ՀՀԿ-ից Աշոտ Արսենյանը ներկա չէ, Նիկոլ Փաշինյանը նկատեց, որ նրա փոխարեն ուրիշն է քվեարկում

07/03/2018 schedule11:58

ԱԺ-ն շարունակում է կառավարության կողմից հրավիրված արտահերթ նիստը: Քվեարկվում են երեկ նիստում քննարկված հարցերը: Երկրորդ ընթերցմամբ եւ ամբողջությամբ ԱԺ-ն ընդունեց «Հանրային խորհրդի մասին» օրենքի լրամշակված նախագիծը: Դեմ քվեարկեցին ԵԼՔ եւ Ծառուկյան խմբակցությունները։ Նախագիծն ընդունվեց 64 կողմ 32 դեմ ձայների հարաբերակցությամբ: ԵԼՔ-ն ու Ծառուկյանը դեմ էին: Հիշեցնենք, որ նախատեսվում են նաեւ փոփոխություններ խորհրդի կազմում։ Ի տարբերություն ներկայիս կազմի՝ նախատեսվում է խորհրդի 36 անդամի փոխարեն ունենալ 45-ը, որից 15-ին կնշանակի կառավարությունը։ Բարձրացվել է նաեւ խորհրդի անդամների տարիքային շեմը։ Եթե գործող օրենքը թույլատրում է խորհրդի անդամ դառնալ 18 լրացած անձանց, ապա նոր կարգավորումներով խորհրդի անդամ կարող է դառնալ 25 տարին լրացած անձը։ Նախատեսվում է նաեւ ավելացնել ոլորտային հանձնաժողովների թիվը՝ 12-ի փոխարեն 15։ Հանրային խորհրդի առաջին անդամներին նշանակելու է կառավարությունը, իսկ մնացած անդամները կընտրվեն գաղտնի քվեարկությամբ։ Խորհրդին առընթեր կստեղծվի Ազգային փոքրամասնությունների հարցերով պալատ:

Առաջին ընթերցմամբ խորհրդարանը կողմ քվեարկեց նաեւ «Հանրաքվեի մասին» ՀՀ օրենքում լրացում կատարելու մասին» օրենսդրական փաթեթին: Դեմ քվեարկեցին ԵԼՔ եւ Ծառուկյան խմբակցությունները։ Այս օրենքով հստակեցվում են հարցը հանրաքվեի դնելու կարգի, հանրաքվեի նշանակման, կազմակերպման, քարոզչության իրականացման, քարոզչությունը ֆինանսավորելու նպատակով քարոզչության հիմնադրամ ստեղծելու, այդ հիմնադրամում մուծումներ կատարելու, քարոզչության ժամանակ դիտորդական առաքելություն իրականացնելու, հանրաքվեի ամփոփման, օրենքի նախագծի ընդունման նախաձեռնությանը քաղաքացիների միանալու մանրամասները: Հանրաքվեն առանձնացվում է որպես ժողովրդի կողմից անմիջականորեն իր իշխանության իրականացման ձև: Այն նախատեսվում է անցկացնել ընդհանուր, հավասար, ազատ և ուղղակի ընտրական իրավունքի հիման վրա՝ գաղտնի քվեարկությամբ:

Սահմանադրության ընդունման, Սահմանադրության փոփոխությունների կատարման վերաբերյալ հանրաքվեի հարցով կարող են դիմել ոչ միայն պատգամավորների մեկ երրորդը, Կառավարությունը, այլ նաև 200 հազար քաղաքացի: Նախատեսվեց նաև, որ քաղաքացիական նախաձեռնության կարգով օրենքի նախագիծ կարող է ներկայացվել ԱԺ 50 հազար քաղաքացու կողմից և, եթե այդ նախագիծը ԱԺ կողմից չի ընդունվում, ապա 50 հազարին միավորվելով ևս 300 հազար քաղաքացի, ապա նախագիծը դրվում է: Փոփոխություն է մտցվել նաև Հայաստանի` վերպետական կառույցներին անդամակցելու, դրանցից դուրս գալու կարգի մեջ, որի համաձայն` վերպետական կառույցներին ՀՀ անդամակցության հարցերը, ներառյալ նաև այդ կազմակերպություններին անդամակցությունը դադարեցնելուն, ինչպես նաև ՀՀ տարածքի փոփոխությանը վերաբերող հարցերը դրվում են հանրաքվեի: Քվեարկության ժամանակ կողմ քվեարկեց 61 հոգի, մինչդեռ հաշվի առնելով, որ ներկայացված օրինագիծը Սահմանադրական է, դրա համար անհրաժեշտ է ձայների 3/5-րդը։

Նիկոլ Փաշինյանը արձագանքեց, որ 61 ձայնը խախտում է, իսկ ԱԺ նախագահ Արա Բաբլոյանն էլ նկատեց, որ գործուղման մեջ գտնվող 3 պատգամավոր կողմ քվեարկության ձայն է թողել։ Նիկոլ Փաշինյանն էլ նկատեց, որ Աշոտ Արսենյանը ներկա չի եղել , մինչ դեռ նրա տեղը քվեարկություն է իրականացվել։ ԵԼՔ-ի պատգամավոր Արարատ Միրզոյանն էլ նշեց. «Մի մտածեք, որ լղոզելով անցնելու ա։ Մեզ հիմարի տե՞ղ եք դնում, չեմ հասկանում։ Ապահովեք ձեր պատգամավորների քանակը, չեք կարողանում մի քվեարկեք»,- նշեց նա։ ԱԺ փոխնախագահ Էդուարդ Շարմազանովն էլ նկատեց, որ եթե անգամ 63 կողմ ձայն կա, ապա դա արդեն իսկ ձայների 3/5-րդն է:

ԱԺ-ն ընդունեց նաեւ «Ներման մասին» օրենքի նախագիծը: Նախագիծն ընդունվեց ձայների 63 կողմ, 31 դեմ ձայների հարաբերակցությամբ: Դեմ քվեարկեցին ԵԼՔ և Ծառուկյան խմբակցությունները: Հիշեցնենք, որ նախագծի քննարկման ժամանակ հատկապես խնդրահարույց էր հետևյալ դրույթները: Հաշվի առնելով ներման խնդրագրի բնույթը և կարևորությունը՝ բացառիկ դեպքերում վարչապետը ներման խնդրագիր ներկայացրած անձին ներում շնորհելու կամ ներման շնորհումը մերժելու մասին առաջարկությունը Հանրապետության նախագահին կարող է ներկայացնել առանց հարցը Հանձնաժողովի քննարկմանը ներկայացնելու: Հանձնաժողովը ներման խնդրագիրը ստանալուց հետո քսանօրյա ժամկետում վարչապետին ներկայացնում է եզրակացություն ներման խնդրագրի վերաբերյալ: Հանձնաժողովի՝ ներման խնդրագրի վերաբերյալ ներկայացված եզրակացությունը խորհրդատվական բնույթ ունի: Ընդդիմադիրները պնդում էին, որ այս դրույթները հակասում են սահմանադրությանը, քանի որ սահմանափակվում են նախագահի լիազորությունները:

Տպել
1337 դիտում

Արսեն Ջուլֆալակյանը կմասնակցի ՀՀ գավաթի խաղարկությանը

Սոս Սարգսյանի թատրոնն առանց տնօրենի եւ գեղղեկավարի. Չալդրանյանն ազատման դիմում է ներկայացրել

Իրավական առումով անվիճարկելի համապետական ընտրությունների անցկացումն այլևս իրողություն է. «Ժառանգություն»

Դատարան է ներկայացել Հայկ Սարգսյանի դեմ ցուցմունք տված «Կենտրոնի Կյաժը». նիստերի դահլիճում է նաեւ Խաչատուրովի որդին

Հայտնի են ՀՀ-ում նոր կազմավորված զինվորական կոմիսարիատների եւ նրանց տեղակայման վայրերը

Վերջապես ՀՀ-ում ձևավորվում է լեգիտիմ իշխանություն․ Ջավախքի ՀԿ-ների հայտարարությունը

Բարձրացնել որակը եւ նվազեցնել ջրի կորուստները․ Ավինյանն ընդունեց «Վեոլիա»-ի ներկայացուցչին

Աշոցքում ձյունը չի դադարում

Սիրիայում նոր ռազմական գործողություն ենք սկսելու․ Էրդողան

Կինոռեժիսոր Հովհաննես Գալստյանը Լիլիթ Մակունցի աշխատասենյակում դադարեցրեց հացադուլը

Վաչագան Ղազարյանի պաշտպանները ինքնաբացարկի միջնորդություն են ներկայացրել դատավորին. նիստը մեկ ժամով ընդմիջվել է

«Նուբարաշեն» ՔԿՀ-ում հայտնաբերվել է 86.7 գրամ կանաչ գույնի զանգված․ ԱԱԾ է հրավիրվել ոստիկան

Դահուկասպորտի ֆեդերացիայում տարաձայնություններն անցյալում են. Գագիկ Սարգսյան

Օրենքի արգելքի դեմ ցանկացած գործողություն մի փոքր անհասկանալի է լինում. Փամբուխչյան

Արմեն Գևորգյանը մեղադրվում է խոշոր չափերով կաշառքի, փողերի լվացման և սահմանադրական կարգի տապալմանն օժանդակելու համար

2019 թվականի հունվարի 1-ից ծայրահեղ աղքատ թոշակառու Հայաստանում չի լինելու (տեսանյութ)

Զանգեզուրի պղնձամոլիբդենային կոմբինատի ստուգումները չեն ավարտվել

Օր 10-րդ. այսօր հացադուլի մեջ գտնվող ռեժիսորի ծնունդն է, նա կհանդիպի Մակունցին

Ստեփանծմինդա-Լարս ավտոճանապարհը փակ է տրանսպորտային բոլոր միջոցների համար

Զինծառայողը ինքնասպանության փորձ է կատարել