«Աղջիկնե՛ր, ձեզ սպանում են». հակագարդասիլային թռուցիկներ Փանիկում եւ ինչ կապ ունի Եհովան

Շիրակի մարզում գարդասիլը եւ մերժվում, եւ ընդունվում է: Վիճակը լարված է հատկապես Ազատանում: Այստեղ պետք է 13 տարեկան 13 աղջիկ պատվաստվեր: Ոչ մեկը դեռ չի ստացել պատվաստումը: «Ծնողներն այդ մասին լսել անգամ չեն ուզում, ուր մնաց երեխային պատվաստման բերեն, գարդասիլի մասին լսելից, փախչում են»,- մեր զրույցում ասաց Ազատանի բժշկական ամբուլատորիայի տնօրեն Արա Հարությունյանը: Պատճառն անհայտ է, բայց փաստ է, որ գյուղում ընդհանուր բոյկոտ է: Գյումրի հասած լուրերի համաձայն, Ազատանում գարդասիլը տապալում են Եհովայի վկաները: Հենց նրանք են հակաքարոզ իրականացրել: Ազատանի ամբուլատորիայի տնօրենն ասաց՝ չի լսել այդ մասին, հետո էլ ինքը առաքելական եկեղեցու հետեւորդ է, աղանդվորներին չի հանդուրժում, այնպես որ, եթե լսեր այդ մասին, քայլեր կձեռնարկեր: Թե ինչ կաներ, չգիտի դեռ, գիտի միայն, որ ոչ մի ազատանցու հնարավոր չի եղել այս 4 ամսում պատվաստել: Զրույցներն ու բանակցությունները օգուտ չեն տվել: Հրաժարվում են, պարտադրել էլ չեն կարող, դրա իրավունքը չունեն: Ծնողներ կան՝ գարդասիլին են դեմ, ծնողներ կան՝ ցանկացած պատվաստման:

Շիրակի մարզի Բենիամին համայնքում եւս ոչ մի պատվաստում չի իրականացվել: Արդյունքը 0 է, մարդկանց վեաբերմունքը՝ խիստ բացասական: Իսկ Փանիկում գարդասիլի պատվաստումը մոտենում է 90 տոկոսի սահմանագծին: Ինչպե՞ս է նման պատկեր ստացվել՝ հարցին ՇՄ առողջապահության վարչության պետ Մեսրոպ Բզնունին հստակ պատասխան չուներ: Գյուղում արդեն պարզեցինք, որ բոլորը հետեւել են Փանիկի առողջության կենտրոնի տնօրենի եւ ընտանեկան բժիշկներից մեկի օրինակին: Տնօրենը քրոջ աղջկան է պատվաստել, ընտանեկան բժիշկ Մարիամ Հակոբյանն՝ իր աղջկան: Գյուղացիներն էլ համոզվել են, որ վտանգ չկա, երեխաներին բերել, պատվաստել են:

«Մենք դա արեցինք եւ որպես ծնող, եւ որպես բժիշկ, մենք դա չարեցինք, որ ինչ որ մեկին, ինչ որ բան ապացուցեինք: Այսինքն, մենք դա չարեցինք որպես բժիշկ, պարտավորված, այլ գիտակցաբար գնացինք էդ քայլին, երեխեքի հետագա առողջությունը պահպանելու համար»,-ասաց Փանիկի առողջության կենտրոնի տնօրեն Ամբակում Սերոբյանը:

«Պատվաստանյութը եթե իրենից վտանգ ներկայացներ, իր հարազատին ու երեխային չէր պատվաստի: Սա էլ եւս մեկ փաստ, որ պատվաստանյութը խիստ անհրաժետ եւ կարեւոր է»,-ասաց «Հիվանդությունների վերահսկման եւ կանխարգելման ազգային կենտրոն»-ի տնօրենի խորհրդական Սոնյա Ոսկանյանը:

Բայց Փանիկում էլ կան գարդասիլին դեմ ծնողներ: Այստեղ պատվաստման սկիզբը հարթ չի եղել: Չգիտեն՝ ով կամ ովքեր, բայց գյուղում թռուցիկներ են բաժանել, որոնց վրա գրված է եղել. «Աղջիկնե՛ր. ձեզ սպանում են»,-պատմեց Փանիկի առողջության կենտրոնի տնօրեն Մարիամ Հակոբյանը: «Ծնողը համաձայն էր, բերեց երեխային, աղջիկը եկավ, պետք է պատվաստեինք, հուզվեց, լացեց, թե հիմա ես պետք է մահանա՞մ: Բայց պատվաստեցինք, տեսավ, որ ոչ մի բան էլ չկա: Թույլ տեղային ցավից բացի ոչինչ չի եղել»,-պատմեց Փանիկի ընտանեկան բժիշկը: Իսկ նրանք, ովքեր կհրաժարվեն պատվաստումից, պետք է գրավոր դիմում գրեն: Հատուկ հանձնաժողով կա, որը կքննի այդ դիմումը, դիմումատուն կհրավիրվի զրույցի, եթե հանդիպման ավարտին կարծիքը չի փոխվի, դիմումը կմակագրվի, կհամարվի հաստատված: Ոչ մի ընտանեկան բժիշկ նման որոշում ինքնուրույն կայացնելու իրավունք չունի: Նման դեպքեր, սակայն, եղել են Շիրակի մարզում: Ծնողն ասել է՝ հրաժարվում եմ, ընտանեկան բժիշկն էլ դիմումը գրել տվել, ստորագրել, գործը փակել է: Պատասխանատուն սա ոչ թե բացթողում է համարում, այլ թյուրիմացություն՝ տեղեկացվածության ցածր մակարդակով պայմանավորված:

Նյութը տպագրվել է «Հայկական ժամանակ» օրաթերթի մարտի 22-ի համարում:

Տպել
1786 դիտում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ

Աննա Հակոբյանն այցելել է բուժում ստացող երեխաների նկարների ցուցահանդես (լուսանկարներ)

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին