2004 թվականից բնակարաններից զրկված բնակիչները հանդիպում են պահանջում Տարոն Մարգարյանի հետ

Այսօր առավոտից քաղաքապետարանի շենքի դիմաց հերթական բողոքի ցույցն են անում մի շարք երեւանաբնակներ: Նրանք պահանջում են հանդիպել քաղաքապետ Տարոն Մարգարյանի հետ, պաստառները ձեռքերին բացականչում են, որ երկրի դատարանները կոռումպացված են:

Բողոքավորները նշում են մի շարք անուններ՝ Ռոբերտ Քոչարյան, Սերժ Սարգսյան, Քաղաքաշինության պետական կոմիտեի նախագահ Նարեկ Սարգսյան, Արդարադատության նախարար Դավիթ Հարությունյան, եւ ասում, որ այդ կազմն է ժողովրդին ջարդելով, սպանելով դուրս գցել իրենց բնակարաններից եւ որ սրանք բոլորը անհայրենիք դավաճաններ են:

Շուրջ 14 տարի է այս մարդիկ պայքարում են իրենց իրավունքների համար, հատուցում են պահանջում քաղաքի կենտրոնում իրենցից խլված բնակարանների համար: Ասում են, որ իրենց բնակարանները տարիներ առաջ բռնի կերպով եւ կեղծ պայմանագրերով վերցվել են ձեռքերից:

«2004 թվականից Բյուզանդի փողոցն ու Հյուսիսային պողոտան քանդեցին, մեզ ծեծելով, ջարդելով դուրս գցեցին, սպառնալիքներից դրդված մենք ստիպված ստորագրեցինք այդ պայմանագիրը»,- մեր հետ զրույցում ասաց բողոքող կանանցից մեկը, որը Բուզանդ 9 հասցեի նախկին բնակիչ է:

Բյուզանդի փողոցի վրա 125 քառակուսի մետր բնակարան է ունեցել, քաղաքապետարանը չնչին գնով վերցրել է, երկու ամիսը մեկ 20 հազար դրամ տալով, 2 տարուց հետո էլ տասը տոկոսը տալով պարտքը «մարել». «Կիսատ պռատ են տվել, ոնց տուն առնե՞ինք»,- ասում է նա եւ նշում, որ այժմ ապրում է դստեր տանը:

Նշենք, որ 2004 թվականին ՀՀ կառավարության ընդունած որոշման համաձայն՝ Բուզանդ փողոցի սեփական տների մի մասը ճանաչվեց հանրային գերակա շահ։  Համաձայն որոշման Երեւանի քաղաքապետը լիազորվում էր հողամասեր տրամադրել կառուցապատողներին առանց մրցույթի անցկացման, ուղիղ բանակցությունների միջոցով, իսկ առանց մրցույթի սեփականատեր դարձած ընկերություններին լիազորվում էր զբաղվել տների արժեքի գնահատմամբ եւ դատարանների վճիռների հիման վրա վտարել արդեն նախկին սեփականատերերին: 

Բուզանդի փողոցի արդեն նախկին սեփականատերերի սեփականությունը գնահատվել է մի քանի անգամ ավելի քիչ եւ ուժի կիրառմամբ (դատարանի միջնորդությամբ) այն վերցվել՝ խոստանալով փոխհատուցել առավելագույնը երեք տարվա ընթացքում։ Իրացման ընդհանուր տարածքը կազմում էր 4200 քմ։ Այն ընդգրկում էր Բուզանդի 13-21 շենքերը, որտեղ ապրում էր, ընդհանուր առմամբ 60 ընտանիք։

2004 թ. մինչեւ այսօր Բուզանդի փողոցի բնակիչները բազմաթիվ բողոքի ակցիաներ են անցկացրել, դիմել իրավասու մարմիններին եւ պահանջել փոխհատուցում, սակայն նրանց խնդրին լուծում չի տրվել։ «Նախագահին գրել ենք, խորհրդարան գրել ենք, բոլորի պատասխանները եկել է քաղաքապետարան: Եկել ենք ու պահանջում ենք քաղաքապետի հետ հանդիպում 15 տարի է պայքարում ենք, հատուցում ենք պահանջում»,- ասացին նրանք:

«Հյուսիսային պողոտայում տվել եմ հսկայական տարածք՝ 140 քառակուսի մետրի փոխարեն ինձ մեկ սենյականոց բնակարան են հատկացրել՝այն էլ Ավանում»,- ասաց կանանցից մեկը: Ասում են՝ նախատեսված էր եղել, որ երեք փուլով գումարը պետք է տային, այն ինչ չորս ամիս հետո նրանցից մեկը ստացել է գումարի ընդամենը 40 տոկոսը: Բնակիչները բողոքում են, որ եթե փող չունեին հատուցելու, ինչի էին 15 օր ժամկետ դրել իրենց վրա, եւ ձմեռվա կեսին բնակարաններից վտարում:

