Չգիտեմ՝ ով է ասել, բայց ճիշտ չի ասել. Դավիթ Հարությունյանը «բոչկա» գլորեց Թովմասյանի վրա

Երեկ Հրայր Թովմասյանը 64 կողմ, 27 դեմ, 2 անվավեր եւ քվեախցիկում թողնված եւ հաշվի չառնված 1 դեմ ձայներով ընտրվեց Հայաստանի Սահմանադրական դատարանի նախագահ: Թովմասյանն այս պաշտոնին կմնա մինչեւ 65 տարեկանը, այսինքն՝ առաջիկա 17 տարում: 

ՍԴ նորաթուխ նախագահին դեռ շատ փորձություններ են սպասվում, սակայն երեկ նա առաջին հարվածը ստացավ ՀՀ արդարադատության նախարար Դավիթ Հարությունյանից: «Հայկական ժամանակ»-ի հարցին, թե ճիշտ է արդյո՞ք, որ վարչապետի ընտրությունը բաց քվեարկությամբ անցկացնելու որոշման ժամանակ հաշվի է առնվել Գերմանիայի փորձը, պատասխանել է. «Ոչ, չգիտեմ՝ ով է ասում, բայց ճիշտ չի ասում»: Նման պնդում արել է այլեւս ՍԴ նախագահ Հրայր Թովմասյանը բոլորովին վերջերս «Հրապարակ» օրաթերթին տված հարցազրույցում: Դավիթ Հարությունյանը դժվար չիմանար այս մասին: Ինչ վերաբերում է Թովմասյանին, ապա նա իսկապես ճիշտ չի ասել, որովհետեւ մարտի 14-ին Գերմանիայի կանցլերն ընտրվել է փակ քվեարկությամբ: Եւ Գերմանիայի փորձն այս առումով չէր կարող ուղենիշ լինել ՀՀ վարչապետի ընտրության համար, քանի որ ՀՀ-ում վարչապետին ընտրելու են բաց քվեարկությամբ: Դավիթ Հարությունյանի մեկնաբանությամբ սա պայմանավորված է նրանով, որ վարչապետը քաղաքական թիվ մեկ պաշտոնյան է. «Նախագահը քաղաքականություն եւ քաղաքական թիմ չի ներկայացնում, եւ դրանով է պայմանավորված իր քվեարկության դեպքում այլ պահանջը (խոսքը նախագահի ընտրությունը փակ-գաղտնի քվեարկությամբ անցկացնելու մասին է-խմբ.): Վարչապետի պարագայում ակնհայտ է, որ խոսքը գնում է իշխանության վարչապետի մասին: Դա է պատճառը, որ մենք խոսում ենք քվեարկության այլ մեխանիզմի մասին (բաց քվեարկության-խմբ.)»:

Ի պատասխան ՀԺ-ի դիտարկմանը, որ ընդդիմադիր ուժերն այստեղ քաղաքական ենթատեքստ են տեսնում, նախարարը չբացառեց քաղաքական ենթատեքստ լինելու հանգամանքը: «Քաղաքական ենթատեքստ կա: Սահմանադրությունը երկրի ամենալուրջ քաղաքական փաստաթուղթն է եւ, բնականաբար առաջին հերթին կա քաղաքական ենթատեքստ»,- մեկնաբանեց Դավիթ Հարությունյանը: Վերջինս, սակայն համաձայն չէ ընդդիմության այն տեսակետի հետ, որ վարչապետի քվեարկությունը որոշվել է բաց անցկացնել՝ մտավախություն ունենալով, որ իշխող ուժի ներսում պառակտում կլինի եւ իշխող կուսակցության պատգամավորները կքվեարկեն այլ թեկնածուի օգտին: «Այդ մասով մտավախություն չկա, պարզապես Սահմանադրությունն ամենալուրջ քաղաքական փաստաթուղթն է: Սա քաղաքական մոտեցում է, քաղաքականության արտացոլում: Քաղաքականությունը վատ բառ չէ, ճիշտ բառ է, իսկ սա արտացոլում է ճիշտ քաղաքական մոտեցումը»,- ասաց արդարադատության նախարարը:

Նյութը տպագրվել է «Հայկական ժամանակ» օրաթերթի մարտի 22-ի համարում:

Տպել
1682 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