Ուկրաինացի բլոգերն ապօրինի քրեական հետապնդման է ենթարկվում ՀՀ-ում. հայտարարություն

Անհապաղ դադարեցնել ապօրինի քրեական հետապնդումը, ազատ արձակել Ուկրաինայի քաղաքացի, հայտնի բլոգեր Բոգդան Կալյուսկուն եւ ապահովել նրա անվտանգությունը: Այս մասին ասված է Հելսինկյան քաղաքացիանա ասամբլեայի (ՀՔԱ) Վանաձորի գրասենյակի հայտարարության մեջ, որը ներկայացնում ենք ստորեւ.

«2018թ. մարտի 31-ին ՀՀ Գլխավոր դատախազության ՀԿԳ քննության վարչության դատախազ Տ. Ենոքյանի կողմից հարուցվել է քրեական գործ ՀՀ Քրեական օրենսգրքի 325-րդ հոդվածի 1-ին մասով եւ 329-րդ հոդվածի 1-ին մասով (փաստաթղթերի կեղծում եւ պետական սահմանի ապօրինի հատում) եւ մեղադրանք է առաջադրվել Ուկրաինայի քաղաքացի Բոգդան Արկադիի Կալյուսկուն (նույն ինքը՝ ՌԴ նախկին քաղաքացի Մաքսիմ Արկադիի Բայդակ):

2018թ. ապրիլի 1-ին Երեւան քաղաքի ընդհանուր իրավասության դատարանը՝ նախագահությամբ դատավոր Կ. Ֆարխոյանի, բավարարելով ՀՀ Քննչական կոմիտեի ՀԿԳ քննության գլխավոր վարչության ՀԿԳ քննիչ Ռ. Ավագյանի միջնորդությունը, Կալյուսկու նկատմամբ կիրառել է կալանք 2 ամիս ժամկետով:

2018թ. մարտի 27-ին Ուկրաինայի քաղաքացի Բոգդան Կալյուսկին (նույն ինքը՝ ՌԴ նախկին քաղաքացի Մաքսիմ Արկադիի Բայդակ) ժամանել է Հայաստան Կիեւ-Երեւան PS 613 չվերթով՝ անցնելով եւ Ուկրաինայի, եւ Հայաստանի Հանրապետության սահմանային անցակետերով. այսինքն անցել է պատշաճ ստուգում եւ նրա անձը հաստատող փաստաթուղթը համարվել է օրինական: Բոգդան Կալյուսկին 2018թ. մարտի 30-ին՝ ժամը 15:30-ին, PS 614 շվերթով պետք է վերադառնար Կիեւ: Նա այդ օրը վերստին անցել է բոլոր ստուգումները եւ միայն թռիչքի սրահում նրան են մոտեցել ՀՀ Ազգային անվտանգության աշխատակիցները եւ բերման են ենթարկել թռիչքի սրահից՝ հայտնելով որ նա գտնվում է միջազգային հետախուզման մեջ:

Կալյուսկու ձերբակալման որոշումը կայացվել է 2018թ. մարտի 31-ի առավոտյան 5:30-ին: Այսինքն Կալյուսկին առնվազն 14 ժամ ապօրինի գտնվել է  անազատության մեջ:

Ուկրաինայի քաղաքացի Բոգդան Արկադիի Կալյուսկու (նույն ինքը՝ ՌԴ նախկին քաղաքացի Մաքսիմ Արկադիի Բայդակ) նկատմամբ դեռեւս 2013թ. սեպտեմբերի 13-ին ՌԴ Սանկտ Պետերբուրգ քաղաքի Ֆրունզենսկի ՆԳԳՎ-ի կողմից հարուցվել է քրեական գործ ՌԴ քրեական օրենսգրքի 2052 հոդվածի 2-ին մասով (ահաբեկչական գործունեության իրականացման հանրային կոչեր կամ ահաբեկչության հանրային արդարացում՝ որոնք կատարվել են մասսայական տեղեկատվության միջոցների օգտագործմամբ): Նշված քրեական հետապնդման անհիմն լինելու վերաբերյալ իրենց գնահատականներն են տվել Նորվեգիայի Հելսինկյան կոմիտեն եւ Ռուսաստանի Մեմորիալ իրավապաշտպանական կենտրոնը՝ գտնելով, որ հետապնդումը կրոնական ազատությունների եւ քաղաքական հայացքների սահմանափակում է, եւ Կալյուսկին (Բայդակը) պետք է ապաստան ստանա ժողովրդավարական երկրում, որտեղ կարող է ազատորեն արտահայտել իր կրոնական համոզմունքներն ու քաղաքական հայացքները, եւ ՌԴ-ին նրա արտահանձնումը մարդու իրավունքների նորմերի խախտում կհանդիսանա:

Հարկ է նշել, որ Բոգդան Կալյուսկին իր ուկրաինական անձնագրով ճամփորդել է տարբեր երկրներում եւ ոչ մի տեղ չի ունեցել անձնագրի հետ կապված խնդիրներ: Ըստ այդմ՝ ՀՀ իրավապահ մարմինների կողմից Բոգդան Կալյուսկու նկատմամբ հարուցված քրեական գործը փաստաթղթերի կեղծման եւ ՀՀ պետական սահմանը ապօրինի հատելու հիմքով հիմնավորված չէ: Կալյուսկին եւս իրեն մեղավոր չի ճանաչում մեղսագրվող հանցանքում:

Բոգդան Կալյուսկու նկատմամբ դատարանի որոշման նկարագրական մասում նշվում է ՌԴ իրավապահ մարմինների կողմից նրա նկատմամբ հարուցված քրեական գործի եւ միջազգային հետախուզման մասին, սակայն նրա նկատմամբ խափանման միջոցը հիմնավորվում է ՀՀ-ում հարուցված վերոնշյալ քրեական գործով:

ՀՔԱ Վանաձորի գրասենյակը մտահոգված է, որ միաջազգային հետախուզման հիմնավորմամբ Ուկրաինայի քաղաքացի Բոգդան Կալյուսկին կարող է արտահանձնվել Ռուսաստանի Դաշնությանը:

Հաշվի առնելով ՌԴ քաղաքացիական ակտիվիստների եւ ընդդիմադիրների նկատմամբ հետապնդումները եւ բռնությունները, այդ թվում՝ ՌԴ քրեակատաորղական հիմնարկներում նրանց նկատմամբ անմարդկային վերաբերմունքի փաստերը եւ ակնհայտ համարելով ՌԴ կողմից Բ. Կալյուսկու (Մ. Բայդակի) նկատմամբ հարուցված քրեական հետապնդման քաղաքական ենթատեքստը՝  գտնում ենք որ ՀՀ իշխանությունների կողմից Ուկրաինայի քաղաքացի Բոգդան Արկադիի Կալյուսկու (նույն ինքը՝ ՌԴ նախկին քաղաքացի Մաքսիմ Արկադիի Բայդակ) հնարավոր արտահանձնումը Ռուսաստանի Դաշնությանը կհանգեցնի ՀՀ իշխանությունների կողմից նրա՝ Մարդու իրավունքների եվրոպական կոնվենցիայի 3-րդ եւ 5-րդ հոդվածով երաշխավորված իրավունքների խախտմանը:

Ելնելով վերը շարադրածից՝ պահանջում ենք ՀՀ իշխանություններից՝ զերծ մնալ Ուկրաինայի քաղաքացի Բոգդան Կալյուսկուն Ռուսաստանի Դաշնությանը հանձնելու որեւէ մտադրությունից, անհապաղ դադարեցնել նրա նկատմամբ ապօրինի քրեական հետապնդումը եւ թույլատրել նրա անարգել ելքը ՀՀ տարածքից՝ երրորդ երկիր»:

Տպել
634 դիտում

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կդառնանա պատգամավոր

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները

ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Մի վաճառեք ձեր ձայնը․ այս ընտրությունները պետք է լինեն լավագույնը Հայաստանում․ Սվիտալսկի

Արտակարգ դեպք Երեւանում․ կրակոցներ են արձակել ՊՆ գնդապետի մեքենայի ուղղությամբ

Մեծ կարեւորություն ենք տալիս վերականգնվող էներգետիկայի ներուժի օգտագործմանը․ Տիգրան Ավինյան

«Արզնու տոհմային ԹՏԽ» ընկերությունը տուգանվել է 20 միլիոն դրամով․ կարագում բացակայել է կովի կաթը

ՀՀ եւ Իրանի գլխավոր դատախազները ստորագրել են երկու համագործակցության ծրագիր

Դավիթ Սանասարյանի բացած դուռը փակվել է. Մարալիկում բողոքի ակցիան ընդդեմ Արտակ Գեւորգյանի վերսկսվել է

«Գազպրոմ Արմենիա»-ում բացահայտվել են խոշոր չափերով հարկային պարտավորություններ չվճարելու դեպքեր․ ՊԵԿ

ՀՀ-ում երկրորդ կյանք են տալիս պոլիէթիլենից տոպրակներին, պլաստիկին եւ կենցաղային այլ թափոններին (տեսանյութ)

Ինձ համար ցավոտ թեմա է. Մարտիրոսյանը դոպինգ սկանդալի ու օլիմպիական բրոնզից զրկվելու մասին

ՀՀ բնակիչները կասկածվում են Մեծ Բրիտանիայում կրիպտո-խարդախության համար

Թաղային հեղինակություն ասելով՝ նկատի ունեմ թաղում հեղինակություն ունեցող մարդ. Արայիկ Աղաբաբյան

ՀՅԴ համամասնական ցուցակի առաջին եռյակը հաստատվել է

Արցախում Սարսանգից մինչեւ Մարտակերտ նոր ջրանցք է կառուցվելու․ կներդրվի շուրջ 100 մլն ԱՄՆ դոլար