«2002 թվականին մենք չէինք ուզում մեր բնակարանից դուրս գալ, Պուշկինի 2 հասցեում էինք ապրում, մեր կողքը սեփական տներ չկար, սկսեցին քանդել կողքի գարաժները՝ մեզ փոշու ու կեղտի մեջ կորցրեցին եւ ամեն ինչ արեցին, որ դուրս գանք մեր սեփական տնից»,- ասում է Վալենտինա Հարությանը:

Պատմում է, որ պայմանագիր են կնքել, որ երկու տարում նույն տեղում բնակարան կառուցեն ու բնակարանով ապահովեն: Սակայն տարին դեռ չլրացած գնացել եւ ասել են, որ այդտեղ բնակելի շինություն չի կարող լինել, եւ որ իրենք փողոցում են հայտնվելու, եթե չհամաձայնվեն առաջարկվող պայմաններին:

Տարել են երրորդ մասում կիսաավեր մի բնակարան են հատկացրել՝ պայմանով, որ որոշ ժամանակ ապրեն մինչեւ նոր վերանորոգված տուն հատկացնեն. «Մենք սկզբում չհամաձայնվեցինք, դատարաններ ընկանք, բայց իրենք փողով դատավորներին եւ փաստաբաններին գնեցին, երկու-երեք փաստաբան ենք փոխել»,- ասում է Վալենտինա Հարությանը եւ պատմում, որ իրենց նախկին տան դիմաց վեց ամիս գիշեր-ցերեկ  նստացույց են արել:

«Մեզ վրա շատ մեծ ճնշում են գործադրել, ցեղասպանություն կատարել: Ամբողջ կենտրոնի ժողովրդին հանեցին, դուրս շպրտեցին, անկողնային հիվանդ կնոջը հանեցին դրեցին դուրսը, տները քանդեցին, երկրորդ օրն այդ կինը մահացավ»,- պատմեցին նրանք:

Քաղաքապետարանի հասարակայնության եւ լրատվության հետ կապերի վարչության պետ Արթուր Գեւորգյանը «ՀԺ»-ին փոխանցեց, որ իրենք տեղյակ չեն եղել, թե այսօր ինչ է կատարվել քաղաքապետարանի շենքի դիմաց: Իսկ մեր այն հարցին, թե հնարավոր է արդյո՞ք, որ Տարոն Մարգարյանը չմերժի եւ ի վերջո հանդիպում ունենա ցուցարարների հետ, Արթուր Գեւորգյանն ասաց, որ Տարոն Մարգարյանը պարբերաբար հանդիպում է ՀՀ մի շարք քաղաքացիների հետ, բայց պարտադիր չէ, որ հենց ինքը հանդիպի ցուցարարներին եւ որ քաղաքապետի փոխարեն կարող է մեկ ուրիշը հանդիպել եւ լսել, ծանոթանալ, թե ինչի մասին է նրանց բողոքը:

Քաղշինկոմիտեից մեզ հայտնեցին, որ այդ հարցերով ՀՀ կառավարությունն է զբաղվում: Կոմիտեն բացառապես առնչություն ունի կառուցապատման աշխատանքներ նախագծելու եւ իրականացնելու հարցում: Իրացման խնդիրները կոմիտեի լիազորություններից դուրս են:

Հ.Գ. Բազմաթիվ բնակիչներ կան, ովքեր ընտրել են իրենց իրավունքները դատական ճանապարհով անցնելու ուղին, դիմել են Եվրոպական դատարան եւ հաղթել են, իսկ թե ինչքան ֆինանսական վնաս է կրել պետությունը՝ պարզ չէ: 

Աղունիկ Հովհաննիսյան

Նյութը տպագրվել է «Հայկական ժամանակ» օրաթերթի մարտի 7-ի համարում: 

Տպել
2546 դիտում

Արսեն Ջուլֆալակյանը կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան

Կինոռեժիսոր Հովհաննես Գալստյանը Լիլիթ Մակունցի աշխատասենյակում դադարեցրեց հացադուլը

Վաչագան Ղազարյանի պաշտպանները ինքնաբացարկի միջնորդություն են ներկայացրել դատավորին. նիստը մեկ ժամով ընդմիջվել է

«Նուբարաշեն» ՔԿՀ-ում հայտնաբերվել է 86.7 գրամ կանաչ գույնի զանգված․ ԱԱԾ է հրավիրվել ոստիկան

Դահուկասպորտի ֆեդերացիայում տարաձայնություններն անցյալում են. Գագիկ Սարգսյան

Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Արմեն Գևորգյանը մեղադրվում է խոշոր չափերով կաշառքի, փողերի լվացման և սահմանադրական կարգի տապալմանն օժանդակելու համար

2019 թվականի հունվարի 1-ից ծայրահեղ աղքատ թոշակառու Հայաստանում չի լինելու (տեսանյութ)

Զանգեզուրի պղնձամոլիբդենային կոմբինատի ստուգումները չեն ավարտվել

Օր 10-րդ. այսօր հացադուլի մեջ գտնվող ռեժիսորի ծնունդն է, նա կհանդիպի Մակունցին

Ստեփանծմինդա-Լարս ավտոճանապարհը փակ է տրանսպորտային բոլոր միջոցների համար

Զինծառայողը ինքնասպանության փորձ է կատարել