Հայաստանի ֆուտբոլի ֆեդերացիայի նախագահ Ռուբեն Հայրապետյանը կարեւորում է ընտրանու առաջիկա ընկերական հանդիպումները փորձարկումների առումով: Ըստ նրա՝ Էստոնիայի եւ Լիտվայի հետ ընկերական խաղերից հետո ընտրանու գլխավոր մարզիչ Արթուր Պետրոսյանը մի շարք հարցերի պատասխաններ կստանա: Այսօր՝ մարտի 22-ին, լրագրողների հետ զրույցում Հայրապետյանը խոսեց հավաքականի հետ կապված մի շարք հարցերի շուրջ:

- Ընկերական խաղերից միակ ակնկալիքը փորձարկումներն են, նոր ֆուտբոլիստներին տեսնելը: Մարզիչն էլ այնպիսի մրցակիցներ է ընտրել, որոնք ապագայի մրցակիցներին նման են: Հաղթանակները միշտ էլ հաղթանակները հաճելի են: Պետք է խաղադաշտ մտնենք հաղթելու համար, բայց չպետք է ֆիքսվել հաղթանակի վրա. այս խաղերով պատրաստվում ենք պաշտոնական խաղերին:

- Դավիթ Յուրչենկոյի մասին ի՞նչ կասեք: Նրա մասին շատ է խոսվցում:

- Յուրչենկոյի հետ ոչ մի խնդիր չկա: Ես՝ որպես ֆեդերացիայի նախագահ, շատ ցանկանում եմ, որ նրան տեսնել մեր հավաքականում: Որպես ֆեդերացիայի նախագահ ամեն ինչ անելու եմ, որ նա խաղա գա Հայաստանի հավաքական: Մնացածը կախված է իրենից:

- Մյուս նորեկների՝ Նորբերտո Բրիասկոյի եւ Ժոաո Ժորդի Մոնրո Արարատի մասին ի՞նչ կասեք:

- Շատ ուրախ եմ նրանց համար, կես բերան ասել են, եւ ոգեւորված միացել են Հայաստանի հավաքականին: Ուղղակի Ժորդի Մոնրոյի ակումբը խնդրեց, որ հունիս ամսին գա հավաքական, որովհետեւ իրենք խաղեր ունի: Մենք էլ ընդառաջել ենք: Նորբերտոն արդեն մասնակցում է մարզումներին, երիտասարդ, ապագա ունեցող ֆուտբոլիստ է եւ, ես կարծում եմ՝ մեր հարձակման գիծն ուժեղացնող ֆուտբոլիստ է: 

- Նոր մարզաշապիկի վերաբերյալ ի՞նչ կասեք, ասում էին՝ պետք է մարտին պատրաստ լինի:

- Նոր մարզաշապիկներն առայժմ չենք ստացել: Ստանալուց ամենաառաջինը լրագրողներն են իմանում, հետո նոր ֆուտբոլիստները: Հենց ստացանք, խոստանում եմ՝ կտեսնեք: Բավականին գեղեցիկ, առաջին անգամ մեր դիզայնով, մեր պատվերով մարզաշապիկներ են:

- Տոմսերի նոր քաղաքականության մասին ի՞նչ կասեք:

- Նոր քաղաքականություն չկա, քաղաքականությունը չի փոխվել, մնացել է նույնը, ուղղակի աբոնեմենտների համակարգ է ներդրվել:

- Որքանո՞վ է, ըստ Ձեզ, հաջողվելու:

- Դա արդեն թող երկրպագուները եւ դուք, որ ինձ մեղադրել եք... այս խաղից կերեւա՝ ես եմ մեղավոր, թե ոչ: Տեսեք՝ ինչ գին եմ սահմանել: Կտեսնենք՝ ես եմ ճիշտ, թե դուք բոլորդ:

- Նոր ակումբներ են պատրաստվում հիմնել: Ին՞չ կասեք դրա մասին:

- ՀՀ Սպորտի եւ երիտասարդության հարցերի նախարարը եկել է ինձ հետ հանդիպման, քննակել ենք: Ասել են, որ պատրաստվում են 2 ակումբ, ես պատասխանել եմ, որ թույլ չեմ տա, որ ֆինանսավորման նույն աղբյուրից լինի 2 ակումբ: ՖԻՖԱ-ն եւ ՈՒԵՖԱ-ն թույլ չեն տալիս, որ ֆինանսավորման նույն աղբյուրից նույն առաջնությունում լինի 2 ակումբ: Բացի այդ՝ չենք կարող եւ չի կարելի, մեր կանոնադրությունը թույլ չի տալիս, որ միանգամից օդի միջից ակումբը հայտնվի բարձրագույն խմբում: Ես սպորտի նախարարին խորհուրդ եմ տվել ձեռք բերել «Էրեբունի» ակումբը, որն ունի ֆինանսական խնդիրներ: Իմ հորդորով՝ նրանք բանակցել են եւ վերցրել են «Էրեբունի» ակումբը, որը մոտ ժամանակներս կարծում եմ՝ կվերանվանվի «Կոտայք»: Կարող է՝ մրցանակային տեղում չհայտնվի «Էրեբունին», բայց գործկոմով որոշում ենք կայացրել, որ միանգամից 4 թիմ մտնի Բարձրագույն խումբ, ու 10 թիմ լինի առաջնությունում: Նման որոշում իրավունք ունենք կայացնելու:

