Բազմաբնակարան շենքը ենթակա է քանդման, բայց ներսում դեռ մարդիկ են ապրում (լուսանկարներ)

Լոռու մարզի Թումանյան քաղաքի երրորդ փողոցի իններորդ բազմաբնակարան շենքը չորրորդ կարգի վթարայնություն ունի: Շենքը վթարային է դարձել 88-ի երկրաշարժից հետո, այնուհետ արդեն, տարիների ընթացքում խարխլված պատերն իրարից բավականաչափ հեռացել են: Մասնագետների կողմից արված եզրակացություններով` շենքը ճանաչվել է քանդման ենթակա` ստանալով վթարայնության 4-րդ աստիճան: Շենքի չորս բնակիչներից երկուսը տեղափոխվել են քանդման ենթակա շենքից: Անտոնյանների ընտանիքը, որն այդպես էլ գնալու տեղ չի գտել այս տարիներին, մնացել է վթարային շենքում: Անտոնյանները տան ճաշասենյակը, խոհանոցն ու սանհանգույցները կողպել են` երեխաների մուտքն արգելելու համար, ընտանիքը տեղավորվել է մեկ սենյակում, որտեղ քիչ թե շատ ավելի անվտանգ է. «Ամեն օր քարեր են թափվում, էն օրն էլ ներսից մի մեծ քար ընկավ… փլվելու վտանգը մեծ է, ահավոր է»,- մեզ հետ զրույցում հայտնեց շենքի բնակիչ Ջեմմա Անտոնյանը:

Շենքին կից ինքնաշեն կառույցն է՛լ ավելի է վատթարացրել շենքի վիճակը: Անզեն աչքով նկատելի է, թե որքան է խոհանոցի մասի թեքությունը: Տան բոլոր սենյակներում հսկայական ճեղքեր են առաջացել, որոնք ամեն թույլ երկրաշարժից հետո ավելանում են: Չորրորդ կարգի վթարային շենքի խնդրին տեղյակ են նաեւ ԱԻՆ-ում, մասնագետները եկել են, ուսումնասիրել ու եզրակացրել, որ շենքը միանշանակ պետք է քանդել, քանի որ հիմքից արդեն անպիտան է դարձել:

Թումանյանի քաղաքապետի տեղակալ Երվանդ Շաքարյանի խոսքով՝ քաղաքապետարանում տեղյակ են ու անհանգստացած, սակայն ոչինչ ձեռնարկել չեն կարող. «Համայնքը չունի ֆինանսական բավարար միջոցներ, որ տրամադրի, ճաքերը գնալով լայնանում են, բազմաբնակարան շենքն ուսումնասիրվել է, կա քանդման վերաբերյալ համապատասխան ակտ, բայց համայնքը չունի բավարար ֆինանսական միջոցներ, որ կամ նորոգենք ու ամրացնենք, կամ էլ ընտանիքներին բնակարանով ապահովենք»,- ասաց Երվանդ Շաքարյանը՝ հավելելով, որ շենքը վերջին անգամ ուսումնասիրվել ու գնահատվել է 4 տարի առաջ: Դրանից հետո շենքի ճեղքերը, բնականաբար, ավելացել են, իսկ շենքում բնակվելն առավել վտանգավոր է դարձել:

Տպել
539 դիտում

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