Քաղաքացու դեղը վերջանում է, իսկ հիվանդանոցը չգիտի, որ դեղատոմս գրելու իրավունք ունի

«Հայկական ժամանակի» խմբագրություն դիմած քաղաքացին, որը չցանկացավ անունը հրապարակել, անհանգստություն է հայտնում, որ իրեն անհրաժեշտ դեղը մարտի մեկից չի թույլատրվում առանց դեղատոմսի վաճառել, իսկ հիվանդանոցն էլ, որտեղ բուժում է ստանում, չունի դեղատոմսի անհրաժեշտ ձեւաթուղթը:  

Արմավիրի մարզի այս բնակչի առողջական խնդիրը կապված է վահանաձեւ գեղձի հետ, եւ ամեն օր նա պետք է «Էլ տիրոքսին» ընդունի, որը պատկանում է հորմոնային դեղերի շարքին եւ առանց դեղատոմսի այլեւս բաց չի թողնվում:  

«Ես բժշկիս դիմել եմ, որպեսզի ինձ նորից դեղատոմս տա: Այն հիվանդանոցում, որտեղ որ ես եմ բուժում ստանում, իրենք այդ նոր ձեւաթղթերը չեն ստացել»,- ասաց քաղաքացին, որն այցելում է Վաղարշապատի հիվանդանոց: Սահմանված կարգի համաձայն, սակայն, մինչեւ 2018 թվականի դեկտեմբերի 31-ը շարունակելու են ուժի մեջ մնալ նախկին կարգով հաստատված դեղատոմսերի ձեւերը: Քաղաքացին նշեց, թե նախկինում դեղատոմսերը գրվել են սովորական թղթի կտորի վրա, հետեւաբար դրանք այսօր չեն կարող ընդունվել դեղատներում:

Նա նաեւ հավելեց, որ մարզային այլ հիվանդանոցների վերաբերյալ նույնպես տեղեկություն ունի, որ դեղատոմսի ձեւաթղթեր չկան: Դիմողներին, ըստ մեր զրուցակցի, ուղղորդում են պոլիկլինիկա, որտեղ նման խնդիր չկա:

«Բայց այսօր այդ պոլիկլինիկաների հանդեպ բացարձակ ոչ մի վստահություն չկա ու քաղաքացու իրավունքն է՝ ինքը պոլիկլինիկա՞, թե՞ հիվանդանոց է ուզում դիմել: Ըստ էության՝ հիվանդանոցն էլ մեղք չունի, կազմակերպչական աշխատանքները պետք է առողջապահության նախարարությունը կատարեր, բայց ըստ երեւույթին չի կատարել, դրա համար այսօր այս խնդրի առաջ ենք կանգնել: Հիմա իմ դեղը մնացել է երեք հատ, իսկ երեք օր հետո ոչ աշխատանքային օրեր են ընկնում, ու չգիտեմ, հիվանդանոցը այդ ընթացքում կստանա՞ այդ ձեւաթուղթը, որ հասցնի ինձ համար դեղատոմս դուրս գրել, թե չէ, որպեսզի ես կարողանամ նորից դեղ գնել»,- ասաց երիտասարդ կինը:  

«Այսպիսի մի խնդիր էլ կա. իմ վերջին հետազոտությունը եղել է երեւի 10 օր առաջ: Ու եթե ես հանկարծ որոշեմ դիմել պոլիկլինիկա, պոլիկլինիկան նորից պետք է հետազոտություն անցկացնի, որովհետեւ իրենք հենց այնպես դեղատոմսը դուրս չեն գրելու: Փորձել եմ զանգել առողջապահության նախարարություն. իրենց կայքի ներքեւում տարբեր համարներ կան, ոչ մի համարի չեն պատասխանում, թեժ գծով նույնպես ոչ մի պատասխան չկա: Ես նույնիսկ դիմել եմ Մարդու իրավունքների պաշտպանի գրասենյակ, որպեսզի այս հարցը շուտ կարգավորվի»,- շարունակեց քաղաքացին՝ ավելացնելով, թե չի պատկերացրել, որ կարող են նման խնդիրներ ծագել, այլապես մինչեւ մարտի մեկը որոշակի քանակով դեղ կգներ եւ կպահեստավորեր:

Նշենք, որ «Դեղատոմսերի ձեւերը, դեղատոմսեր գրելու, դեղեր բաց թողնելու կարգը, ինչպես նաեւ դեղերի եւ դեղանյութերի հաշվառման կարգը սահմանելու մասին» որոշման համաձայն, պետությունը բուժհաստատություններին պետք է տրամադրի միայն թմրամիջոց պարունակող դեղերի դեղատոմսի ձեւերը, մնացած ձեւերը ձեռք են բերելու բժշկական կազմակերպությունները:  

