Վարչապետը գնացքով գնացել է Գյումրի. փակ խորհրդակցություն Շիրակի մարզպետարանում

ՀՀ վարչապետ  Կարեն Կարապետյանը նոր արագընթաց էլեկտրագնացքով էր նախընտրել գալ Գյումրի:  Վարչապետի հետ Գյումրի էին ժամանել նաեւ  Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանն ու տարածքային կառավարման և զարգացման նախարար Դավիթ Լոքյանը:  

Վարչապետը հասցրել էր մինչեւ Գյումրի հասնելը ծանոթանալ  էլեկտրագնացքի պայմաններին ու հնարավորություններին: Տպավորությունը հավանաբար դրական է, քանի որ Գյումրի կայարան իջնելուն պես  ողջունեց  «Հարավկովկասյան երկաթուղի ՓԲԸ-ին նման  որոշում կայացնելու եւ նոր արագընթաց գնացք  շահագործելու գաղափարի համար: Վարչապետը լրագրողների հարցերին չպատասխանեց,  այլ շտապեց Շիրակի մարզպետարան՝ փակ խորհրդակցության:  Փոխարենը սրտաբաց զրույցի պատրաստ էր Տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը: Գոհ էր գաղափարից էլ, գնացքից էլ, գնացքի արագությունից էլ:

«Առաջին անգամ չէ, որ գնացքով եկա Գյումրի, իսկ էս նոր գնացքով շատ ավելի հաճելի, ավելի լավ, հարմարավետ էր: Կարող եմ ասել, որ շատ ավելի հարմար էր, քան որւէ այլ երթուղային, կամ տաքսի: Ճիշտ ժամանակին շարժվեց, ճիշտ ժամանակին հասանք, 1ժամ 59 րոպեում հասանք Գյումրի»,-լրագրողների հետ զրույցում ասաց նախարարը: Արդյոք տոմսի համար բարձր գին չէ սահմանված, որովհետեւ 2500դրամը շատերի համար է անմատչելի, նախարարն ասաց, որ արագընթացին կա այլընտրանք՝ հին շարժակազմը:

«Հին գնացքը կա, որն ավելի էժան է, եւ տարբեր կանգառներում է կանգնում, էս գնացքը էքսպրեսս է Երեւանից մեկից  Գյումրի է հասնում առանց կանգառների, եւ հետո, այլընտրանքը նաեւ երթուղային տաքսիներն են, մյուս տաքսիներն են: Մարդը կարող է ընտրել իր գրպանին եւ հարմարավետությանը համապատասխան»,-ասաց նախարարը:

Վահան Մարտիրոսյանը նաեւ ընդգծել է, որ այս արագընթացը եւս մեկ խթան կհանդիասան զբոսաշրջության զարգացման համար: Նաեւ «Շիրակ» օդանավակայանն է աշխուժանում,-ընդգծեց նա եւ տեղեկացրեց, որ ներկա պահին քննարկվում են նոր ծրագրեր արագընթաց այլ փոխադրամիջոցներ եւս ունենալու համար: Հնարավոր է առաջիկայում նաեւ երկրորդ արագընթացը բերվի Գյումրի, որ ոչ թե վաղ Երեւանից դուրս գա երեկոյան նոր մեկնի, այլ նաեւ հնարավորություն լինի առավոտ շուտ նաեւ  Գյումրիից շարժվել Երեւան: Երբ երկրորդ գնացքը լինի, Երեւան-Գյումրի-Երեւան երթուղին արագընթացով կդառնա ամենօրյա:

Ի՞նչ կասեք «Տարոն Ավիա»-ի մասին, հարցին, նախարարը պատասխանեց. այդ հարցին պատրաստ չեմ:  Որոշակիորեն պատրաստ էր Հյուսիս-հարավ ճանապարհային միջանցքին առնչվող հարցերին: Տեղեկացրեց, որ այս տարի ծրագիրը մինչեւ Գյումրի չի ավարտվի, իսկ Գյումրի-Բավրա հատվածը դեռ նախագծման փուլում է, մրցույթ էլ հայտարարված չէ:

Շիրակի մարզպետարանում կայացած փակ խորհրդակցությունից հետո վարչապետ Կարեն Կարապետյանը լրագրողներին, այուամենայնիվ ինչ-որ բան ասաց: Իհարկե, չպատասխանեց տրվող հարցերին, մաիյն տեղեկեցրեց, որ հերթական մարզային հանդիպումն էր, քննարկել են  2017-ին կատարված աշխատանքը, խոսել 2018-ի  ուրվագծումներից:  Մոտ ժամանակներս նորից լինելու եմ Գյումրիում, կամփոփենք,-ասաց վարչապետը: 

Ի դեպ, գնացքով Գյումրի եկած պատվիրակության անդամները վարչապետի գլխավորությամբ Շիրակի մարզպետարանից դեպի  Արագածոտնի մարզ մեկնեցին իրենց մեքենաներով: 

 

 

Տպել
2950 դիտում

Մանվել Բադեյանը հետ է կանչվել. Սարմեն Բաղդասարյանը նշանակվել է Քուվեյթում ՀՀ դեսպան

Գեղամ Ղարիբջանյանը հետ է կանչվել Արաբական Միացյալ Էմիրություններում ՀՀ դեսպանի պաշտոնից

Իրանը մերժում է հանդիպում անցկացնելու Թրամփի առաջարկը

Ընտրությունը ցույց տվեց, որ հակահեղափոխություն չի լինելու, մնացել է մեկ ճանապարհ՝ հեղաշրջումը. քաղաքագետ

Համաշխարհային ֆուտբոլում էլ է իրավիճակ փոխվել. Մոդրիչը՝ տարվա լավագույն ֆուտբոլիստ

«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Որդիս չի ենթարկվել բռնության, նա շատ գոհ էր. թուրք սահմանահատի հայրը Հայաստանում է

Սպան ասաց՝ մի հատ թուրք բեր, օտպուսկ կտամ. հետաքննության պահանջով գյումրեցի Ժ. Գալստյանը դիմում է Նիկոլ Փաշինյանին

Դե Բիազին ՀՀ-ում է. կարող է գլխավորել ՀՀ ֆուտբոլի հավաքականը

Կարող ենք արձանագրել, որ վարչապետի ազդեցությունը բացարձակ էր. Դավիթ Խաժակյան

Սոցապում թափուր աշխատատեղերը չեն համալրվում. պատճառը ցածր աշխատավա՞րձն է

Տարեվերջին 113 միկրոավտոբուս շահագործումից պետք է դուրս գա

Զարկ տալով ընտանեկան գինեգործական ավանդույթներին. գյուղնախարարը Էջմիածին քաղաքում էր

Պայթյուն «Սուրբ Գրիգոր Լուսավորիչ» ԲԿ–ում. թթվածնի արտադրամասի օպերատորը մահացել է

Գյուղատնտեսական հարցերի մասին բարձրաձայնում են շահագրգիռ անձիք. հանդիպում է եղել նաև գյուղատնտեսության նախարարի հետ

Ո՞ւր են հոսել Կեչուտի ջրամբարի ջրերը. հաղորդում իրավապահ եւ պետական մարմիններին. ՀԲՃ

Լեւոն Երանոսյանը կասկածյալի կարգավիճակ ունի. նա ապրիլին լուսաձայնային նռնակ կիրառելու իրավասություն չի ունեցել

ԵԱՏՄ պետությունների մաքսային ծառայությունների միավորված կոլեգիայի հաջորդ նիստն անցկացվելու է Հայաստանում. ՊԵԿ

Ծառուկյանը փորձում է վերահսկողություն իրակացնել բոլոր ֆեդերացիաների վրա. Արթուր Գեւորգյան

ԼՂ հիմնախնդրի շուրջ քննարկումներն այլ հարթակներ տեղափոխելու փորձերը վնասում են տարածաշրջանում կայունությանը. ԱԳՆ