Քոռանամ ես. հիվանդանալ հանուն ազգի

09/03/2018 schedule14:25

Տպագրվել է «Հայկական Ժամանակ» օրաթերթի՝ 2005 թվականի մարտի 10-ի համարում

ՀՀ ԱԳ նախարար Վարդան Օսկանյանը երեկ փորձեց ամբողջ ասուլիսի ընթացքում պահպանել դեմքի տառապալից արտահայտություն, նրա աշխատակազմն էլ մինչ ասուլիսը սկսվելը  բաժակով ջուր դրեց բարձրախոսի պատվանդանին (այդպիսի սովորություն ԱԳ նախարությունում չկա), ի նշան այն բանի, որ նախարարը  ծանր հիվանդությունից դեռեւս ամբողջությամբ չի ապաքինվել, եւ ընթացքում ասենք, կարող է հազի նոպա ունենալ: Իհարկե, Վարդան Օսկանյանի մոտ երեկ հազ չգրանցվեց, իսկ նրա տեսքը, չնայած գործադրվող ջանքերին, ավելի քան նորմալ էր: Պարոն Օսկանյանն ասուլիս էր հրավիրել, ինչպես ինքն ասաց՝ «վերջին իրադարձությունների» կապակցությամբ առաջացած հարցերին պատասխանելու համար:

Հիշեցնենք, որ «վերջին իրադարձությունները» նրանք են, որ Օսկանյանը բաց թողեց Պրահայում Մամեդյարովի եւ ԵԱՀԿ ՄԽ համանախագահների հետ հերթական հանդիպումը, որից հետո տեղեկություններ եղան, թե մայիսին Քոչարյանն ու Ալիեւը պետք է ԼՂ հարցի շուրջ փաստաթուղթ ստորագրեին, ինչը Օսկանյանի «հիվանդությամբ» եւ այս կարգի այլ հնարքներով նախատեսված է խափանել: Մինչ այս տեղեկությունների շուրջ ՀՀ ԱԳ նախարար Վարդան Օսկանյանի բացատրություններին անդրադառնալը, ուզում ենք մի աննշան հանգամանքի վրա ուշադրություն հրավիրել: 2004 թվականի ամփոփիչ ասուլիսում պարոն Օսկանյանը հրապարակայնորեն խոստովանել էր, որ «միշտ չէ, որ ճիշտ է խոսում»: Եւ այսպես, ՀՀ ԱԳ նախարարն ասում է, որ ԼՂ հարցի շուրջ նախնական փաստաթղթի ստորագրման լուրերը իրականությանը չեն համապատասխանում.

«Այդպիսի բան չկա, ես չեմ ուզում խորանալ դրա մեջ: Նախագահների հանդիպում սպասվում է, ուղղակի ելնելով նախորդ նախադեպերից, որ բազմակողմանի հանդիպումների ժամանակ, Հայաստանի եւ Ադրբեջանի նախագահները հանդիպում են ունենում, բայց որ այդ հանդիպման ընթացքում ինչ-որ փաստաթուղթ ստորագրվի, դա իրականությանը չի համապատասխանում»,- երեկ մեր հարցին այսպես պատասխանեց Վարդան Օսկանյանը: Բացի այդ, նա ասաց, որ առանց իրեն, Մամեդյարովի եւ ԵԱՀԿ Մինսկի խմբի համանախագահների միջեւ տեղի ունեցած հանդիպման ժամանակ ԼՂ հարցի շուրջ որեւէ քննարկում տեղի չի ունեցել, պարզապես,  Մամեդյարովը Պրահա է գնացած եղել փաստահավաք խմբի զեկույցին ծանոթանալու համար, ինչին, ի դեպ ծանոթացել է նաեւ Օսկանյանը, որը Պրահա չի մեկնել.

«Նախօրոք պայմանավորվածություն կար, որ պրահյան հանդիպման ժամանակ համանախագահները երկու նախարարներին պետք է ծանոթացնեն նաեւ զեկույցի բովանդակությանը, եւ Մամեդյարովի հիմնական Պրահա գնալու պատճառն այն էր, որ ծանոթանա զեկույցին: Բայց պարիտետը պահելու համար համանախագահները կարողացան նույն պահին, երբ Մամեդյարովն էր կարդում այն, զեկույցն ինձ հասցնել եւ ես նույնպես ծանոթացա դրան»,- ասաց Վարդան Օսկանյանը: Ավելի ուշ, սակայն, նա միայն հույս հայտնեց, որ զեկույցը կպատասխանի Ադրբեջանի կողմից բարձրացված այն մեղադրանքներին, թե ԼՂ հարակից տարածքներում վերաբնակեցման քաղաքականություն է իրականացվում, թե դրա ետեւում կանգնած է Հայաստանի կառավարությունը, եւ թե վերաբնակիչները Հայաստանից ու սփյուռքից են. «Մենք հույս ունենք, որ զեկույցը պատասխան կտա այս բոլոր հարցերին, դրա համար շատ պետք չէ սպասել, եւ ամսվա կեսերին, մենք հնարավորություն կունենանք համեմատել արդյունքները Ադրբեջանի հիմնավորումների հետ»,- ասաց Օսկանյանը:

Ինչեւէ, Օսկանյանը ծանոթացել է զեկույցին, թե ոչ այս պահին էական չէ, հատկապես, որ առաջիկայում Վիեննայում այն պաշտոնապես հրապարակվելու է: Այս պահին էականն այն է, թե ի վերջո, ինչու Օսկանյանը չմասնակցեց Պրահայի հանդիպմանը, չէ որ նա մինչ այդ էլ առողջական խնդիրներ ուներ, որոնք սակայն չխանգարեցին Հասարակածային Գվինեա մեկնել՝ ելնելով այցի կարեւորությունից: Արդյո՞ք Մամեդյարովի հետ հանդիպումը կարեւոր չէր: Մեր այս հարցին ի պատասխան Վարդան Օսկանյանը պատմեց, թե ինքն ինչպես է քրտնել ու սառել Հասարակածային Գվինեայի 40 աստիճան շոգի, 100 աստիճան խոնավության եւ ամենուր գոյություն ունեցող կոնդիցիոներների պայմաններում, եւ Հայաստան վերադառնալուց հետո հայտնաբերել է, որ թոքաբորբով հիվանդ է, ու տանից դուրս չի եկել:

Պարոն Օսկանյանի մոտ նաեւ կասկած առաջացավ, որ մենք չենք հավատում նրա հիվանդության պատմությանը: Սակայն, կարծում ենք, որ պարտադիր չէ հավատալ այն նախարարին, որ գործի բերումով միշտ չէ, որ ասում է ճշմարտությունը: Ի դեպ, մարտի երկուսին, երեքին, չորսին, այսինքն այն օրերին, որ ՀՀ ԱԳ նախարարը չմեկնեց Պրահա եւ բաց թողեց Մամեդյարովի եւ համանախագահների հետ հանդիպումը, նա առանց պրոբլեմի այցելում էր ՀՀ ԱԳ նախարարություն եւ որոշակի ժամանակ անցկացնում իր աշխատասենյակում:

Աննա Հակոբյան

Տպել
1895 դիտում

ՀՀ պաշտպանության նախարարի պաշտոնակատար Դավիթ Տոնոյանը զինգրքույկի լրացման կարգը սահմանելու մասին հրաման է ստորագրել

Էդմոն Մարուքյանը անակնկալ նվեր է ստացել (լուսանկար)

Միջազգային հեղինակավոր պարբերականները՝ Արցախի դրոշով «Արսենալի» դաշտ մտած երկրպագուի մասին

ՀՀ ՊՆ-ն հայտարարություն է տարածել ԶՈՒ պատվո պահակային վաշտում ծառայության անցնելու մասին

ԼՂ հակամարտության խաղաղ կարգավորումը շարունակում է մնալ Հայաստանի գլխավոր առաջնահերթությունը. Նիկոլ Փաշինյան

ՊՆ-ի հանդեպ ստանձնած պարտավորությունները չկատարելու դեպքերի առթիվ հարուցվել են քրեական գործեր

Ադրբեջանը Հայաստանի հետ սահմանի Ղազախի եւ Աղստեւի հատվածում ԶՈՒ-ն կփոխարինի սահմանապահներով

Նոր նշանակումը ավելի կբարելավի առաջնագծի ամրակայունությունը, իսկ Կարապետյանը Արցախի ծեծ ու ջարդի քավորն է. Վ. Բադասյան

Քոչարյանի պաշտպանները կալանքի որոշումը կբողոքարկեն. օրակարգում է նաեւ ՍԴ եւ ՄԻԵԴ դիմելու հնարավորությունը

Հանրապետության հրապարակում գլխավոր տոնածառի լույսերը կվառվեն դեկտեմբերի 21-ին

Երկրում ստեղծված իրավիճակը շատերին հուշում էր, որ կարող էր մեկ այլ որոշում լինել. Արմեն Գեւորգյան

Հայ-վրացական սահմանը փակ է. ջավախահայերը բողոքի ցույց են անում (տեսանյութ)

«Գուցե մեր առաջարկած ՀԱՊԿ գլխավոր քարտուղարի թեկնածուն Հայաստանի համար ավելի լավը լինի, քան ցանկացած հայ». Լուկաշենկո

2019-ը նոր խթան կհաղորդի ղարաբաղյան հակամարտության կարգավորմանը․ Իլհամ Ալիեւ

Սերժ Սարգսյանը հրաժարվել է հանձնել 5 շրջանները․ Լուկաշենկո

Տիգրան Մեծ փողոցում աղբ է այրվում․ մեկնել է ԱԻՆ մեկ մարտական հաշվարկ

Ռուսաստանը ՀՀ-ում կառավարության ձեւավորումից հետո ակնկալում է ԼՂ հակամարտության կարգավորման բանակցությունների վերսկսում

ՀՀ նախկին փոխվարչապետ Արմեն Գեւորգյանը չկալանավորվեց. դատարանը հրապարակեց որոշումը

Քրիստիան Գելիջին հրաժարվել է անօթեւանի հետ պայմանագրի կնքումից. գյումրեցու նամակը՝ Նիկոլ Փաշինյանին

Արցախի դրոշով խաղադաշտ դուրս գալու ակցիան հասել է նպատակին. ՖԱՖ հիմնադիր-անդամ