Հայ հանդիսատեսը սպասում է Վարդան Պետրոսյանի վերադարձին

«ՀԺ»-ն հարցում է անցկացրել Երևան քաղաքի բնակիչների շրջանում՝ պարզելու համար, թե որքան հաճախ են թատրոն այցելում, քաղաքի որ թատրոններն են նախընտրում եւ առավելագույնը ինչքան գումար են պատրաստ վճարել մեկ ներկայացման համար: Հարցվածների մեծ մասն ասացին, որ ներկայացումների գնում են, երբ հրավիրատոմս են տրամադրում իրենց ծանոթները կամ աշխատավայրը:

Իսկ նրանք, ովքեր տարվա մեջ մի քանի անգամ գնում են ներկայացում նայելու՝ մեծ մասը պատրաստ չեն մեկ տոմսի համար 3 հազար դրամից ավելի վճարել: Միջինից բարձր տարիքի կանանց մեծամասնությունն ասացին, որ պատրաստ չեն անգամ հազար դրամ հատկացնել թատրոնին, քանի որ ֆինանսական միջոցները չեն ներում, իսկ տոմսերի գները իրենց համար չափազանց բարձր են:

Պարզվում է՝ միջինից բարձր տարիքի տղամարդիկ վերջին անգամ թատրոն հաճախել են «կոմունիստների վախտով», կամ «հազար տարի առաջ»: Նրանց մի մասն ասացին, որ սիրում են ներկայացումներ նայել, պարզապես ժամանակ չեն գտնում, քանի որ ընտանիք պահելու համար օրնիբուն լարված աշխատում են:

Ի տարբերություն տղամարդկանց՝ կանանց դեպքում պատկերն այստեղ մի փոքր այլ է, նրանց բախտը բերել է, քանի որ երեխաներին տանում են ներկայացումներ նայելու եւ իրենք էլ են նայում, բայց այս դեպքում էլ հայ մայրերը նախապատվությունը հիմնականում տալիս են մանկական ներկայացումներին: Այսինքն, կարելի է ասել, որ շատ դեպքերում այլընտրանք չունեն:

Երիտասարդության վիճակն անհամեմատ ավելի տխուր էր, քանի որ հարցվածներից շատերն անգամ մոռացել էին թատրոնի մասին, մեծ մասը նշեց, որ զբաղվածության պատճառով չեն գնում ներկայացումներ նայելու, եւ՛ աշխատում են, եւ՛ սովորում:

Երիտասարդ աղջիկներից մեկը պարզաբանեց, որ չի սիրում թատրոն գնալ, քանի որ թատրոնի ներկայացումները գերէմոցիոնալ ու արհեստական է համարում եւ որ վերջին անգամ դպրոցական տարիքում է գնացել թատրոն՝ Լևոն Շանթի «Հին աստվածներ» ներկայացումն է նայել. «Ամենավերջին տեղն եմ հատկացնում թատրոնին»,-մեզ հետ զրույցում ասաց նա:

Այն մարդիկ, ովքեր նշում են, որ մի անձի համար երբեմն պատրաստ են որոշակի գումար հատկացնել, վերջին անգամ թատրոնում եղել են մեկ, երկու տարի առաջ: Ուշագրավ է, որ ձևավորված մի շերտ կա, որը պատրաստ է բավական մեծ գումարներ տրամադրել դերասան, երգիծաբան Վարդան Պետրոսյանի ներկայացումներին:

Հարցվածներից շատերն ասացին, որ անհամբերությամբ սպասում են, թե երբ դարձյալ բեմին կտեսնեն Վարդան Պետրոսյանին: Նրանց համար միևնույն է, թե վերջինիս ներկայացման տոմսերն ինչ կարժենան, պատրաստ են վճարել 10 հազար եւ ավելի, միայն թե վստահ լինեն, որ վերջապես կկարողանան որակյալ ներկայացում տեսնել:

«Վարդան Պետրոսյանին հաջողվում է ողբերգությունն ու կատակերգությունը մեկտեղել, յուրաքանչյուր թեման բովանդակալից ու հետաքրքրական ներկայացնել»,- ասաց մեր զրուցակից մի երիտասարդ:

Հարցվածների մեծ մասն իրենց նախընտրելի թատրոնների ցանկում նշեցին հատկապես Կոնստանտին Ստանիսլավսկու անվան ռուսական դրամատիկական եւ Կամերային երաժշտական թատրոնները՝ պարզաբանելով, որ այս թատրոնների ներկայացումներն ավելի հետաքրքիր են:

Աղունիկ Հովհաննիսյան

Տպել
2594 դիտում

«Ժողովրդավարական ուղի» կուսակցությունը շնորհավորել է ՀՀ վարչապետ Փաշինյանին՝ «Իմ քայլը» դաշինքի հաղթանակի առթիվ

Մանվել Բադեյանը հետ է կանչվել. Սարմեն Բաղդասարյանը նշանակվել է Քուվեյթում ՀՀ դեսպան

Գեղամ Ղարիբջանյանը հետ է կանչվել Արաբական Միացյալ Էմիրություններում ՀՀ դեսպանի պաշտոնից

Իրանը մերժում է հանդիպում անցկացնելու Թրամփի առաջարկը

Ընտրությունը ցույց տվեց, որ հակահեղափոխություն չի լինելու, մնացել է մեկ ճանապարհ՝ հեղաշրջումը. քաղաքագետ

Համաշխարհային ֆուտբոլում էլ է իրավիճակ փոխվել. Մոդրիչը՝ տարվա լավագույն ֆուտբոլիստ

«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Որդիս չի ենթարկվել բռնության, նա շատ գոհ էր. թուրք սահմանահատի հայրը Հայաստանում է

Սպան ասաց՝ մի հատ թուրք բեր, օտպուսկ կտամ. հետաքննության պահանջով գյումրեցի Ժ. Գալստյանը դիմում է Նիկոլ Փաշինյանին

Դե Բիազին ՀՀ-ում է. կարող է գլխավորել ՀՀ ֆուտբոլի հավաքականը

Կարող ենք արձանագրել, որ վարչապետի ազդեցությունը բացարձակ էր. Դավիթ Խաժակյան

Սոցապում թափուր աշխատատեղերը չեն համալրվում. պատճառը ցածր աշխատավա՞րձն է

Տարեվերջին 113 միկրոավտոբուս շահագործումից պետք է դուրս գա

Զարկ տալով ընտանեկան գինեգործական ավանդույթներին. գյուղնախարարը Էջմիածին քաղաքում էր

Պայթյուն «Սուրբ Գրիգոր Լուսավորիչ» ԲԿ–ում. թթվածնի արտադրամասի օպերատորը մահացել է

Գյուղատնտեսական հարցերի մասին բարձրաձայնում են շահագրգիռ անձիք. հանդիպում է եղել նաև գյուղատնտեսության նախարարի հետ

Ո՞ւր են հոսել Կեչուտի ջրամբարի ջրերը. հաղորդում իրավապահ եւ պետական մարմիններին. ՀԲՃ

Լեւոն Երանոսյանը կասկածյալի կարգավիճակ ունի. նա ապրիլին լուսաձայնային նռնակ կիրառելու իրավասություն չի ունեցել

ԵԱՏՄ պետությունների մաքսային ծառայությունների միավորված կոլեգիայի հաջորդ նիստն անցկացվելու է Հայաստանում. ՊԵԿ

Ծառուկյանը փորձում է վերահսկողություն իրակացնել բոլոր ֆեդերացիաների վրա. Արթուր Գեւորգյան