Հաղորդագրությունն ապատեղեկատվություն է. ԿԳՆ-ն հակադարձում ու մեղադրում է «Չումբո» խմբին

ՀՀ ԿԳ նախարարությունը տեղեկացնում է, որ նախարար Լեւոն Մկրտչյանի եւ նախարարի տեղակալ Մանուկ Մկրտչյանի մասնակցությամբ «Չումբո» նախաձեռնող խմբի ներկայացուցիչների հետ հանդիպման վերաբերյալ տարածված հաղորդագրությունն ապատեղեկատվություն է:

Ինչպես հայտնում են նախարարության մամուլի ծառայությունից, հանդիպումը տեղի է ունեցել տվյալ նախաձեռնության խնդրանքով, որի ժամանակ ՀՀ ԿԳ նախարարի կողմից շատ հստակ պահանջ է դրվել՝ նախարարություն ներկայացնել գրավոր ծրագիր: Մինչ օրս ՀՀ ԿԳՆ-ն որեւէ ծրագիր չի ստացել, հետեւաբար պայմանավորվածության մասին խոսք լինել չի կարող, ուստի ուսումնական հաստատություններին չի խրախուսվում համագործակցել մի կազմակերպության հետ, որը չունի ԿԳ նախարարության կողմից համաձայնեցված եւ հաստատված ծրագիր:

««Չումբո» նախաձեռնող խումբը խախտել է էթիկայի նորմերը՝ հրապարակելով աշխատանքային հանդիպման մասին իրականությանը չհամապատասխանող հաղորդագրություն եւ մոնտաժված տեսագրություն, որը չի բխում ընդհանուր հանդիպման տրամաբանությունից եւ հանրային շրջանակներում թյուրընկալումների տեղիք է տվել:

Հանրության շրջանում ապատեղեկատվության տարածումից խուսափելու համար՝ ԿԳՆ-ն պահանջում է տվյալ նախաձեռնող խմբից՝ համացանցից հեռացնել իրականությունն աղավաղող տեսանյութը եւ հաղորդագրությունը»,- ասված է ԿԳՆ-ի հայտարարության մեջ:

Հիշեցնենք, որ օրեր առաջ հանրության շրջանում անհանգստության առիթ դարձավ Չումբո նախաձեռնող խումբ կոչված կազմակերպության հայտարարությունն առ այն, որ միջոցառումների նոր շարք է սկսելու, որոնց աջակցելու է ԿԳՆ-ը՝ նախարարի գլխավորությամբ:

Մամուլում նշվում է, որ անցյալ տարի, օրինակ, այս նախաձեռնող խումբը ռեստորանային փարթի էր կազմակերպել ավելի քան 40 հազար տարբեր տարիքային աշակերտների համար:

«Չումբո նախաձեռնող խմբի»- ի նախագահ՝ Սմբատ Հակոբյանը, հանդիպել է ՀՀ ԿԳ նախարար՝ Լեւոն Մկրտչյանին եւ փոխնախարար՝ Մանուկ Մկրտչյանին: Երկու ժամ տեւած ջերմ զրույցի ավարտին, ըստ խմբի հայտարարության, որոշվել էր ՀՀ բոլոր հիմնական եւ ավագ դպրոցների,  բուհերի եւ այլ կրթական հաստատություների միջոցառումների կազմակերպումը, կրթամշակութային միջոցառումների զարգացումը , վերջին զանգի տոնախմբությունների մեր տարբերակով փոփոխված եւ ավելի միասնական ու հետաքրքիր կազմակերպումները վստահել «Չումբո նախաձեռնող խմբին» Սմբատ Հակոբյանի գլխավորությամբ:

Չումբո նախաձեռնող խմբի կազմակերպած փարթիներից մեկը

Չումբո նախաձեռնող խմբի կազմակերպած փարթիներից մեկը

«ՀՀ կրթության եւ գիտության նախարար Լեւոն Մկրտչյանը շատ բարձր գնահատեց Սմբատ Հակոբյանի իրականացրած բոլոր նախաձեռնություններն ու ապագա կազմակերպվելիք խոշոր ծրագրերը , նաեւ նախարար Մկրտչյանը իր եւ նախարարության անունից հայտնեց պատրաստակամություն «Չումբո նախաձեռնող խմբի» կողմից կազմակերպված հայանպաստ ծրագրերին հովանավորելու եւ աջակցելու նախաձեռնությունների իրականացմանը»,- ասված է նախաձեռնության հայտարարության մեջ:

Մամուլում քիչ չեն հրապարակումներն առ այն, որ իրականում հայրենասիրական փարթիների անվան տակ պարզ բիզնես պրոեկտ է կյանքի կոչվում: Սխեման հետեւյալն է՝ մի վայրում հավաքել հազարավոր պատանիների եւ ատեղծել տպավորություն, որ կազմակերպվել է ժամանցային միջոցառում, իսկ իրականում ներկաների վրա արագ սնունդ եւ գազավորված հեղուկ վաճառել, որը մեկ օրվա կտրվածքով կարող է մի քանի միլիոնի հասնող եկամուտ ապահովել կազմակերպիչներին: Ի դեպ, այն, որ կազմակերպիչները սնունդ եւ հեղուկ են վաճառում ներկաներին, հայտնի է դառնում Ազատություն ռ/կ նախորդ տարի նկարահանված ռեպորտաժից:

Հետաքրքիր է, որ այս նույն խումբը` նույն անվամբ, տարիներ շարունակ փարթիների կազմակերպմամբ է զբաղվել Երեւանի գիշերային ակումբներում:

Տպել
970 դիտում

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել

Բաղրամյան գյուղում ռեյտինգայիններից հաղթել է «Իմ քայլը» դաշինքի թեկնածու Արուսյակ Մանավազյանը

Բաղանիս գյուղում տեղակայված 37/08 ընտրատեղամասում Իմ քայլն առաջատար է

7/35 տեղամասում ամենաքիչ ձայները «Ազգային առաջընթաց»-ն ունի, առաջատարը «Իմ քայլը» դաշինքն է

Կոթիում ռեյտինգային թեկնածուներից առաջատարը Սիփան Փաշինյանն է

3/04 ընտրատեղամասի արդյունքները հայտնի են, «Իմ քայլը»-ն այստեղ էլ առաջատար է

Գյումրիում սկսել են ամփոփել տվյալները. առաջատարը «Իմ քայլը» դաշինքն է

8/17 ընտրատեղամասի «Իմ քայլը» դաշինքի ռեյտինգային թեկնածուների ստացած քվեները

ԿԸՀ-ն հրապարակում է նախնական արդյունքները. բացարձակ առաջատարը «Իմ քայլը» դաշինքն է. թարմացվող, ուղիղ

8/08 տեղամասում «Իմ քայլն» առաջատար է, երկրորդ տեղում Լուսավոր Հայաստանն է