- Արգենտինացի մարզիչներն արդեն արդեն աշխատում են ակադեմիայում: Ի՞նչ առաջադրանքներ են դրված նրանց առաջ:

- Պատրաստել ազգային հավաքականի համար շատ ֆուտբոլիստներ, որ այլեւս չունենա հարձակվորի, պաշտպանի.... խնդիր: Տարիների ընթացքում պետք է լուծենք հավաքականի կադրերի հարցը:

- Ի՞նչ կասեք Ազգերի լիգայի մասին: 

- Ազգերի լիգան հատկապես մեզ համարշատ մեծ հնարավորություն է մասնակցել Եվրոպայի առաջնությանը: Շատ մեծ հնարավորություն է: Ազգերի լիգայի վրամենք շատ մեծ ուշադրություն ենք դարձնելու: Աստված տա, ամեն ինչ լավ լինի, վնասվածքների զերծ մնանք: 

- Սեւանում նոր ֆուտբոլի դպրոց եք բացում...

- Եթե ուշադրություն եք դարձրել, ոչ միայն Սեւանում եմ նոր դպրոց բացում, այլեւ ամբողջ հանրապետությունում: ՀՖՖ նախագահ ընտրվելու օրվանից իմ ծրագիրն է եղել՝ նպաստել մանկապատենական ֆուտբոլի զարգացմանը: Թեեւ դա իմ անմիջական պարտականությունը չի, բայց ֆեդերացիան այնպիսի իրավիճակ է ստեղծել, որ մենք ֆինանսական հնարավորություն ունենք տարեկան 1-2 դպրոց կառուցելու: Հաջորդ տարվա բյուջեով նախատեսում ենք 3 մլն եվրո հատկացնել դրա համար:

 

Տպել
866 դիտում

10/50 ընտրատեղամասի թեկնածուների առաջատար եռյակն «Իմ քայլը» դաշինքից է, Ա. Սիմոնյանը՝ 1-ին տեղում

Այդ թիվը բացակա ընտրողներն են, մահացած ընտրողներն են, գրանցված լինելն ու ապրելը տարբեր են. Ն. Փաշինյան

Առափիում հաղթել է «Իմ քայլը» դաշինքը, ՀՀԿ-ն չորրորդ տեղում է

33/15. Արեւշատում նախնական տվյալներով առաջին տեղում է Սոֆիա Հովսեփյանը

10/49 ընտրատեղամասում դարձյալ հաղթեց «Իմ քայլը» դաշինքը

էրեբունու 10/50 ընտրատեղամասում «Օրինաց երկիր» կուսակցությունը 0 ձայն է ստացել

«Իմ քայլը» դաշինքը Գյումրիում չի զիջում առաջատարի դիրքը, 2-րդ տեղում ԲՀԿ-ն է, 3-րդում՝ Լուսավոր Հայաստանը

Լոռու 25 ընտրատեղամասերի արդյունքներով «Իմ Քայլը» առաջատար է՝ 67,17 տոկոսով, ՀՀԿ-ն չորրորդն է

6/05 ընտրատեղամասում «Իմ քայլը» կուսակցությունների դաշինքը հաղթում է՝ 517 ձայնով

Մահացել է Մաքսիմ Հակոբյանը

7/34 ընտրատեղամասում «Ազգային առաջընթաց» կուսակցությունը 0 ձայն է ստացել

Բաղրամյան գյուղում ռեյտինգայիններից հաղթել է «Իմ քայլը» դաշինքի թեկնածու Արուսյակ Մանավազյանը

Բաղանիս գյուղում տեղակայված 37/08 ընտրատեղամասում Իմ քայլն առաջատար է

7/35 տեղամասում ամենաքիչ ձայները «Ազգային առաջընթաց»-ն ունի, առաջատարը «Իմ քայլը» դաշինքն է

Կոթիում ռեյտինգային թեկնածուներից առաջատարը Սիփան Փաշինյանն է

3/04 ընտրատեղամասի արդյունքները հայտնի են, «Իմ քայլը»-ն այստեղ էլ առաջատար է

Գյումրիում սկսել են ամփոփել տվյալները. առաջատարը «Իմ քայլը» դաշինքն է

8/17 ընտրատեղամասի «Իմ քայլը» դաշինքի ռեյտինգային թեկնածուների ստացած քվեները

ԿԸՀ-ն հրապարակում է նախնական արդյունքները. բացարձակ առաջատարը «Իմ քայլը» դաշինքն է. թարմացվող, ուղիղ

8/08 տեղամասում «Իմ քայլն» առաջատար է, երկրորդ տեղում Լուսավոր Հայաստանն է