Վաղարշապատի հիվանդանոցի փոխտնօրեն Մելիք Կոնդյանը, մեր հարցմանն ի պատասխան պարզաբանեց, որ հիվանդանոցը դեղատոմս գրելու անհրաժեշտություն չունի, քանի որ խոսքը ստացիոնար բուժհաստատության մասին է: «Մենք դեղորայքով սպասարկում ենք, մենք մեր դեղորայքը ունենք: Դեղատոմս գրում են ամբուլատոր հաստատությունները»,- ասաց նա՝ հավելելով, որ բուժվելուց հետո դուրս գրված հիվանդներն ուղարկվում են պոլիկլինիկայի հսկողության տակ, հետեւաբար անհրաժեշտության դեպքում պետք է դեղ նշանակեն այնտեղի բժիշկները:

ՀՀ առողջապահության նախարարության լրատվական ծառայությունից խնդրի առնչությամբ պատասխանեցին, որ ստացիոնար բուժհաստատությունը դեղատոմս գրելու իրավունք ունի: Կառավարության վերոնշյալ որոշմամբ հաստատված կարգն էլ սահմանում է. «Բժշկական օգնություն եւ սպասարկում իրականացնող իրավաբանական անձանց կամ անհատ ձեռնարկատերերին բուժում ստանալու նպատակով դիմած անձանց, ինչպես նաեւ հիվանդանոցային եւ արտահիվանդանոցային ձեւով բժշկական օգնություն եւ սպասարկում ստացած եւ դուրս գրված պացիենտների բուժման շարունակականության անհրաժեշտության, համապատասխան ցուցումների առկայության դեպքում նշանակվում են դեղեր, եւ գրվում են դեղատոմսեր»:

Այսպիսով, հերթական անգամ պարզ է դառնում, որ առողջապահության նախարարությունը ձեռնարկել է փոփոխություններ՝ առանց համակարգը պատշաճ կերպով նախապատրաստելու եւ բուժանձնակազմին բավարար տեղեկություններ տրամադրելու:

Նյութը տպագրվել է «Հայկական ժամանակ» օրաթերթի մարտի 7-ի համարում:

Տպել
1136 դիտում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին

Դիլիջանի ոլորաններում, Սյունիքի մարզի Գորիս և Քաջարան քաղաքներում մառախուղ է

Արագ հավաքովի, սենդվիչային տարբերակով թաղամաս. Ա. Մեսչյանն առաջարկում է համալրել բնակֆոնդը

«Ղեկը աջ» նախաձեռնությունը վաղը Կառավարության մոտ մեծ բողոքի ակցիա կիրականացնի

Կան պաշտոնյաներ, որոնք ստանում են 1 մլն դրամից ավելի թոշակ. Թանդիլյանն առաջարկում է չափ սահմանել

20-ամյա կնոջը դաժան ծեծի ենթարկած 30-ամյա տղամարդը նախկինում երեք անգամ դատապարտված է եղել

Արցախի ԱԳՆ ղեկավարն ընդունել է ԵԱՀԿ գործող նախագահի անձնական ներկայացուցչին

ՊԲ հրամանատարն ու Անջեյ Կասպրշիկը քննարկել են շփման գոտում տիրող իրավիճակը

Մինչեւ վերասարքավորում կատարելը իրենք չեն կարող այդ մեքենան շահագործել. Արմեն Փամբուխչյան

1988 թ. երկրաշարժի զոհերի հարգանքի տուրքի բոլոր միջոցառումները կկազմակերպվեն բարձր մակարդակով. Ցոլակյան

Ոստիկանին փորձում են անհիմն ազատել աշխատանքից. նա դիմում է ՀՀ ոստիկանապետին

Վերաքննիչը բեկանեց Շահեն Հարությունյանին տուգանելու մասին Վարչական դատարանի որոշումը

Իմ երեխան, իմանալով, որ մեքենան անսարք է, ասել է՝ ես չեմ վարի. զինծառայողի ծնողները մանրամասներ են պատմում

Ախալցխայում հայկական դպրոցի աղջիկներին մի քանի օր հետևել է Պակիստանի քաղաքացի. նրան ձերբակալել են

Քառօրյա պատերազմի ժամանակ մարտական հերթապահություն իրականացրած ՀՊՏՀ ուսանողների բաց նամակը վարչապետին, ԿԳ նախարարին