Հույներով բնակեցված գյուղում հույն չի մնացել (լուսանկարներ)

Դեռեւս 20 տարի առաջ ազգությամբ հույն 800 բնակիչ ունեցող Մադանը հիմա անգամ 100 բնակիչ չունի, հույներ էլ գրեթե չեն մնացել, ով հեռացել է գյուղից, ով էլ Մադանում իր մահկանացուն կնքել: Կոտանով ամուսիններից բացի, մեկ էլ մի միայնակ հույն է բնակվում Մադանում: Օրեր առաջ էլ մեկ այլ տարեց հույն կնոջ են հողին հանձնել, այսպիսով՝ կրճատելով Մադանում ապրող հույների առանց այդ էլ փոքր թվաքանակը: Տարեց ամուսինները, սակայն հայրենի Մադանից չեն հեռանում: Ասում են՝ մեր հայրենիքն այստեղ՝ Մադանում է. «Այստեղ մեզ բոլորը ջան են ասում, ոչ ոք մեզ չի ասել՝ գնա քո Հունաստանը, նման բան երբեք չի եղել»,-Armtimes.com-ի հետ զրույցում ասաց Մադանի բնակիչ, ազգությամբ հույն Ֆիլա Կոտանովը:

Կոտանովները երկու երեխա ունեն, աղջիկը Հունաստանում է, տղան՝ Գերմանիայում: Երեխաների կարոտին ու թոռներին տեսնելու ցանկությանը չդիմանալով, մի փոքր էլ Մադանում ապրելու դժվարություններից ճնշվելով 2006թ.-ին Կոտանով ամուսինները որոշել ու տեղափոխվել են Հունաստան: 6 տարի այնտեղ բնակվելուց հետո, կրկին վերադարձել են Հայաստան՝ երբեք հետ չգնալու մտադրությամբ. «Քյուլաթով գնացինք Հունաստան, մեզ համարյա թե դուս էին անում, ո՛չ աշխատանք կար, ո՛չ բան… ասին մեծատառ «Ս»-ն վերցրեք ու գնացեք ընդեղ, որտեղից եկել եք…»,- ասաց պարոն Ֆիլան:

Թամարա Կոտանովայի խոսքով՝ Մադանում եւս խնդիրներ կան, ապրելը դժվար է, ինչի պատճառով էլ շատերն էլ հենց Մադանից են հեռացել՝ թողնելով բնակարաններն ու ներսում եղած ամեն ինչը: Հարեւան չունեն, ում հետ գոնե կարողանան կիսել իրենց միօրինակ օրերը, տները դատարկ են ու կիսավեր, այնինչ, ժամանակին տարածաշրջանի ամենաբանուկ թաղամասն է եղել Մադանը: Հիմա Մադանում ո՛չ խանութ կա, ո՛չ բուժկետ, ո՛չ էլ գոնե դեղատուն, որ առաջին անհրաժեշտության իրեր գնեն: Ամեն ամիս՝ թոշակը ստանալուն պես, մադանցիները տաքսի են վարձում, գնում գրեթե մեկ ամսվա առեւտուրն անում ու վերադառնում գյուղ: Այդ մասին վկայում է նաեւ վարորդ Յաշա Վարդումյանը, որն իր մեքենան մեկ անգամ չէ, որ ջարդել է Մադանի քարուքանդ ճանապարհներին:

Առկա դժվարություններին դիմանալ ազգությամբ հույն բնակիչներին օգնում են Մադանի մասին երբեմնի հիշողություններն ու իրենց հարազատ-բարեկամների նկարները, որոնցով թեթեւացնում են հոգու վրա ծանրացած կարոտը:

Հույներով երբեմնի հարուստ հայկական գյուղում տարիներ անց հույները կդառնան հիշողություն, քանի որ գյուղում ներկայումս մի քանի հույն է մնացել՝ միայն տարեցներ:

Տպել
1494 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին