«Արամ Խաչատրյան» համերգասրահում ներկայացվեց Մալթայի երաժշտական արվեստը

19/03/2018 schedule16:30

Մարտի 17-ին «Արամ Խաչատրյան» համերգասրահում Հայաստանի պետական սիմֆոնիկ նվագախումբը դիրիժոր Սերգեյ Սմբատյանի ղեկավարությամբ ներկայացրեց գեղեցիկ համերգային երեկո՝ անվանի մենակատարների մասնակցությամբ։ Ծրագրում հնչում էին մալթացի ժամանակակից կոմպոզիտոր Ալեքսեյ Շորի ստեղծագործությունները։

Սերգեյ Սմբատյանը նկատեց, որ համերգի ընթացքում ներկայացված գործերը հնչեցվելու են նաեւ ապրիլի 16-ից մայիսի 1-ը Վալետայում կայանալիք Մալթայի միջազգային երաժշտական փառատոնի ընթացքում, որտեղ Հայաստանի պետական սիմֆոնիկ նվագախումբը հրավիրված է որպես պաշտոնական նվագախումբ։ «Մենակատարները՝ դաշնակահարուհի Սոֆյա Վաշերուկը, ալտահար Յուրի Ջիսլինը, ջութակահար Յարոսլավ Նադրզիցկին, որոնք ելույթ ունեցան նվագախմբի հետ, մեծ ճանաչում ունեն, եւ մեզ համար կարեւոր էր հանդես գալ նրանց հետ ու հետագայում նույնպես պահպանել համագործակցությունը»,- ասաց Սերգեյ Սմբատյանը։

Ջութակահար Յարոսլավ Նադրզիցկին 2010 թվականին Խաչատրյանի անվան միջազգային մրցույթում արժանացել է 1-ին մրցանակի։ Երաժիշտը հիշում է, որ խաչատրյանական մրցույթն իր առջեւ մեծ հեռանկարներ բացեց, հիանալի համերգներ, որոնց ընթացքում հանդիպեց մեծագույն անհատների՝ լեհ կոմպոզիտոր Քշիշտոֆ Պենդերեցկու, Սերգեյ Սմբատյանի եւ բազմաթիվ այլ մարդկանց հետ։ «Մրցույթից մեկ տարի հետո ես հնարավորություն ունեցա Երեւանում հանդես գալու Մաքսիմ Վենգերովի ղեկավարությամբ, ինչն ուղղակի ֆանտաստիկ էր։ Խաչատրյանի մրցույթը իմ կյանքի ամենակարեւոր հատվածներից է»,- ասաց Յարոսլավը։ Նա նաեւ նշեց, որ մրցույթի ընթացքում ինքը ներկայացրել է Արամ Խաչատրյանի Ջութակի կոնցերտը, ինչը հետագայում կատարել է նաեւ բազմաթիվ այլ բեմերում եւ բազմաթիվ նվագախմբերի հետ։

Յարոսլավ Նադրզիցկին հաճախ է ելույթներով հանդես գալիս Երեւանում, նա խոստովանում է, որ իրեն Հայաստանի հետ կապում են մարդիկ, ջերմ հանդիսատեսը. «Ես գիտեմ, որ հայերը մեծագույն ազգ են, միլիոնավոր հայեր են ապրում տարբեր երկրներում, եւ որտեղ էլ լինեմ, միայն լավն եմ լսում հայերի մասին»։ Խոսելով Շորի երաժշտության մասին՝ Նադրզիցկին նկատեց, որ նրա մեղեդին հաճելի ու դրական է. «Ես հաճելի զգացողություններ եմ ունենում, երբ ներկայացնում եմ նրա գործերը։ Շորն իր երաժշտության միջոցով գեղեցիկ պատկերներ է նկարագրում։ Նրա գործերը վիրտուոզ են եւ պահանջում են կատարողական տեխնիկա»։

Երեւանյան հանդիսատեսին իր երաժշտությամբ գերեց նաեւ ալտահար Յուրի Ջիսլինը, ում The Strad ամսագիրը համարում է «ռոմանտիկ խառնվածքով վիրտուոզ»: Նա ելույթներով հանդես է եկել աշխարհի շուրջ 60 երկրներում:

Իսկ դաշնակահարուհի Սոֆյա Վաշերուկը դաշնամուր նվագում է 4 տարեկանից։ 2008-ին հիմնադրել է Siestango Quartet-ը, որը մասնագիտացել է Աստոր Պիացոլայի գործերի կատարմամբ:

Նշենք, որ համերգը կայացել է Մշակույթի աջակցության եվրոպական հիմնադրամի աջակցությամբ։ Հայաստանի պետական սիմֆոնիկ նվագախմբի գլխավոր գործընկերն է ՎիվաՍել-ՄՏՍ-ը։

Տպել
279 դիտում

Մի քիչ լավ չստացվեց «Շիրակի» պահը. Արտակ Եդիգարյանը՝ «Ալաշկերտի» չեմպիոնության մասին

Մարզպետների կազմն ամբողջությամբ կփոխվի. Նիկոլ Փաշինյան

Արմեն Սարգսյանը դատավորներ է նշանակել

Տարոն Մարգարյանի հրաժարականի դեպքում նոր քաղաքապետին կընտրի գործող ավագանին

ՊԵԿ հասարակայնության հետ կապերի բաժնի պետը պաշտոնից հեռանալու որոշում է կայացրել

Էռնեկյանի ընկերությունը սննդի մատակարարից դժգոհություն չի ունեցել. տուժածները լավանում են

Նաիրա Զոհրաբյանն ԱԺ-ում հանդիպել է Հայաստանում Իտալիայի նորանշանակ դեսպանի հետ

Արա Բաբլոյանը ընդունել է Դեմետրիս Սիլուրիսի գլխավորած պատվիրակությանը

Յուրա Մովսիսյանը չի գա ՀՀ հավաքական

Լիլիթ Մակունցն այցելել էր Արցախ եւ հանդիպել Բակո Սահակյանի եւ Սերգեյ Շահվերդյանի հետ

«Սոճուտ» դենդրոայգու անբարեկարգ ճանապարհը խանգարում է տուրիզմի զարգացմանը (լուսանկարներ)

Ամասիայում ԵՄ դեսպան Պյոտր Սվիտալսկին ու ՀՀ ՏԿԶ նախարարը բրդից թել են մանել

Ա. Սարգսյանի ուղերձը Սերգեյ Մերգելյանի ծննդյան 90-ամյակին նվիրված գիտաժողովի մասնակիցներին

«Արամ Խաչատրյան» մրցույթի ժյուրին շատ խիստ է գտնվել դիմողների նկատմամբ

ՀՀ նախագահի նստավայրում երդվեցին բոլոր նախարարներն ու փոխվարչապետերը (թարմացված)

ՀՀ նախագահն այսօր ընդունել է Կիպրոսի Ներկայացուցիչների պալատի նախագահ Դեմետրիս Սիլուրիսին

Հանուն արդարության, թե՞ ընդդեմ թուրքերի. Քնեսեթը կքննարկի Ցեղասպանության ճանաչման հարցը

1-ին փոխվարչապետի թիմը միս ու արյուն է ստանում. Միրզոյանը ներկայացրեց իր թիմին

Ովքեր կփոխարինեն Երեւանի ավագանուց հեռացած անդամներին. Դավիթ Խաժակյանը հայտնել է անունները

Բջջային հեռախոսի մարտկոցի լիցքավորման սարքի միջից հայտնաբերվել է խոշոր չափերով թմրամիջոց