Ինչպես է ապահովվելու Սերժ Սարգսյանի անվտանգությունը. Հրաչյա Հարությունյան (Կրակեմ Հրաչ)

ՀՀ նորընտիր նախագահ Արմեն Սարգսյանի անվտանգությունը եւս ապահովելու է Պետական պահպանության ծառայությունը:

Սերժ Սարգսյանի անվտանգությունն ապահովելիս նրան մշտապես ուղեկցել է Պետական պահպանության ծառայության պետ Հրաչյա Հարությունյանը (Կրակեմ Հրաչ):

Վերջինիցս հետաքրքվեցինք, թե ինչպես է ապահովելու Արմեն Սարգսյանի անվտանգությունը եւ արդյոք նա շարունակելու է ուղեկցել Սերժ Սարգսյանին, թե՝ ոչ:

- Պարոն Հարությունյան՝ դուք որպես պետական պահպանության ծառայության պետ, միշտ ներկա եք եղել Սերժ Սարգսյանի բոլոր այցերին, ուղեկցել եք նրան: Հիմա շարունակելու եք կրկին Սերժ Սարգսյանի անվտանգությունը ապահովե՞լ, թե՝ Արմեն Սարգսյանի հետ եք շրջելու:

- Ես պետական պահպանության ծառայության պետն եմ, Սերժ Սարգսյանը դարձյալ պահպանվող անձ է, ոչ մի բան չի փոխվել, ինքը որպես պաշտոնաթող նախագահ պահպանվող անձ է:

- Պարզապես դուք եք անձամբ ուղեկցել Սերժ Սարգսյանին:

- Ոչ ոչ, երբ անհրաժեշտություն է եղել այն ժամանակ ուղեկցել եմ:

- Այսինքն՝ եթե կրկին անհրաժեշտություն լինի Սերժ Սարգսյանին ուղեկցելու, կրկին կուղեկցե՞ք:

- Անշուշտ, եթե պետք լինի նաեւ Արմեն Սարգսյանին, երկուսն էլ հավասարազոր պահպանվող անձինք են, ինչպես Լեւոն Տեր-Պետրոսյանը, ինչպես Ռոբերտ Քոչարյանը:

- Այսինքն՝ հիմա Արմեն Սարգսյանի հետ էլ ե՞ք շրջելու:

- Եթե անհրաժեշտություն լինի` այո:

- Պարոն Հարությունյան, Սերժ Սարգսյանի անվտանգությունը հիմա քանի՞ հոգի է ապահովում, եւ Արմեն Սարգսյանինը՝ քանիսը:

- Իհարկե, չեմ ասի:

- Ինչո՞ւ:  

- Զարմանալի հարց եք տալիս:

- Պարոն Հարությունյան, Սերժ Սարգսյանի անվտանգություն ապահավելու նպատակով մշտապես փողոցներ են փակվել: Հիմա ինչպե՞ս է լինելու, ե՛ւ Սերժ Սարգսյանի համար է փակվելու եւ Արմեն Սարգսյանի՞:

- Փողոցները փակվում է ըստ անհրաժեշտության, եթե անհրաժեշտ լինի, իհարկե, կփակվի:

- Բայց Սերժ Սարգսյանի համար մշտապես են փողոցներ փակվել: Այսինքն՝ այնպես չի եղել, որ մի օր որոշվել է փակել, մյուս օրը՝ ոչ:

-Ոչ, մշտապես չի եղել:

- Հիմա Արմեն Սարգսյանի համար ճանապարհներ փակվելո՞ւ են:

- Եթե անհրաժեշտություն լինի՝ այո: Ամեն ինչ կախված է անհրաժեշտությունից:

- Հիմա արդեն Արմեն Սարգսյանի անվտանգությունն ապահովո՞ւմ է:

- Անշուշտ, երբ որ ինքը ընտրվեց Հանրապետության նախագահ, Սերժ Սարգսյանինը նույնպես, օրենք գոյություն ունի, ըստ օրենքի մենք աշխատում ենք:

- Պարոն Հարությունյան, առաջիկայում մեծ միջոցառումներ են սպասվում, մասնավորապես Ֆրանկոֆոնիայի գագաթաժողով է լինելու: Արդեն իսկ ուժեղացված հսկողություն սահմանվե՞լ է, թե՝ ոչ:

- Նորից եմ ասում, երբ անհրաժեշտություն լինի ըստ այդմ միջոցառումներ կլինեն:

Տպագրվել է «Հայկական ժամանակ» օրաթերթի ապրիլի 11-ի համարում:

Տպել
8462 դիտում

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Ադրբեջանի դիրքորոշումը չի նպաստում Լեռնային Ղարաբաղի շուրջ երկխոսությանը. Բեռլին