Հրազդանում համատիրության նախագահը ձեռքի հետ բրոքերությո՞ւն է անում. ահազանգ

Լուսանկարում՝ Հրազդանի քաղաքապետ Արամ Դանիելյանը

Հրազդանի բնակիչ Թամարա Չոփուռյանի ընտանիքը փաստի առաջ է կանգնել: Վերջինս «Հայկական ժամանակ»-ին տեղեկացրեց, որ Հրազդան քաղաքի համատիրություններից մեկի նախագահ Վարդան Թովմասյանն իրենցից 3500 ԱՄՆ դոլար է վերցրել՝ բնակարանի առուվաճառքի գործընթաց կազմակերպելու համար, սակայն ոչ բնակարանի տեր են դարձել, ոչ էլ գումարն են հետ ստացել: Թամարան մանրամասնեց՝ սկզբում Վարդան Թովմասյանը բրոքեր է եղել, սակայն այժմ դարձել է համատիրության նախագահ:

«Հիմա աշխատում է հա՛մ համատիրության նախագահ, համ՝ բրոքեր: Իր թաղամասի փակ տների բանալիրներն իր մոտ են: Մենք դիմել ենք ոստիկանություն, դատախազություն, դիմել ենք մեր քաղաքապետին: Ոչ մի հարց չի լուծվել»,- ասաց Թամարա Չոփուռյանը՝ նշելով, որ գումարը տրամադրել են փաստաթղթերով, կան ստորագրություններ, պարզապես համատիրության նախագահը չի կարողանում ոչ գումարը տրամադրի, ոչ դրա փոխարեն բնակարան տա: Նրանք փաստաբան են վարձել եւ դատական կարգով են փորձում պարտավորեցնել համատիրության նախագահին, որպեսզի գումարը հետ վճարի:

Մինչեւ դատարան դիմելը տուժված քաղաքացին դիմել է Հրազդանի քաղաքապետին: Արամ Դանիելյանի հանդիպման մանրամասները պատմելիս նա նշեց. «Ինձ թվում է՝ իր թիկունքը հենց քաղաքապետ Արամ Դանիելյանն է: Առաջին օրը բորբոքվում են, թե ինչու եք իրեն լսել, չգիտեք, որ ինքը խարդախ է: Հենց Արամ Դանիելյանն է ասում: Ես ու իմ սկեսուրն ենք դիմել իրեն, մեր ներկայությամբ այնպես խոսեց Վարդան Թովմասյանի մասին, որ մեզ թվաց՝ կլուծվի, գոնե կամաչի իր ղեկավարից, էն էլ՝ չէ»:

Համատիրության նախագահ Վարդան Թովմասյանին ներկայացրեցինք խնդիրը, սակայն ասաց, որ տվյալ քաղաքացուն չի ճանաչում, եւ երբ մանրամասնեցինք պատմությունը, համաձայնեց, որ դեռեւս չլուծված խնդիր ունի այդ ընտանիքի հետ: Վարդան Թովմասյանը պնդեց, որ դատարանում եւ դրանից առաջ ինքը պարտավորվել է, որ վճարելու է այդ գումարը եւ զարմացավ, թե ինչո՞ւ են դիմել թերթի խմբագրություն: «Էդ գումարը վերադարձնելու եմ, ես իրենց տուն եմ տալու, նորից ընկել են էս ինչի՞ հետեւից այդ մարդիկ: Դատական պրոցեսը գնում է, ի՞նչ կարիք կա, որ ձեզ են դիմել այդ հարցով: Ես պարտավոր եմ, իրենց վիճակը գիտեմ, այդ հարցերը, իրենց տուն եմ տալու»,- ասաց Վարդան Թովմասյանը: Հարցին՝ ինչպե՞ս եք համատեղում բրոքերությունը համատիրության նախագահի աշխատանքի հետ, նա պատասխանեց. «Ախր, դա համատիրության նախագահի հետ կապ չունի: Դա ընդհանրապես կապ չունի, այդ ժամանակ ես աշխատանքի մեջ չեմ եղել, ուղղակի մարդիկ դիմել են ինձ, ասել են՝ տունը ծախի: Իրենց էլ որպես ծանոթ, ճանաչել եմ, ասել եմ՝ կծախեմ»:

Մեր խոսակցության ավարտին համատիրության նախագահը կրկին փորձեց հասկանալ, թե ի՞նչ խնդիր կա, որ դիմել են թերթի խմբագրություն: Չբավարավելով այդքանով՝ խոսակցությունից մոտ կես ժամ անց նա զանգահարեց խմբագրություն եւ փորձեց հասկանալ, թե ի՞նչ ենք մենք ձեռնարկելու: Տեղեկարեցինք, որ հոդված եք հրապարակելու, ինչն այդքան էլ դուր չեկավ Վարդան Թովմասյանին: Վերջինս հասկացրեց, թե շուտով կխոսի տուժված ընտանիքի փաստաբանի հետ եւ նրանք կվերանայեն՝ մամուլում խնդիրը բարձրաձայնելու իրենց մտադրությունը: Մինչդեռ տուժող կողմը երկրորդ անգամ հաստատեց, որ իր խնդիրը բարձրաձայնելու անհրաժեշտություն կա:

Նյութը տպագրվել է «Հայկական ժամանակ» օրաթերթի մարտի 24-ի համարում:

Տպել
1178 դիտում

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ

The Daily Mail-ը կոչ է անում վերականգնել «Զվաթնոցի» հին շենքը

ՔԿ նախագահի տեղակալ Արթուր Ղամբարյանն ընդունել է Երևանում ԵԽ գրասենյակի պատվիրակությանը

Արմեն Սարգսյանը հյուրընկալել է Ջին Բլոքին եւ Էրիկ Էսրաիլյանին. առաջին այցից հյուրերը տպավորված են

ՀՀ-ում է «օրենքով գող» Պզոն (Արմեն Ղազարյանը)

Ես և մեր թիմը հույս ենք դնում ձեզ վրա, այս ընտրություններով պետք է լուծենք համապետական խնդիր. վարչապետ

Քրեական հեղինակություն Դոն Պիպոն ազատ է արձակվել 50 միլիոն դրամ գրավի դիմաց