Բակո Սահակյանի այցը ԱՄՆ լայնորեն լուսաբանվում է սոցցանցերում, ավելի քիչ՝ ԶԼՄ-ներում

Լուսանկարում՝ Բակո Սահակյանը ելույթ է ունենում ԱՄՆ Կոնգրեսի շենքում, 15.03.18, լուսանկարը՝ Հայ Դատի հանձնախումբ (ԱՄՆ մասնաճյուղ)

Մարտի 14-ին աշխատանքային այցով ԱՄՆ-ում գտնվող Բակո Սահակյանը այցելել է Կոնգրես, որտեղ հանդիպում է ունեցել արտաքին հարցերով հանձնաժողովի մի խումբ անդամների հետ: Սահակյանը, կարեւորելով ԱՄՆ Կոնգրեսում կազմակերպված հանդիպումները, նշել է, որ դրանք նպաստում են երկկողմ հարաբերություններն էլ ավելի խորացնելու ու զարգացնելուն: Նա նշել է, որ լավատեսորեն է տրամադրված հարաբերությունների զարգացման նկատմամբ: «Լավատես եմ, որովհետեւ մենք այստեղ ունենք հավատարիմ, ազնիվ եւ անշահախնդիր բարեկամներ, ովքեր արդեն երկար տարիներ մշտապես Արցախի հետ են, աջակցում են մեր ժողովրդին, աշխարհին ճշմարիտ տեղեկություններ ներկայացնում մեր երկրի մասին»,-ասել է նա:

Սահակյանը պետական պարգեւներ է հանձնել ԱՄՆ կոնգրեսականներին՝ Արցախին սատարելու եւ Արցախ-ԱՄՆ հարաբերությունների զարգացման գործում շոշափելի ներդրում ունենալու համար:

Հայկական Կոկուսի անդամներ Ֆրանկ Պալոնեն եւ Ջիմ Կոստան Թվիթերի իրենց էջերում անդրադարձել են Բակո Սահակյանի հետ հանդիպմանը: Ֆ. Պալոնեն մասնավորապես գրել է. «Ես լիովին համաձայն եմ նրա (Սահակյանի)՝ Արցախում կայուն խաղաղություն հաստատելու կոչի հետ եւ կարծում եմ դրա միակ ճանապարհը բանակցությունների սեղանի շուրջ նրանց համար տեղ հատկացնելն է»:

Բակո Սահակյանի այցին սոցցանցերում անդրադարձել են ոչ միայն ԱՄՆ կոնգրեսականները. այցի դեմ ծավալուն ու բազմալեզու արշավ են կազմակերպել ադրբեջանցի օգտատերերը՝ Արցախը ներկայացնելով որպես Ադրբեջանի տարածք, իսկ ազատամարտի հետ այս կամ այն կերպ կապված մարդկանց անջատողականներ եւ ռազմական հանցագործներ: Տարածվող նյութերում կար նաեւ Մոնթե Մելքոնյանի նկարը: Նա ներկայացվում էր որպես Լիբանանում իսրայելցի զինվորների սպանության համար ԱՄՆ Հետաքննությունների դաշնային բյուրոյի կողմից հետախուզվող ահաբեկիչ: Պարզ է, որ լայնամասշտաբ քարոզչության ժամանակ մանրուքները հաճախ տուժում են: Սակայն փորձել հանրային կարծիքի վրա ազդել՝ ասելով, թե իբր բյուրոն, որի լիազորությունները սահմանափակվում են ԱՄՆ տարածքով, փնտրում էր Լիբանանում պատերազմի ժամանակ իսրայելցի զինվոր սպանած մարդու՝ մանրուք չէ, այլ շատ մեծ բացթողում: Իսկ այն հանգամանքը, որ ադրբեջանցիները մինչ օրս հիշում են Մոնթեին, ինչ խոսք, հաճելի է:

Սոցցանցերի հակահայկական քարոզչությունից զատ սպասելի էր նաեւ կոշտ արձագանք ադրբեջանական մամուլի կողմից, ինչը, սակայն, տեղի չունեցավ: Մարտի 12-ի մի քանի «հերթապահ» հոդվածներից հետո ադրբեջանական մամուլը կտրուկ անցում կատարեց Բաքվի 6-րդ գլոբալ ֆորումին, որի բացումը տեղի ունեցավ հինգշաբթի օրը: Ի դեպ, բացման խոսքում Իլհամ Ալիեւը Արցախյան հակամարտությունը անվանեց ոչ ավել, ոչ պակաս՝ «ժամանակակից պատմության մեծագույն անարդարություն»:

Միջազգային մամուլում Բակո Սահակյանի այցը ԱՄՆ եւս առայժմ լայն արձագանք չի ստացել: Մարտի 11-ին ՀՀ-ում ԱՄՆ նախկին դեսպան Ջոն Էվանսը The National Interest-ում հրապարակեց մի հոդված, որում դրական էր արտահայտվում Արցախի վերաբերյալ: Eurasianet կայքում վերլուծաբան Ջոշուա Կուչերն էր ներկայացրել Կոնգրեսում տեղի ունեցած հանդիպումը: Ռուսական լրատվամիջոցներից այցի մասին հպանցիկ հիշատակում է եղել Ria-ի եւ Regnum-ի կայքերում: Մամուլի կողմից նման աղքատիկ անդրադարձի պատճառը, թերեւս, միջազգային կարեւոր իրադարձություններով լեցուն շաբաթն է. Թիլերսոնի հեռացումը, ռուս-բրիտանական «թունավոր» սկանդալը եւ դրա հետեւանքները:

