Միայնակ տարեց կինն իրականում խեղդվել ու սպանվել է, այլ ոչ հանկարծամահ եղել

ՀՀ քննչական կոմիտեի Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում քննվող քրեական գործով ձեռնարկված անհրաժեշտ միջոցառումների արդյունքում պարզվել է,  որ 70-ամյա կինը մահացել է ոչ թե սիրտ-թոքային անբավարարության հետևանքով, այլ դարձել է բռնության զոհ։

ՀՀ ՔԿ լրատվական ծառայության փոխանցմամբ, 2018թ. հունվարի 15-ին` ժամը 01:40-ին, «Շտապբուժօգնություն» ՓԲԸ-ից հաղորդում է ստացվել առ այն, որ Երևան քաղաքի Սարյան փողոցի բնակարաններից մեկում հայտնաբերվել է բնակչուհու դին:  Պարզվել է, որ տուժողը բնակվել է միայնակ։ Դուստրը նյութերի նախապատրաստման փուլում հայտնել է, որ մոր բնակարան գնացել է հունվարի 14-ի ուշ երեկոյան, որի  դուռը գտնվել է ոչ կողպված վիճակում։ Դեպքից  հետո բնակարանում ուսումնասիրություններ կատարելու ընթացքում  հայտնաբերել է, որ բացակայում են ոսկյա և արծաթե զարդեր, ինչպես նաև` արծաթե իրեր:

Դեպքի առթիվ նյութերի նախապատրաստման ընթացքում վարույթն իրականացնող մարմինն ստացել է կնոջ մահվան վկայականի պատճենը, համաձայն որի` նրա մահը վրա է հասել սիրտ-թոքային անբավարարությունից:

ՀՀ ՔԿ Երևան քաղաքի ՔՎ Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ կնոջ բնակարանից գողություն կատարելու դեպքի առթիվ՝ ՀՀ քրեական օրենսգրքի 177-րդ հոդվածի 3-րդ մասի 1.1 կետով։ Մշակվել է քննչական պլան և ձեռնարկվել  անհրաժեշտ քննչական և դատավարական այլ գործողություններ՝ կատարված գողությունը բացահայտելու ուղղությամբ։ Բացի այդ, նշանակվել է դիակի դատաբժշկական փորձաքննություն՝ կնոջ մահվան բոլոր հանգամանքները պարզելու համար:

Նախաքննության ընթացքում ստացվել է նշանակված դատաբժշկական փորձաքննության եզրակացությունը, ըստ որի՝ հայտնաբերվել են բռնության հետքեր։ Մասնավորապես՝ թիվ 0078 փորձաքննության եզրակացության համաձայն՝ տուժողի մոտ հայտնաբերվել են  ենթալեզվային ոսկրի հարակից փափուկ հյուսվածքների ու վահանագեղձի բազմաթիվ մանր ու թարմ արյունազեղումներ, ձախից 2-3-4-րդ և աջից 2-3-րդ կողոսկրերի միջին անրակային գծով անուղղակի կոտրվածքներ, որոնք պատճառվել են կենդանության օրոք՝ մահվանից մոտ մինչև 2 ժամ առաջ, բութ առարկայի /ների/ ներգործությամբ, որոնք ուղեկցվել են սուր շնչական անբավարարությամբ։ Ըստ փորձագետների՝ նշված վնասվածքները պարունակում են առողջությանը պատճառված ծանր վնասի հատկանիշներ, որոնք հանգեցրել են մահվան:

Հաշվի առնելով, որ քրեական գործի նախաքննության ընթացքում հայտնաբերվել են կնոջը կյանքից դիտավորությամբ ապօրինաբար զրկելու առերևույթ հանցագործության հատկանիշներ՝ ՀՀ ՔԿ ԵՔՔՎ Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով և որոշում է կայացվել՝ երկու քրեական գործերը մեկ վարույթում միացնելու մասին:

Քրեական գործով ձեռնարկվում են մեծածավալ քննչական և օպերատիվ-որոնողական համալիր միջոցառումներ՝ տարեց կնոջ սպանությունը բացահայտելու ուղղությամբ։

Տպել
1226 դիտում

ԵՊՀ ՈՒԽ կանոնադրությունն արդեն ԿԳՆ-ում է, սպասում են հաստատմանը

ԱԺ աշխատակազմում թափ են առել հակաօրինական գործողությունները, որոնք քողարկվում են. ԱԺ աշխատակից

Տորոնտոյի հայկական եկեղեցին կարող է օտարվել, շինությունը վտանգի տակ է. դրամահավաք է մեկնարկել

Լիխտենշտեյնի միակ հայկական ընտանիքը՝ Հայաստանի հավաքականի մարզմանը

«Թումո»-ի եւ ֆրանսիական INCO-ի միջեւ ստորագրվել է համաձայնության հուշագիր (լուսանկարներ)

Հարեւանները Սամվել Բալասանյանին թարս ու շիտակ են նայել

2 տղամարդ «Հաղթանակ» կամրջի եզրագիծն անցել են և սպառնում են ինքնասպան լինել, պահանջում են Ն. Փաշինյանին

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