Արման Սահակյանը միավորված կառույցի ղեկավա՞ր

Նախօրեին Արդարադատության նախարար Դավիթ Հարությունյանը ԱԺ-ում կառավարության կառուցվածքի փոփոխությունների հետ կապված քննարկումների ժամանակ հայտարարել է, որ Կադաստրի պետական կոմիտեն կարող է լուծարվել, քանի որ փոխված Սահմանադրությունը պահանջում է, որ կառավարությանն առընթեր մարմինները պետք է միանան որևէ գերատեսչության կամ կառուցվածքային համապատասխան փոփոխություններով նախարարության կարգավիճակ ստանան: Ըստ Դավիթ Հարությունյանի՝ եթե կոմիտեն կատարում է մի քանի նախարարությունների առնչվող գործառնություններ, և երբ այդ գործառույթները բաժանվեն նախարարությունների միջև, ապա Կադաստրի կոմիտեի գոյությունը կդառնա ավելորդ:

Խոսակցություններ են պտտվում, որ Կադաստրի պետական կոմիտեի՝ Պետական գույքի կառավարման վարչությանը միանալու դեպքում կոմիտեի նախագահ Մարտին Սարգսյանն է ղեկավարելու տվյալ կառույցը, իսկ թե ուր է գնալու Պետգույքի կառավարման վարչության պետ, Գալուստ Գրիգորիչի որդի, ՀՀԿ խորհրդի անդամ Արման Սահակյանը՝ հայտնի չէ: Սակայն հնարավոր է նաեւ հակառակը՝ հենց Արման Սահակյանն էլ կարող է լինել միավորված կառույցի ղեկավարը:

Պետգույքի կառավարման վարչության պետ Արման Սահակյանը մեր զրույցում ասաց, որ ինքը տեղյակ չէ, չի լսել, որ Դավիթ Հարությունյանը նման բան է ասել, դրա համար էլ չի կարող մեկնաբանություն տալ.

«Եթե Կառավարությունը որոշի լուծարել Կադաստրի պետական կոմիտեն՝ ուրեմն կլուծարվի, եթե որոշի չլուծարել, ուրեմն՝ չի լուծարվի: Ես էստեղ կարծիք չեմ կարող հայտնել, առավել եւս, որ չեմ լսել պարոն Հարությունյանի հայտարարությունը»,- ասաց Արման Սահակյանը:

«Հայկական ժամանակ»-ի հարցին՝ հնարավոր լուծարման եւ միավորման դեպքում ո՞վ կլինի կառույցի ղեկավարը, ինքը՝ Սահակյա՞նը, թե՞ կոմիտեի նախագահ Մարտին Սարգսյանը, որովհետեւ խոսակցություններ կան, թե Մարտին Սարգսյանն է լինելու, Արման Սահակյանը պատասխանեց.

«Դա, անկեղծ ասած, ոչ ես եմ որոշում, ոչ էլ Մարտին Սարգսյանը: Դա պիտի լինի քաղաքական որոշման արդունքում, եւ ես կարծում եմ, որ Կառավարությունը ում որոշի, նա էլ կլինի: Ես դրա մեջ որեւէ արտառոց բան չեմ տեսնում»:

Հնարավոր է, որ իշխանական թեւն այս քայլով փորձում է հնարավորինս թուլացնել Գալուստ Սահակյանի դիրքերը: Այս խնդրի վերաբերյալ մեր հարցին, սակայն Արման Սահակյանը պատասխանեց, որ Գալուստ Սահակյանի դիրքերը ուժեղացնելու կամ թուլացնելու խնդիր չկա.

«Գալուստ Սահակյանը նույն Գալուստ Սահակյանն է, Ազգային ժողովի պատգամավոր է եւ Հանրապետական կուսակցության փոխնախագահ»,- ասաց Արման Սահակյանը՝ հավելելով, որ ինքը հիմա պետք է խորհրդակցության գնա:

                                                                                      ՀայԱրփի Բաղդասարյան

Նյութը տպագրվել է «Հայկական ժամանակ» օրաթերթի մարտի 8-ի համարում:

Տպել
964 դիտում

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել