Հայաստանի մասշտաբով եղանակի ռեկորդը կրկնվել է, Երևանում՝ գերազանցվել. գրանցվել է +30 և +28

Մարտի 30-ի ցերեկը, հզոր ցիկլոնի ներթափանցմամբ պայմանավորված, հատկապես կեսօրից հետո հանրապետության ողջ տարածքում սպասվում են անձրեւի տեսքով առատ տեղումներ, ամպրոպ, ամպրոպների ժամանակ` քամու ուժգնացում` 15-20 մ/վ արագությամբ։ Անձրեւները հատկապես առատ կլինեն Շիրակում, Լոռիում, Տավուշում, Կոտայքում, Գեղարքունիքում, Արարատում եւ Երեւանում։

Մարտի 31-ի առավոտյան ժամերից անձրեւներն աստիճանաբար կդադարեն, ապրիլի 1-2-ը հանրապետության ողջ տարածքում սպասվում է առանց տեղումների եղանակ։ Օդի ջերմաստիճանը մարտի 30-ի ցերեկը կնվազի 5-6 աստիճանով, իսկ ապրիլի 1-2-ը նույնքանով կբարձրանա: Տեղեկությունը ֆեյսբուքյան իր էջում հրապարակել է ՀՀ ԱԻՆ հիդրոմետ ծառայության օդերեւութաբանության կենտրոնի պետ Գագիկ Սուրենյանը:

Անդրադառնալով մեր հարցին, թե արդյո՞ք իրականացան կանխատեսումները եւ նախկինում գրանցված +30 աստիճան ռեկորդը գերազանցվեց, Սուրենյանը պատասխանեց, որ ռեկորդը կրկնվել է: Ավելի վաղ մեզ հետ զրույցում նա ասել էր, որ եթե կանխատեսումներն արդարանան, եւ մարտի 24-ին օդի ջերմաստիճանը հասնի +33-ի, ապա դա կլինի Հայաստանում մարտին երբեւիցե դիտված ամենաբարձր ջերմաստիճանը: «Վերջին անգամ Սյունիքի հովիտներում եղել է +30 աստիճան՝ 2004 թվականին մարտի 5-ին: Դրանից հետո այլեւս չենք ունեցել այդպիսի ջերմաստիճան»,- նշել էր Գագիկ Սուրենյանը:

Այսօր նա տեղեկացրեց, որ նշված օրը օդի ջերմաստիճանը Մեղրիի հատվածում հասել է +30-ի, եւ ռեկորդը կրկնվել է: Փոխարենը, ըստ նրա, ռեկորդ է գրանցվել Արարատյան դաշտում. «Եթե մինչեւ հիմա մարտ ամսին Արարատյան դաշտում, այդ թվում՝ Երեւանում ամենաբարձր ջերմաստիճանը համարվում էր +27 աստիճանը, որը դիտվել էր 2008 թ.-ին, ապա 2018 թ.-ի մարտի 24-ին ջերմաստիճանը հասավ +28-ի»:

Արդեն գրեթե ավարտված մարտի համար նաեւ կանխատեսվել էր նորմայից բարձր տեղումների քանակ: Այդ առիթով շատերը սպասում էին, որ ջրամբարները կլցվեն ու գյուղատնտեսությունը կշահի: «Հաշվի առնելով վաղը սպասվող հզոր ցիկլոնը, տեղումների քանակն էլ նորմայից ավելի կլինի, չնայած այս պահի դրությամբ էլ կան հատվածներ, որտեղ նորման գերազանցված է: Ջրամբարների լցվածության մասին դեռ վաղ է խոսել, գետերի վարարումները նոր են սկսվում»,- արձագանքեց Գագիկ Սուրենյանը: 

Ինչ վերաբերում է ապրիլին սպասվող եղանակային պայմաններին, ապա օդի ամսական միջին ջերմաստիճանը հանրապետության ողջ տարածքում սպասվում է նորմայի սահմաններում, տեղումների քանակը կրկին կանխատեսվում է նորմայից ավելի:

«Մենք ապրիլ ամսվա համար նույնպես հանրապետության հովտային եւ նախալեռնային գոտում բացասական ջերմաստիճան չենք կանխատեսել: Իսկ դա նշանակում է, որ ցրտահարություն, ըստ նախնական կանխատեսումների, ապրիլին նույնպես չի սպասվում»,- եզրափակեց օդերեւութաբանության կենտրոնի պետը: 

Տպել
12213 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը