Արմեն Սարգսյանը Սահմանադրության խախտմամբ ստանձնում է նախագահի պաշտոնը. հայտարարություն

Արմեն Սարգսյանի՝ ՀՀ նախագահի սահմանադրական պահանջներին չհամապատասխանելու մասին մի շարք ՀԿ-ներ ու իրավապաշտպան կազմակերպություններ հանդես են եկել հայտարարությամբ, որում մասնավորապես ասված է. 

«ՀՀ Ազգային ժողովը քննարկելով Հայաստանի Հանրապետական կուսակցության (ՀՀԿ) կողմից ՀՀ նախագահի պաշտոնում առաջադրված Արմեն Սարգսյանի թեկնածությունը՝ ս․թ․մարտի 2-ին 90 կողմ ու 10 դեմ ձայնով նրան ընտրեց ՀՀ նախագահ։ 

Մենք՝ ներքոստորագրյալներս, արձանագրում ենք, որ Արմեն Սարգսյանը որեւէ կերպ չփարատեց իր քաղաքացիության հետ կապված կասկածները, մասնավորապես առ այն, որ նա չի բավարարում վերջին վեց տարում միայն Հայաստանի Հանրապետության քաղաքացի լինելու սահմանադրական պահանջը։ Թեեւ բազմաթիվ հարթակներում հնչեցվել էր հանրության պահանջը՝ հրապարակելու Մեծ Բրիտանիայի քաղաքացիությունը դադարեցնելու պահը հավաստող փաստաթուղթը, Ա․Սարգսյանը ներկայացրեց ընդամենը տեղեկանք՝ տրված ՀՀ ոստիկանության անձնագրային եւ վիզաների վարչության կողմից, ինչն ընդամենը վկայում է նրա ՀՀ քաղաքացի լինելու մասին եւ չի կարող փոխարինել Մեծ Բրիտանիայի պետական մարմնի կողմից տրված փաստաթղթին, որը կարող էր լինել միակ արժանահավատ ապացույցը։ Այս փաստաթղթի բացակայության պարագայում ավելի են խորանում քաղաքացիության ցենզը չբավարարելու հետ կապված հանրության կասկածները, ինչպես նաեւ  բացահայտ կերպով դրսեւորվում է Արմեն Սարգսյանի քամահրական ու անհարգալից վերաբերմունքը Հայաստանի Հանրապետության Սահմանադրության եւ քաղաքացիների նկատմամբ։

Հարկ է հիշել, որ 2008-ին կեղծված ընտրություններով եւ առնվազն 10 մարդու կյանքի գնով իշխանության եկած եւ 2013-ին կեղծված ընտրություններով ՀՀ նախագահի  պաշտոնը պահած Սերժ Սարգսյանն, իր եւ իր կուսակցության իշխանությունը վերարտադրելու եւ ամրապնդելու նպատակով, նախաձեռնեց ՀՀ Սահմանադրության փոփոխություն եւ 2015-ին կեղծեց նաեւ սահմանադրական փոփոխությունների հանրաքվեն՝ ապահովելով ՀՀԿ-ի կայուն մեծամասնությունը խորհրդարանում։ Ուստի, թերեւս օրինաչափ է, որ այս պայմաններում ՀՀԿ կողմից ՀՀ նախագահի պաշտոնում առաջադրված թեկնածուն հնարավոր է համարում արհամարհել ՀՀ գործող սահմանադրությամբ առաջադրված պահանջները եւ ամեն գնով հայտնվել ՀՀ բարձրագույն պաշտոնին։ 

Հարկ ենք համարում  նկատել նաեւ, որ Ազգային ժողովի պատգամավորների ճնշող մեծամասնությունն իր քվեարկությամբ փաստեց, որ չի հարգում Հայաստանի Հանրապետության Սահմանադրությունը եւ հերթական անգամ առաջնորդվում է ոչ թե օրենքի պահանջով, այլ՝ տվյալ պահի քաղաքական նպատակահարմարությամբ, ինչը պայմանավորված է անձնական եւ կլանային նեղ շահերով։

Արձանագրում ենք, որ ՀՀ նախագահի՝ ժողովրդի կողմից ուղղակիորեն կամ ԱԺ կողմից ընտրվելու  վերաբերյալ սահմանադրական կազուսը եւ դրան առնչվող սահմանադրական նորմերի կամայական մեկնաբանումները արդեն իսկ հարցականի տակ են դնում Հայաստանի Հանրապետության նոր նախագահի ընտրության սահմանադրականությունը։ Սրան հավելվում է այն փաստը, որ Ազգային Ժողովի պատգամավորների մեծամասնության կողմից ընտրված Արմեն Սարգսյանը ստանձնում է նախագահի պաշտոնը՝ խախտելով Հայաստանի Հանրապետության Սահմանադրությամբ հստակ սահմանված քաղաքացիության հետ կապված պահանջը՝ ողջամիտ կասկածներ հարուցելով իր լեգիտիմության նկատմամբ եւ հարցականի տակ դնելով Սահմանադրության երաշխավոր լինելու իր հիմնական գործառույթի ապահովումը։

Թրանսփարենսի Ինթերնեշնլ հակակոռուպցիոն կենտրոն

Ժուռնալիստների «Ասպարեզ» ակումբ

Իրազեկ քաղաքացիների միավորումՖ

Բաց հասարակության հիմնադրամներ – Հայաստան

«Հանուն հավասար իրավունքների» ՀԿ

Կանանց ռեսուրսային կենտրոն

Հելսինկյան քաղաքացիական ասամբլեայի Վանաձորի գրասենյակ

Գլոբալիզացիայի եւ տարածաշրջանային համագործակցության վերլուծական կենտրոն

Հանրային լրագրության ակումբ

Իրավունքի եւ ազատության կենտրոն 

Հայտարարությունը բաց է միանալու համար»

Տպել
1358 դիտում

Մոսկվայում շինարարության աշխղեկ հայն ընկել է 3 մետր բարձրությունից և մահացել հիվանդանոցում

Ուզում էր գնալ ընտանիքի մոտ. «Շերեմետևոյում» մահացած հայի ազգականը պատմել է նրա մասին

Զոհրաբ Մնացականյանը հանդիպել է Ստրասբուրգի Հայ համայնքի և ԵԽ հայազգի պաշտոնյաների հետ

Նիկոլ Փաշինյանն այցելել է PicsArt ընկերության հայաստանյան գրասենյակ (լուսանկարներ)

Ուզում ենք անել անհնարինը, որովհետև անհնարինն է մեզ համար հնարավոր դառնալու. Փաշինյանը՝ Աշտարակում և Ապարանում

Ֆինանսատնտեսական և բյուջետային հարցերի հանձնաժողովի նախագահ է վերընտրվել Վազգեն Սաֆարյանը

ԱԺ ԲՀԿ-ական պատգամավորը Արամ Ասատրյանի երգացանկից երգ է կատարում (տեսանյութ)

Զոհրաբ Մնացականյանը մասնակցել է Եվրոպայի խորհրդի նախարարների կոմիտեի հանդիպմանը

Շաբաթ օրը՝ նոյեմբերի 24-ին, ժամը 10:00-ից մեկնարկելու է մեծ երթ Երեւանի փողոցներով. Ն. Փաշինյան

«Քո արվեստը դպրոցում» ծրագիրը՝ դեկտեմբերից. հայտնի են մրցույթում հաղթողների անունները

Դեռ 2015-ին 13% եկամտահարկ սահմանվեց դրսում աշխատողների համար, կողմ էր նաև Ա. Հովհաննիսյանը. Լ. Նազարյան

Սամվել Բաբայանի եւ մյուսների վերաբերյալ գործը վարույթ է ընդունվել. նիստի օրը հայտնի է

Լարսի խցանումները կապված էին ցորենի ներկրման շրջանի եւ եղանակային վատ պայմանների հետ․ Փամբուխչյան

Մեր երկրում տեղի է ունենում տնտեսության տրանսֆորմացիայի գործընթաց. հանդիպում Արագածոտնում

«Մենք» դաշինքի ռեյտինգային թեկնածուների ցանկը

Դպրոցի տնօրենի քվեարկությունը կլինի բաց, ծնողների եւ մանկավարժների ձայնը՝ կարեւոր. նախագիծ

Երևանի դատախազը ոստիկանությանը պատվիրել է ստուգել Աշոտյանի հայտարարությունը սպառնալիքի մասին

Քաղաքապետն ընդունել է ԵԱՀԿ դիտորդական առաքելության անդամներին, ներկայացրել նախընտրական ընթացքը

Ն. Փաշինյանը սխալ է անում՝ ենթարկվելով իր որոշ վայ-թիմակիցների հետևողական բաց շանտաժին. Ֆարմանյան

Դավիթ Տոնոյանն այցելել է Աֆղանստանում ծառայություն իրականացնող հայ խաղաղապահներին (լուսանկարներ)