Մխիթարյանի վերաբերյալ դժգոհություններն «Արսենալում» անցյալում են. նա կրկին հերոս է

Ֆուտբոլում իրավիճակն արագ է փոփոխվում: Դեռ 1 շաբաթ առաջ՝ «Արսենալի» 4 պարտությունների շարքից հետո բոլորը մեղավոր էին: Բոլորը մեղադրում էին բոլորին. երկրպագուները` գլխավոր մարզիչ Արսեն Վենգերին ու ֆուտբոլիստներին, ֆուտբոլիստները մեկը մյուսին՝ այդ թվում ՀՀ հավաքականի ավագ Հենրիխ Մխիթարյանին: Այժմ, սակայն, հայ կիսապաշտպանը կրկին հերոս է: Վերջին 2 խաղում 2 գոլ ու գոլային 1 փոխանցում, եւ երկրպագուների դժգոհություններն անցյալում են: Հիմա համացանցում նրանք իրենց ուրախությունն են հայտնում, որ հունվարին նա «Մանչեստեր Յունայթեդից» տեղափոխվեց «Արսենալ», իսկ Ալեքսիս Սանչեսն իրենց թիմից գնաց հակառակ ուղությամբ: «Մխիթարյանը գոլեր է խփում, իսկ Սանչեսը տոնում է թիմակիցների գոլերը»,- գրում են նրանք:

Մխիթարյանը կարծես թե «Արսենալում» ադապտացվելու հետ կապված խնդիրներ չունի, ինչպես նախորդ դեպքերում էր լինում, երբ նոր թիմ էր տեղափոխվում: «Զինագործների» կազմում դժգույն խաղեր ունենում է, սակայն դա ավելի շատ ոչ թե իր մեղավորությունն է, այլ թիմի ընդհանուր վիճակը՝ առկա խնդիրները խաղադաշտում եւ հանդերձարանում (ըստ բրիտանական ԶԼՄ-ների՝ հանդերձարանում մթնոլորտը լարված է):

Իսկ վերջին 2 խաղերում նա պարզապես փայլում է: Անցած շաբաթ «Միլանի» դեմ Եվրոպա լիգայի 1/8 եզրափակչի առաջին խաղից առաջ գրեթե ոչ ոք «Արսենալին» չէր հավատում: Որոշ փորձագետները նշում էին, որ «ռոսոներիների» հաջող փուլը համընկել է լոնդոնցիների անհաջող փուլի հետ, ու այս պարագայում իտալական թիմը պետք է որ խնդիրներ չունենա, սակայն տեղի ունեցավ ճիշտ հակառակը: «Արսենալը» մրցակցի հարկի տակ հաղթեց 2:0 հաշվով, եւ այդ կարեւոր հաղթանակի սկիզբը գեղեցիկ գոլով դրեց Հենրիխ Մխիթարյանը: Նա խփեց իր թիմի առաջին գնդակը՝ նաեւ բացելով գոլերի իր հաշիվը նոր թիմի կազմում:

«Միլանի» դեմ խաղում Մխիթարյանն աչքի ընկնելու հնարավորություն էլի ունեցավ, սակայն նրա հարվածից հետո գնդակը հորիզոնական դարպասաձողը շոշափելով՝ հեռացավ դաշտի սահմաններից: Ամեն դեպքում  ՈՒԵՖԱ-ի հարցման արդյունքում նա ճանաչվեց հանդիպման լավագույն ֆուտբոլիստը:

Մխիթարյանը հիանալի խաղ ցուցադրեց նաեւ հաջորդ հանդիպման ընթացքում: Մարտի 11-ին Անգլիայի Պրեմիեր լիգայի 30-րդ տուրի «Ուոթֆորդի» դեմ խաղում (3:0) նրա փոխանցումից հետո Պիեռ-Էմերիկ Օբամեյանգը հաշիվը դարձերց 2:0, իսկ րոպեներ անց նույն Օբամեյանգի փոխանցումից հետո աչքի ընկավ Մխիթարյանը:

Թե՛ «Միլանի», թե՛ «Ուոթֆորդի» դեմ հանդիպումներից հետո Մխիթարյանի խաղը բարձր գնահատեցին թիմի երկրպագուները: Ակումբի պաշտոնական կայքում անցկացված հարցումներում նա առաջ անցավ թիմակիցներից: Մինչեւ «Միլանի» դեմ խաղն էլ երկրպագուների կողմից ճանաչվել էր թիմի՝ փետրվար ամսվա լավագույն ֆուտբոլիստ:

Մխիթարյանն «Արսենալի» կազմում անցկացրել է 9 հանդիպում: Դարձել է 2 գոլի եւ գոլային 6 փոխանցման հեղինակ: Գոլերի ու գոլային փոխանցումների քանակն աստիճանաբար ավելանում է, Օբամեյանգի հետ համագործակցությունն ստացվում է, ինչպես տարիներ առաջ Դորտմունդի «Բորուսիայում», անընդհատ մեծ լարվածության տակ պահող Ժոզե Մոուրինյո այստեղ չկա, փոխարենն ըմբռնող ու կարեկից Վենգերն է: Եթե այսպես շարունակվի, ապա ֆուտբոլասերների ու փորձագետների մի հատվածի կարծիքը, թե «Արսենալը» Մխիթարյանի տեղն է, կհաստատվի: Մնում է նաեւ տիտղոսներ լինեն:

Տպել
4959 դիտում

Շիրակի մարզի գյուղական համայնքների մեծ մասում առաջատարը «Իմ քայլը» դաշինքն է

ԿԸՀ-ն ներկայացրել է 29 տեղամասի տվյալներ. «Իմ քայլ»-ը դաշինքին հետևում են ԲՀԿ-ն և ՀՅԴ-ն

8/27 ընտրատեղամասում 895 քվեից 651-ը «Իմ քայլը» դաշինքին

Երեւանի 8/06 ընտրատեղամասում 926 քվեից 699-ը՝ «Իմ քայլը» դաշինքին

Օձունի 25/29 ընտրատեղամասում «Իմ քայլը 392, ՀՀԿ-ն՝ 65 ձայն են ստացել. նախնական արդյունք

Քանաքեռ ՀԷԿ-ի 4/2 ընտրատեղամասում «Իմ քայլը» 540 ձայն, ՀՀԿ-ն՝ 31

29/16 ընտրական տեղամասում «Իմ քայլն» առաջատար է. երկրորդ տեղում «ԲՀԿ»-ն է

Երեւանի 9/41 ընտրատեղամասի նախնական տվյալները․ «Իմ քայլը»՝ 459 ձայն

2/56 ընտրատեղամասում «Իմ քայլը» բացարձակ առաջատար է. նախնական արդյունք

Աղնջաձորի 36/17 տեղամասում եւս հաղթողը «Իմ քայլը» դաշինքն է. նախնական արդյունք

Գյումրու 32/22 ընտրատեղամասում առաջատարը «Իմ քայլը» դաշինքն է

9/46 ընտրատեղամասում նախնական արդյունքները հայտնի են

Գյումրու 34/8 ընտրատեղամասում «Իմ քայլը» բացարձակ հաղթում է․ 904 ձայն

Դեբեդի 24/16 տեղամասում հաղթել է «Իմ քայլը» դաշինքը, ՀՀԿ-ն 17 ձայն ունի. նախնական արդյունք

Ալավերդու Սարահարթ թաղամասի 24/37 տեղամասում «Իմ քայլը» հաղթում է, երկրորդը ՀՀԿ-ն է

Քարոզարշավին ամենաշատ գումարը ծախսել է «Իմ քայլը» դաշինքը, ամենաքիչը՝ «Ազգային առաջընթաց»ը

Դավթաշենում տեղակայված երկու տեղամասերի նախնական արդյունքներով «Իմ քայլը» բացարձակ հաղթանակ է տանում

«Երևան-Կենտրոն» ՔԿՀ-ում միայն Ռոբերտ Քոչարյանը չի մասնակցել արտահերթ ընտրություններին

Արագածոտնի 17/33 ընտրատեղամասում հաղթել է «Իմ քայլը» դաշինքը. նախնական արդյունք

14/09 ընտրատեղամասում մոտ 300 քվեաթերթիկ է արդեն հանվել, 90 տոկոսից ավելին՝ 4 համարի