Փաստենք, որ ադրբեջանական զորավարժությունների եւ արցախյան տանկային վարժանքների ֆոնին ընթացող այցը իրոք կարեւոր է: Նախ եւ առաջ, այն աննախադեպ է. սա Արցախի նախագահի առաջին այցն էր Վաշինգտոն: Բացի դրանից, անհրաժեշտ էր որպեսզի «Արցախի հանրապետություն» եզրույթը հնչի ավելի առարկայական: Մի բան է, երբ այն վերացականորեն հնչում է տարբեր փաստաթղթերից, մեկ այլ բան երբ կոնգրեսականը տեսնում է Արցախի Հանրապետության ներկայացուցիչներին սեփական երկրում: Պետք չէ մոռանալ նաեւ Բակո Սահակյանի այցին նախորդած հայ-ամերիկյան խորհրդարանական բարեկամական խմբի նույնպես պատմական որակված այցը ԱՄՆ: Այս իրադարձությունները թույլ են տալիս եզրակացնել, որ Հայկական կոկուսն առաջիկայում առնվազն կակտիվանա Արցախի հարցով, ինչը, հաշվի առնելով ահագնացող ռուս-անգլիական սկանդալը, կարող է բերել առայժմ անկանխատեսելի եւ անհնար թվացող արդյունքների՝ դրական կամ բացասական:

Վլադիմիր Մարտիրոսյան

Տպել
4284 դիտում

Երեւանում 28-ամյա երիտասարդը ինքնասպան լինելու համար նախ կտրել է նախաբազուկը, ապա 3 ածելի կուլ տվել

Մեկը գնում է ԿԳԲ, մեկը՝ միլիցիա, երրորդը՝ Արմենտել. Շիրազը կարմիր ասֆալտի երես չի տեսնի

Թող հավատի ջահը լուսավորի հայ ժողովրդի ուղին. Հռոմի պապը շնորհավորական ուղերձ է հղել Մխիթարյան միաբանությանը

Ես անպայման կզբաղվեմ, կպարզեմ ով է թեկնածուի նկատմամբ քաղաքական տեռոր անում. վարչապետ (տեսանյութ)

Վրաստանում ՀՀ քաղաքացին բռնվել է ոստիկանին կաշառք առաջարկելիս, պարտավորեցրել են 3000 լարի տուգանք մուծել

«Նուբարաշեն» քրեակատարողական հիմնարկի դատապարտյալի ծանրոցում հաբեր ու կաթոցիկ է հայտնաբերվել

Լևոն Արոնյանի կինը հեծանվով 1800 կմ տարածություն կանցնի Թուրքիայով եւ Իրանով դեպի Հայաստան

ՀՀ ԶՈՒ-երի,ՊԲ-ի կողմից իրավիճակը լիովին վերահսկվում է. Ն. Փաշինյանը՝ Արցախի դիրքերում (լուսանկարներ)

Հ. Աբրահամյանի եղբայրը գյուղի ձկնաբուծարանը սնուցող խողովակներն ապամոնտաժել, ուղղությունը փոխել է դեպի իր ձկնաբուծարան

«Հայկական գնդակից» սպանվել է Ադրբեջանի ԶՈւ զինծառայող, ԶԼՄ-ները հայտնում են եւս մեկ սպանվածի ու վիրավորի մասին

Վարչապետ Նիկոլ Փաշինյանն այցելել է Արցախի պաշտպանական դիրքեր

Լուսանկարների միջոցով ցուցադրվեց աղետալի հրդեհի պատճառով վերացած Սարյանի գործերը

Մենք պատրաստ ենք խաղաղ բանակցային գործընթացի, սակայն պատրաստ ենք նաեւ պատերազմի. վարչապետ (տեսանյութ)

Հետաձգել եմ Նյու-Յորք այցս՝ քվեարկելու, նոր մեկնելու համար. վարչապետը կքվեարկի ու կմեկնի ԱՄՆ

Քրեական հեղինակություն Չարբախցի Գեղամի մոտ լուրջ հիվանդություն է հայտնաբերվել. վիրահատությունը հետաձգվել է

Սեպտեմբերի 21-ին՝ Անկախության տոնին, զորահանդես չի լինելու, ծախսվելու է մոտ 100 մլն դրամ

Emmy 2018-ի հաղթողներն ու կարմիր գորգի աստղերը

Բակո Սահակյանը, Նիկոլ Փաշինյանն ու զինվորականները՝ արջերի ընկերակցությամբ Արցախում (տեսանյութ)

Երեւանում կբացվի սիրիահայերի ձեռքի աշխատանքների ցուցահանդես-վաճառք

Օլիգարխ ընտանիքից երիտասարդներ են ամուսնանում եւ որոշել են, որ իրենց նվերների` զարդերի գումարը փոխանցեն մեր հիմնադրամին