200 դրամ չունենալու պատճառով դադարում են հաճախել անվճար ճաշարան

Լաուրա Մնացականյանն ամեն օր Ալավերդու Սանահին կայարան թաղամասից հասնում է Սանահին-Սարահարթ՝ Ալավերդու ցերեկային կենտրոնի ծառայություններից օգտվելու համար: Քաղաքի ներքևի հատվածում բարեգործական ճաշարանի փակվելուց հետո Լաուրան այն քչերից է, ով հաշվի չի առնում տրանսպորտային ծախսերը և  գալիս է տաք կերակուր ու հոգեբանական աջակցություն ստանալու: «Հաշվարկում եմ, գիտեմ, որ էդ տրանսպորտի գումարով չեմ կարա ես ուտելիք առնեմ ու տանը ճաշ պատրաստեմ… այստեղ լավ ա, տաք ճաշ ենք ուտում, նորմալ սնվում ենք, շփվում ենք»,- մեր զրույցում հայտնեց ճաշարան հաճախող Լաուրա Մնացականյանը:

Ալավերդու ներքևի հատվածից ցերեկային կենտրոն հաճախելու համար արդեն շուրջ 5 մարդ է դիմել, կենտրոնում պատրաստ են նրանց գրկաբաց ընդունել, սակայն տրանսպորտային ծախսերն իրենց վրա վերցնել չեն կարող:     

«Առաքելություն Հայաստան» ԲՀԿ Ալավերդու ցերեկային կենտրոնի տնօրեն Այծեմնիկ Մկրտումյանի խոսքով՝ ճաշարան հաճախել ցանկացողներ շատ կան, իրենք եւս պատրաստ են բազմաթիվ քաղաքացիների օգնել, սակայն լուծել ճաշարան հաճախող անապահով քաղաքացիների տրանսպորտային խնդիրը՝ անկարող են. «Դիմողներ շատ կան, փակվելուց հետո մենք էլ հայտարարություն տվեցինք, որ ով ուզում է՝ կարող է գալ: Բայց այդ՝ 200 դրամը շատ է խանգարում թե՛ մեզ, թե՛ իրենց, ու խնդիրն այդպես էլ մնում է չլուծված»:

Քաղաքի ներքևի հատվածում գործող բարեգործական ճաշարանը ֆինանսավորվում էր «Մանես» հիմնադրամի կողմից: Հիմնադրամի փակվելուց հետո Ալավերդու համայնքապետարանը չկարողացավ համապատասխան ֆինանսական միջոցներ ներգրավել՝ ճաշարանի աշխատանքը շարունակելու կամ շահառուներին Սանահին-Սարահարթի ցերեկային կենտրոն հասնելու տրանսպորտային ծախսերը փոխհատուցելու համար:

Ալավերդու փոխքաղաքապետ Արթուր Վարոսյանը մեր զրույցում հայտնեց, որ համայնքը չի կարող իր վրա վերցնել շուրջ 10 մլն դրամ կազմող աջակցությունը. «Եթե չեմ սխալվում, իրենց ֆինանսավորումը 10 մլն դրամ էր, այդ բացը քաղաքապետարանը մինչեւ հիմա իր միջոցներով չի կարողանում լրացնել, միգուցե հետագայում հնարավորություն ունենանք, բայց մինչ օրս խնդիրը չենք կարողանում լուծել»:

Ալավերդու ցերեկային կենտրոնը հիմա 140 շահառու ունի՝ ներառյալ նաև տնային խնամք ստացողները: Այստեղ, բացի տաք սննդից, շահառուները նաև հագեցած առօրյա են անցկացնում, մասնակցում դասընթացների ու նաև տոնական արարողությունների: Կենտրոնին ֆինանսապես աջակցում է Ալավերդու համայնքապետարանը, որն այս տարի կենտրոնին տրամադրելու է 1 մլն 500.000 դրամ:

Տպել
2238 դիտում

Սփյուռքի հետ հարաբերություններում անհարաժեշտ է նոր շունչ, թարմություն, երիտասարդական մոտեցումներ

Մշակույթի նախարարը պարզաբանում է՝ ինչու «Սայաթ-Նովա» անսամբլին գումար չեն հատկացրել

Կոտայքի մարզպետն իր մոտ է կանչել դպրոցի տնօրենին, հորդորել բողոքարկել ընտրության արդյունքները ԿԳՆ-ում

Գործարարները պատրաստակամություն են հայտնել աջակցել «Իմ քայլը» հիմնադրամին ոչ միայն ֆինանսապես

Քիչ առաջ Վանաձորում բերման են ենթարկել «օրենքով գող» Օշականցի Գեւորիկի եղբորորդուն

Հայկական ստորաբաժանումը առաջիկայում լիովին պատրաստ կմեկնի Սիրիա. Դավիթ Տոնոյան

Կարգադրվել է բարձրացնել զինվորականներին տրվող ներքնաշորերի որակը. Դավիթ Տոնոյան

Արցախում կայացել է մարտավարական զորավարժություն. ՊԲ-ն ներկայացնում է լուսանկարներ

Բուռն քննարկումներից հետո ՀԱԿ-ը որոշել է չմասնակցել արտահերթ ընտրություններին

Հայաստանի մի մասում անձրեւ, մյուսում՝ ձյուն է սպասվում. ԱԻՆ-ը հորդորում է անցնել ձմեռային անվադողերի

Գալուստ Սահակյանին փոխարինելու է Նաիրա Կարապետյանը

Պարգեւատրվել են լավագույն պարտադիր ժամկետային զինծառայողների ուսուցիչները

Դատախազությունն ուսումնասիրում է Հակոբ Հակոբյանի հայտարարությունը՝ կեղծ դեղեր գնվելու մասին

Հիմա էլ որպես ընդդիմություն են ստում. վերջին վարիանտ՝ Սերժ Սարգսյանը չէր հրաժարվի նաեւ ժողովրդի դեմ չերյոմուխա կիրառել

Քաղաքապետը Միջազգային պարալիմպիկ կոմիտեի նախագահի հետ հանդիպմանը կարևորել է պարասպորտի զարգացումը

Քրեական հեղինակություն Շալիկոյի սպանությունը նախապատրաստելու համար մարզիկին մեղադրանք է առաջադրվել

Ամփոփվել են ՎՏԲ-Հայաստան Բանկի #երբշահումես  մարքեթինգային արշավի արդյունքները

Աննա Հակոբյանը Մոսկվայում է. հանդիպումների ժամանակ ներկայացրել է իր ծավալած գործունեությունը

Վարչապետի խորհրդականը՝ ռեյտինգային թեկնածու

Ազգային ժողովի արձակումից հետո նոյեմբերի 11-ին տեղի կունենա առաջին լիագումար նիստը