Թեյախմություն եւ 24-ժամյա հյուրասիրություններ. Կամերայինը պարապուրդի է մատնված

Լուսանկարում՝ ձախից երրորդը Կամերային երաժշտության ազգային կենտրոնի տնօրեն՝ Վաչե Հովեյան

2017 թվականի տարեկան հաշվետվությամբ օրերս ՀՀ մշակույթի նախարարությունում էր Կամերային երաժշտության ազգային կենտրոնի տնօրինությունը: Կենտրոնի ներկայացված ցուցանիշները, մեղմ ասած, չբավարարեցին մշակույթի նախարար Արմեն Ամիրյանին: Նախարարի գնահատմամբ՝ թերացումներ կան ինչպես տոմսային տնտեսության կազմակերպման, այնպես էլ դահլիճի վարձակալության ու միջոցառումների տարեկան պլանավորման մեջ:

Մշակույթի նախարարության ներկայացված տվյալներով՝ տարվա 250 օրը Կամերային երաժշտության ազգային կենտրոնը, որը գործում է Կամերային երաժշտության տանը, պարապուրդի է մատնված եւ ոչ մի քայլ չի իրականացնում կենտրոնի զարգացման համար: Դրա ականատեսը դարձավ նաև «Հայկական ժամանակ»-ը՝ փորձելով ծանոթանալ կենտրոնի անցուդարձին եւ գործունեությանը:

Կամերային երաժշտության ազգային կենտրոնի աշխատողների համար, պարզվում է, նախ մեծ դժվարություն է հեռախոսազանգերին պատասխանելն ու տեղեկատվություն տրամադրելը: Կենտրոնի հետ կապ հաստատելու համար Սփյուռ տեղեկատվական համակարգում նշված հինգ-վեց հեռախոսահամարներ կան, սակայն ինչ համարով էլ զանգում ես, կամ չեն պատասխանում, կամ էլ երկար դեգերումներից հետո մուտքի պահակին ես միանում, վերջինս էլ, բնականաբար, պատասխանում է, թե իրավասու չէ ոչ մի տեղեկություն տրամադրել:

Իսկ թե ինչ էր կատարվում Կամերայինի ներսում մեկ այլ պատմություն է: Երեկ, մեր այցելության պահին, Կենտրոնի տնօրեն Վաչե Հովեյանը, ինչպես պնդում էր կենտրոնի աշխատակցուհին, ժողովի էր: Նշված աշխատակցուհին մեկ սուրճ էր տանում Հովեյանի աշխատասենյակ, մեկ՝ թեյ, մեկ՝ թխվածքներ: Ներսում ակնհայտորեն ջերմ մթնոլորտ էր. մի քանի հոգի կային, որոնք, դժվար է ասել, թե ինչ էին քննարկում: Մեզ այդպես էլ չընդունեցին: Մոտ մեկ ժամ սպասելուց հետո ներս մտանք: Վաչե Հովեյանը (որն, ի դեպ, ՀՀ մշակույթի նախկին նախարար Հովիկ Հովեյանի որդին է), հայտարարեց, թե գիտի, որ լրագրող է սպասում իրեն, բայց չի կարող ընդունել. խորհուրդ տվեց 2 շաբաթից գալ: 

Գիտական աստիճաններով եւ պարգևներով աչքի ընկնող Վաչե Հովեյանը Կամերային երաժշտության ազգային կենտրոնի տնօրենի պաշտոնը ստանձնել է 2015 թվականի սեպտեմբերի 28-ից:

Տնօրեն դառնալուց ամիսներ անց նա հայտարարել էր, թե Կենտրոնն ունի յուրահատուկ մտածելակերպ ու գործելակերպ, որ քիչ ժամանակ է, ինչ այնտեղ է աշխատում, բայց արդեն բավական գործեր ունեն արված: Սակայն մշակույթի նախարարը, ինչպես նշեցինք, Կամերային երաժշտության ազգային կենտրոնի կողմից ներկայացված հաշվետվությունը գնահատել է խիստ անբավարար եւ Վաչե Հովեյանին ու մյուս աշխատակիցներին ուղղված խոսքում պահանջել Կենտրոնի ենթակայությամբ գործող վեց կոլեկտիվների հետ միասին հստակեցնել ու ներկայացնել միջոցառումների տարեկան պլան:

Վաչե Հովեյանից այդպես էլ հնարավոր չեղավ մեկնաբանություն ստանալ նախարարի կողմից նշված թերությունների վերաբերյալ: Արմեն Ամիրյանի գնահատմամբ, 2017-ին «Կամերային երաժշտության ազգային կենտրոնն» աշխատել է վնասով, իսկ տարեկան արտաբյուջեն կենտրոնը թերակատարել է շուրջ 2 միլիոն դրամով:

Դահլիճի վարձակալության դիմաց նախատեսված 17 միլիոն դրամ հասույթի փոխարեն Կենտրոնը ստացել է շուրջ 10 միլիոն դրամ: Մշակութային ծառայություններից փաստացի եկամուտը 2017-ի կանխատեսման համեմատ պակաս է 8.9 տոկոսով: Ներկայացված փաստաթուղթը որակելով ծիծաղելի ու անընդունելի՝ նախարար Ամիրյանը պահանջել է աշխատել այնպես, որ քաղաքի սրտում գտնվող մշակութային օջախը մշտապես հագեցած լինի միջոցառումներով:

«Ամսվա առնվազն տասն օրերին, մասնավորապես՝ ուրբաթ, շաբաթ եւ կիրակի, Ձեզ մոտ պետք է համերգներ լինեն: Աննախադեպ թվով արտասահմանցի զբոսաշրջիկներ ունենք քաղաքում, ի՞նչ եք անում ձեր Կենտրոն բերելու համար»,- ասել է Ամիրյանը եւ ընդգծել, որ Կամերային շենքի պահպանման ու շահագործման համար պետությունը հսկայական միջոցներ է ներդնում, իսկ իրենք նստած՝ հանգստանում են:

Կամերային երաժշտության ազգային կենտրոնի շենքի պահպանության եւ շահագործման համար պետությունը 2017 թվականին հատկացրել է 11 միլիոն 779 հազար դրամ:

Աղունիկ Հովհաննիսյան

Նյութը տպագրվել է«Հայկական ժամանակ» օրաթերթի մարտի 30-ի համարում:

Տպել
7207 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին