Պարոնայք ոստիկանե՛ր, դուք մեր եղբայրներն եք, վայր դրեք զենքերը. ծռերի կոչը ՊՊԾ գնդում

ՀՀ ազգային անվտանգության ծառայությունը ՊՊԾ գնդի գրավման ժամանակ վերհսկողության տակ է պահել «Սասնա ծռեր» խմբի անդամներին, տեսանկարահանել նրանց բոլորի շարժը, գործողությունները: Դա արվել է արտաքին դիտում օպերատիվ- հետախուզական միջոցառումների շրջանակում:

Այսօր մեղադրող դատախազներ Արամ Արամյանը եւ Պետրոս Պետրոսյանը հրապարակեցին ԱԱԾ-ի կողմից ստացված տեսագրության զննության արձանագրությունները:

Մանավորապես պարզ դարձավ, որ ՊՊԾ գնդի գրավման օրերին ԱԱԾ-ն նկարահանումներ է իրականացրել գնդի շարահրապարակի, հսկիչ անցագրային կետի, Խորենացի փողոցի հատվածներում: Մասնավորապե մի քանի դրվագներում թվարկվում էր, թե օրինակ Պավել Մանուկյանը եւ խմբի մյուս անդամները ինչ գործողություններ են արել շարահրապակում, ինչպես նաեւ ինչպես են տեղի ունեցել ոստիկանական մեքենաների պայթյունները: Սրանք այն դրվագներն են, որոնց մասին պարբերաբար գնդի գրավման օրերին թե՛ ԱԱԾ-ն, եւ թե՛ ՀՀ ոստիկանությունը հայտարարություններ են տարածել:

Տեսանյութերից պարզ է, որ խմբի անդամներից մի քանիսը պարբերաբար դուրս են եկել գնդի տարածքից, շրջել Խորենացի փողոցով, քայլել դեպի Գլինկայի փողոցի հատված: Տեսագրություններում երեւացել են նաեւ այդ օրերին պատանդառված գործով աժմ տուժող Երեւանի փոխոստիկանապես Վալերի Օսիպյանը, ՀՀ փոխոստիկանապետ Վարդան Եղիազարյանը, ինչպես նաեւ Երեւանի արդեն նախկին ոստիկանապետ Աշոտ Կարապետյանը: Մասնավորապես, ըստ հրապարկվածի՝ Վալերի  Օսիպյանը եւ Վարդան Եղիազարյանը ՊՊԾ գնդի տարածքում շրջել են «Սասնա ծռեր» խմբի անդամների մի քանիսի ուղեկցությամբ, որոնք զինված են եղել ատրճանակներով եւ ինքնաձիգերով, քայլել են մի շինությունից մյուսը: Պատանդառված ՀՀ եւ Երեւանի փոխոստիկանապետերը եղել են մարտաբաճկոնով: Մեկ այլ տեսագրության համաձայն՝ ծռերից Պավել Մանուկյանը, Արմեն Լամբարյանը, Սեդրակ Նազարյանը, Գագիկ Եղիազարյանը  եւ Արեգ Կյուրեղյանը դուրս են եկել ՊՊԾ գնդի հսկիչ-անցագրային կետից, քայլել դեպի Էրեբունու ոստիկանության բաժնի շենքի ուղղությամբ, որը մոտ է հսկիչ-անցագրային կետին, ապա վերադարձել՝ ձեռքներին ինչ-որ փաթեթով:

Տեսանյութերում նաեւ արձանագրվել է, որ խմբի անդամներից Պավել Մանուկյանը եւ Հովհաննես Վարդանյանը մոտեցել ու զրուցել են ՊՊԾ գնդին հարակից բնակելի տների մի քանի բնակիչների հետ: 

ԱԱԾ-ն տեսանկարահանել է նաեւ լրագրողների մուտքը ՊՊԾ գունդ, նրանց շարժը,  ԼՂՀ անվտանգության խորհրդի քարտուղար Վիտալի Բալասանյանին, լրագրողների ներկայությամբ «Սասնա ծռեր» խմբի անդամ Աշոտ Պետրոսյանի դեպի օդ կրակոցը: Առգրավվել է նաեւ գործով տուժող ոստիկանության օպերատոր Ռոբերտ Հայրապետյանի կողմից տեսանկարահանված տեսագրությունները՝ արված ՊՊԾ գնդի տարածքից: «Տեսանյութում կադրից դուրս լսվում է անձի ձայն, որը պարբերաբար արտաբերում է «սաղի ձեռքը ավտոմատ ա» նախադասությունը: Տեսագրությունում լսվում է, որ բարձարախոսով ոստիկանության աշխատակիցներին կոչ է արվում վայր դնել զենքերը, նշելով, մեր խնդիրը ձեզ հետ չէ, պարոնայք ոստիկաներ, դուք մեր եղբայրներն եք, վայր դրեք զենքերը», որը կրկնվում է մի քանի անգամ:

Տեսագրության երեւում է Մարտիրոս Հակոբյանը, որը 6-րդ վայրկյանին ինքնաձիգի փողն ուղղում է դեպի տեսախցիկը եւ կտրուկ շարժում կատարում, որից հետո տեսախցիկը ներքեւ է ուղղվում: Տեսագրությունում շարունակվում է ոստիկանության աշխատակիցներին ուղղված կոչերը, որոնք կատարվում են Տիգրան Մանուկյանի կողմից՝ հայտնելով, որ իրենց խնդիրը իշխանության հետ է, եթե վայր դնեն զենքերը, իշխանությունները կհանձնվեն»,- հրապարակեց մեղադրող դատախազ Պետրոս Պետրոսյանը:

Նշենք, որ այսօրվա նիստում 10 ժամ տեւած սանկցիայից հետո դատարան բերվեց Արայիկ Խանդոյանը եւ Սմբատ Բարսեղյանը:

Դատարան չբերվեց միայն Գագիկ Եղիազարյանը, որի նկատմամբ երկու նիստ առաջ սանկցիա էր կիրառվել՝ 20 ժամով հեռացում: Սանկցիան վերացնելու եւ Գագիկ Եղիազարյանին նիստերի դահլիճ վերադարձնելու՝ պաշտպան Դավիթ Գյուրջյանի միջնորդությունն այսօր դատարանը մերժեց: Նախագահող դատավոր Մեսրոպ Մակյանը նշեց, որ դատարանը մի քանի անգամ Գագիկ Եղիազարյանի վերաբերյալ տարբեր դատական սանկցիաներ է կիրառել, այդ թվում՝ ավելի մեղմ տեսակի, սակայն դատարանը գտել է, որ մեղմ սանկցիայի կիրառումը չի ապահովում Եղիազարյանի պատշաճ վարքագիծը դատարանում, հետեւաբար դատարանը վերահաստատում է, որ իր կողմից կիրառված դատական սանկցիան՝ 20 ժամով հեռացումը, իրավաչափ է, ամբաստանյալն ինքն է իրեն այդ վիճակի մեջ դրել իր վարքագծով, ըստ էության դրդելով, որ նրա նկատմամբ կիրառվի դատական սանկցիա:

Ապացույցների հետազոտման ավարտից հետո Պավել Մանուկյանն ասաց, որ տպավորություն է, որ այս նյութերը հրապարակելով՝ փորձում են ձանձրացնել, հոգնեցնել ժողովրդին եւ իրենց:  Ապա Պավել Մանուկյանը հայտարարեց, որ մարտի 16-ին լրանում է «Հաց բերող» անունը կրող Արթուր Սարգսյանի մահվան մեկ տարին. «Արթուրը մնաց պատմության մեջ ոչ թե Հաց բերող այլ՝ Լույս բերող, Արթուրը կտրեց խավարի լույսը եւ շող բերեց հայ ժողովրդին... եթե մենք որոտն էինք, ապա Արթուր Սարգսյանը փայլն էր»,- ասաց նա:

Սույն գործով հաջորդ դատական նիստը տեղի կունենա մարտի 21-ին ժամը 11:00-ին:

Տպել
1688 դիտում

Ինչո՞ւ է Մխիթարյանից վերցվել դիվանագիտական անձնագիրը

Նուրբ եւ սկզբունքային հարց. ի՞նչ է լինելու հուլիսի 5-ի հետ

Ի՞նչ է տեղի ունեցել. կարեւորը՝ անփորձանք տուն գամ

Ինչո՞ւ չմեկնեց. արա, մենք զանգի ենք սպասում

Փաստարկները օդից բերված չէին, պետք է փորձենք տարբերակներ գտնել. գյուղնախարար

Պաշտոնի չարաշահո՞ւմ է եղել Ավանի մշակույթի տանը. ում քույրն է 2008-ից «ընտրված» տնօրենը

«Սպիտակ»-ը արցունքների մասին չէ. տեղի ունեցավ երկրաշարժի 30-րդ տարելիցին նվիրված ֆիլմի պրեմիերան

Մենք գլուխներս կախ չենք ստորագրի ամեն մի փաստաթուղթ եւ չենք սեղմի ամեն մի կոճակ. Արման Աբովյան

Վարչապետը, ԱԱԾ տնօրենը եւ ՀՔԾ պետը կհրավիրվեն Քննիչ հանձնաժողով. Կոստանյան

ՀՀ-ն ու ՌԴ-ն համատեղ են արձագանքում Կովկասում տեղի ունեցող արտակարգ իրավիճակներին

Մենք դատապարտում ենք եւ՛ Խատինի աղետը, եւ՛ ադրբեջանցիների վայրագություններն Արցախում. Շարմազանով

Վերացել են ուսուցիչների՝ տարիներ տեւող կաշկանդվածություններն ու կախվածությունները․ նախարար

Ucom-ի բաժանորդները կշարունակեն օգտվել ռոմինգի 15Դ/ՄԲ մատչելի սակագնից Վրաստանում եւ եւ ս 41 երկրում

ԱԺ արտահերթ ընտրությունների մտասեւեռումով ռումբ է դրվելու Հայաստանի ներքին կայունության տակ․ Աշոտյան

ՀՀԿ-ն որեւէ պայման չի դնում, այն՝ ինչ կառաջարկվի, կբանակցենք. Բաղդասարյանն ու Աշոտյանը հակասում են միմյանց

Վճռաբեկ դատարանը վարույթ է ընդունել Ռոբերտ Քոչարյանի շահերի պաշտպանների բողոքները

ՔՈԱՖ հոգաբարձուների խորհրդի նախագահ է նշանակվել «Էներջայզ Գլոբալ Սերվիսիզ»-ի գլխավոր տնօրենը

ՎՏԲ-Հայաստան Բանկը չի օգտվում երրորդ անձանց միջնորդական ծառայություններից

Պլաստմասե իրերի ու պարարտանյութերի արտադրություն ՀՀ-ում․ Լիբանանից նոր ներդրումներ են սպասվում

Անահիտ Ֆարմանյանը ՇՊՀ չի վերադառնա. դատարանը հրապարակել է վճիռը