երեք դեպք

Կրկնակի քվեարկություն, կրկնակի գրանցման փորձ. ՔԿ-ն քննություն է տանում

9/55 ընտրատեղամասի հանձնաժողովի ՀՅԴ անդամներից մեկը քաղաքացու հետ դուրս է եկել ընտրատեղամասից և գումար ստացել

ԲՀԿ վստահված անձը դիտորդի հասցեին սպառնալիքներ է հնչեցրել, ապա լքել ընտրատեղամասը

Կանխվել է կրկնակի քվեարկության դեպք 2/11 ընտրատեղամասում. Ծառուկյան խմբակցության պատգամավոր

Նման հայտարարությունները բովանդակային առումով պետք է լինեն հստակ եւ փաստարկված. Բիչախչյան

«Իմ քայլ»-ի վստահված անձը ԲՀԿ-ի վստահված անձի կողմից տարեց ընտրողների ուղղորդում է նկատել

Օրվա կադրը. ոստիկաններն օգնում են սահմանափակ կարողություններ ունեցող ընտրողին

Կաշառք տալու, կաշառք ստանալու ահազանգեր. ոստիկանությունը ստուգումներ է իրականացնում

Լրագրողը կատարվածը մասնագիտական գործունեության խոչընդոտում չի դիտարկում. ԽԱՊԿ