Գեղեցկության նոր մրցույթը հնարավոր է անցկացվի Գյումրիում կամ Վանաձորում

Մամիկոն Դանիելյանի գեղեցկության մրցույթը հնարավոր է չանցկացվի Երեւանում: Այս մասին նա նշեց armtimes.com-ի հետ զրույցում: Այս շրջանում ընթացքի մեջ են նախապատրաստական աշխատանքները, եւ քննարկումների ժամանակ Դանիելյանին առաջարկել են մտածել շոուն Գյումրիում կամ Վանաձորում կազմակերպելու շուրջ:

«Մտածում ենք, որ շոուն լինի Օպերայի եւ բալետի ազգային ակադեմիական թատրոնում կամ Մարզահամերգային համալիրի փոքր դահլիճում: Մի տարբերակ էլ կա, որ քիչ ռեալ է, բայց հնարավոր է, որ կարող է լինել նաեւ Գյումրիում կամ Վանաձորում. անպայման չէ, որ մայրաքաղաքում լինի: Ամեն դեպքում, սա ուղղակի առաջարկել են, մտածում ենք»,- ասաց նա:

Մրցույթի մասին հայտնի է դարձել մոտ 1 ամիս առաջ: Կազմակերպիչներն աշխատում էին եւ շարունակում են աշխատել մի քանի ուղղություններով: Փնտրում են հովանավորների, մշակում են մրցույթի ձեւաչափը, խորհրդակցում են տեղի եւ արտասահմանյան մասնագետների հետ: Այս առումներով ինչ-որ պայմանավորվածություններ արդեն ձեռք են բերել, օրինակ, հրավիրել են իտալահայ ոճաբան Աննա Սանտոպադրեին, բալետի հայազգի հայտնի պարուհի Վիկտորիա Անանյանին, սակայն, ընդհանուր առմամբ, բանակցությունների փուլը դեռ չի ավարտվել:

«Խոսում ենք միջազգային տարբեր մրցույթների կազմակեպիչների հետ, որոնք ցանկություն ունեն գալու, մասնակցելու, դիտելու, նաեւ նրանց հետ, ովքեր ժյուրիի կազմում են ընդգրկվելու. մարդիկ, որոնք հայեր են եւ դրսում կապ ունեն գեղեցկության, մոդելային աշխարհի հետ: Անուններ դեռ չեմ կարող տալ, բայց շուտով մեր կայքը կլինի, այնտեղ գրված կլինի: Չեմ ուզում ասել՝ մեզ մոտ չունենք լավ մասնագետներ, շատ ունենք, պարզապես ցանկանում ենք դրսից մասնագետներ կանչել ինչ-որ չափով նոր շունչ հաղորդելու համար: Նաեւ հովանավորների հետ ենք խոսում: Առաջարկում ենք՝ մենք ինչ կարող ենք անել, իրենք ինչ են կարող, մրցանակների մասին ենք խոսում»,- ասաց նա:

Առանձին ուշադրություն է դարձվում բուն մրցութային ընթացքի ու շոուի հատվածին: Ընտրված 24 աղջիկները մոտ 1 ամիս ապրելու են միասին: Նրանց հետ աշխատելու են ոճաբաններ, խորեոգրաֆներ, մարզիչներ: Նրանց առօրյան ներկայացվելու է օրագրեի տեսքով: Շոուում ներառված է լինելու 3 հիմնական փուլ, որոնք մարդիկ սովորաբար տեսնում են նման մրցույթներում՝ լողազգեստի, տարազի եւ երեկոյան զգեստի: Լինելու է նաեւ 1 նորություն:

«Ուզում ենք, որ մասնակիցները կարողանան մաքսիմալ դրսեւորել իրենց, օրինակ, ռետրո ոճի մեջ: Քննարկում ենք դիմահարդարների, վարսահարդարների հետ, որպեսզի հասկանանք՝ այդ ժամանակում ինչպես կարող են հասցնել կերպարանափոխվել»,- ասաց նա:

Մրցույթը նախատեսվում է անցկացնել ամառվա վերջին կամ աշնան սկզբին: Կոնկրետ ժամկետները դեռ հայտնի չեն: Հայտնի չէ նաեւ վերջնական անունը. առայժմ ասում են, որ ընտրում են Հայաստանի գեղեցկուհուն: Որոշ ժամանակ անց պարզ կդառնա՝ որ հեռուստաընկերությամբ է այն ցուցադրվելու: Դանիելյանը նշում են, որ բանակցություններ կան ՀՀ-ում ամենաբարձր վարկանիշն ունեցող հեռուստաընկերությունների հետ: Հայտերի ընդունման մասին պաշտոնապես կհայտարարվի մեկնարկից 2-3 ամիս առաջ: Կարող են մասնակցել 17-26 տարեկան աղջիկները, որոնք ունեն ամենաքիչը 168 սմ հասակ եւ 90/60/90-ին մոտ կազմվածք:

Տպել
10338 դիտում

Տնտեսագետ Բաբկեն Թունյանն «Իմ քայլը» դաշինքի ցուցակով մասնակցելու է ԱԺ ընտրություններին

Լո՞ւրջ, դիկտատուրայի մասին արձանագրում են արե՞լ. Միրզոյանի հեգնանքը՝ ՀՀԿ-ի քաղաքական հայտարարությանը

Ա. Զեյնալյանը Իտալիայի Հակակոռուպցիոն մարմնի ղեկավարի հետ քննարկել է կոռուպցիայի դեմ պայքարի մասին հարցեր

Պատգամավորները ծուլացել են, ԱԺ նիստ գումարելու համար քվորում չկար

ՀՀ կենտրոնական բանկի նախագահը մեկնել է Ալմաթի՝ մասնակցելու Ղազախստանի ֆինանսիստների կոնգրեսին

Դիլիջանի ոլորաններում խիտ մառախուղ է, տեսանելիությունը՝ 10-15 մ, Ապարանում եւ Արագածում ձյուն է տեղում

ՔԿ նախագահի տեղակալն ընդունել է Հայաստանում Իրանի դեսպանության գործերի ժամանակավոր հավատարմատարին

Աննա Հակոբյանը Մոսկվայում հանդիպել է ՌԴ նախագահի հատուկ ներկայացուցչի հետ

Մեծ վտանգ կա ապագա խորհրդարանը վերածելու յուրայինների ակումբի. Վիգեն Սարգսյան

Սայաթ Նովայի պողոտա-Խանջյան փողոց խաչմերուկի լուսացույցները կտեղափոխվեն

Ոստիկանապետն ընդունել է ՄԱԿ-ի պատվիրակությանը. քննարկել են ԼԳԲՏ ֆորումի չեղարկումը, կանանց իրավունքները

Երեւանում 2 մեքենաների բախման արդյունքում կա 1 զոհ, 4 վիրավոր (լուսանկարներ)

Նախագահը ցանկալի է համարել ՅՈՒՆԵՍԿՕ-ի մասնակցությունը Գյումրիում պատմամշակութային արժեքների պահպանմանը

Երևանում և 2 մարզում այսօր էլեկտրաէներգիայի անջատումներ են սպասվում

Մահացել է Սարդ-մարդու, Երկաթե մարդու, Հալքի, Ֆանտաստիկ քառյակի, Իքս մարդկանց «հայրը»

Նիկոլ Փաշինյան, Լենա Նազարյան, Արարատ Միրզոյան. հայտնի է «Իմ քայլը» դաշինքի առաջին տասնյակը

ԿԸՀ-ի որոշմամբ, ավագանու անդամ Արամ Մանուկյանի լիազորությունները դադարեցված են, նրան կփոխարինի Միքայել Թումանյանը

Դաշնակցության անունից առաջադրվելու եմ պատգամավորի թեկնածու, պատվի հարց է. Գեղամ Մանուկյան

Պաշտպանն ուշադրության կենտրոնում է պահում խաղաղ հավաքների ժամանակ մարդկանց իրավունքների երաշխավորման հարցը

Կոռուպցիայի դեմ պայքարն ու բարեփոխումներն առաջնահերթություն են. Փաշինյանը՝ ԵՄ դեսպաններին