Ընդամենը 2 մարզումով Արամեն դարձավ բասկետբոլային հանդիպման լավագույն խաղացող

Երգիչ Արամեն բարձր տրամադրություն ուներ «Աստղերի հանդիպում» խորագրով բասկետբոլային երեկոյի ընթացքում: Երեկ՝ ապրիլի 11-ին, «Միկա» մարզահամալիրում կայացած միջոցառումը բաղկացած էր 3 մասից: Առաջինում միմյանց դեմ մրցում էին «Հայտնիների» ու «Անհայտների» թիմերը: Արամեն Մկրտիչ Արզումանյանի, ՀՀ Սպորտի եւ երիտասարդության նախարարի պաշտոնակատար Հրաչյա Ռոստոմյանի եւ ճանաչված այլ անձանց հետ ընդգրկված էր «Հայտնիների» կազմում: Նրա թիմը հաղթեց պատանի հայ բասկետբոլիսներից կազմված «Անհայտներին» (46:40): «Հայկական ժամանակ»-ի հետ զրույցում նա խոստովանեց, որ այնքան էլ հեշտ չէր խաղալ:

«Զբաղվել եմ պատանեկան տարիներին՝ շատ վաղուց, բայց հիմա մի քիչ ծանրացել եմ: Սպորտով զբաղվում եմ, մարզվում եմ, բայց սա ուրիշ է, սա ուրիշ էներգիա է պահանջում, եւ, երբ այսքան մարդ էլ հետեւում է, մի փոքր խառնվում ես իրար, այն գնդակները, որոնք մարզումների ժամանակ վստահ նետում էիր, այստեղ այնքան էլ չեն ստացվում»,- ասաց նա:

Ծանրաբեռնվածության պատճառով Արամեն ընդամենը 2 մարզման էր հասցրել մասնակցել, սակայն կարողացավ իրեն բավական լավ դրսեւորել: Վաստակեց 17 միավոր ու ճանաչվեց հանդիպման լավագույն բասկետբոլիստ: Ընդգծում է, որ միջոցառումը շատ կարեւոր է, ու ուրախ է, որ կարողացել է իր մասնակցություն ունենալ:

«Ես կողմնակից եմ առողջ ապրելակերպի հետ կապված ցանկացած նախաձեռնության: Ցավոք սրտի, ոչ բոլորին եմ կարողանում մասնակցել, բայց այս անգամ ստացվեց»,- ասաց նա:

Արամեն վստահ չէ, որ հետագայում բասկետբոլ խաղալու ժամանակ կունենա: Հայաստանի առաջնությանը՝ Ա լիգային, ու հավաքականի հանդիպումներին էլ չի հետեւում, բայց ուրախ է, որ այս մարզաձեւը Հայաստանում զարգանում է:

«Միգուցե ժամանակ առ ժամանակ կարողանամ խաղալ, բայց այդքան էներգիա չունեմ: Իմ հիմնական աշխատանքը շատ էներգիա է պահանջում: Սա իմ սիրելի մարզաձեւերից է, բայց չեմ հետեւում: Ֆուտբոլին էլ չեմ հետեւում: Հիմա ավելի շատ հետեւում եմ հարվածային մարզաձեւերին, բայց այս մարզաձեւն ինձ համար միանշանակ ողջունելի է, մանավանդ, որ Հայաստանում մեծ պոտենցիալ կա»,- ասաց նա՝ ավելացնելով, որ ամեն ինչ կանի հայկական բասկետբոլին ավելի լավ հետեւելու համար:

Արամեն պահեստայինների նստարանին հանգստանալիս

Օրերս կայացավ Արամեի՝ «Ты лучшая» երգի տեսահոլովակի պրեմիերան: Դրանում նա նկարահանվել էր կնոջ՝ Աննա Թովմասյանի հետ: Նշում է, որ աշխատանքն իր լսարանի կողմից ջերմ է ընդունվել, բազմաթիվ ոգեւորիչ նամակներ է ստանում:

«Փառք Աստծո, արձագանքները շատ լավն են: Ես շատ ուրախ եմ թե՛ դիտումների, թե՛ մարդկանց արձագանքների առումով: Անչափ երջանիկ եմ, որ աշխատանքը սիրվել է»,- ասաց նա:

Երգիչն այս շրջանում աշխատում է նոր երգի վրա: Այն իր լսարանին կներկայացնի շուտով: Առայժմ չի ցանկանում բացահայտել՝ ինչ ստեղծագործություն է պատրաստում:

Լուսանկարները՝ «Հայկական ժամանակ»-ի

Տպել
1162 դիտում

ԱՄՆ-ն կարող է արտաքսել Ֆեթուլլահ Գյուլենին

«Մանկական եվրատեսիլի» ՀՀ մասնակիցն ուզում է Եվրոպային ցույց տալ՝ ինչ տաղանդավոր են հայերը

Փաշինյանը զինվորականներին պարգեւատրել է նույն հայկական արտադրության ժամացույցներով, որոնցից ինքն է կրում

Ալիեւը մեկնում է Մինսկ. հնարավո՞ր է ռազմական նոր գործարք

Թուրքիան ձեռք է բերում С-400 ՀՕՊ համակարգեր. ԱՄՆ շարունակում է արգելափակել F-35–երի ծրագիրը

Նախարարները կգան ու կգնան, բայց ոլորտի շարժիչ ուժը՝ դուք կմնաք. Թանդիլյանը հրաժեշտ տվեց աշխատակազմին

Ընտրությունները կարեւոր են. Հայաստանի ժողովուրդը վերաձեւում է իր ապագան. ՄԱԿ-ի հատուկ զեկուցող

Կարեն Սարուխանյանը գյումրեցի դպրոցականներին արձակուրդ է տվել. թիվ 18 դպրոցում դասեր չեն լինի

Փաստաբանը միջնորդություն է ներկայացրել դատախազին՝ Մայրապետյանին անձնական երաշխավորություններով ազատ արձակելու մասին

Դավիթ Խաժակյանը կղեկավարի «Լուսավոր Հայաստան»-ի շտաբը

Վարդենյանց եւ Ճամբարակի լեռնանցքներում խիտ մառախուղ է

ՀՀԿ-ն պնդում է՝ Փաշինյանը մարտի 1-ին անկարգություններ է հրահրել, այնինչ, այդ մասին խոսք չկա անգամ մեղադրանքում

Հրաչյա Հարությունյանը (Կրակեմ Հրաչ) 26 մլն դրամ եւ 50 հազար դոլար ունի

Ազատ առեւտուր եւ ինտեգրացիա. Մհեր Գրիգորյանն ընդունել է ԵԱՏՀ նախարար Վերոնիկա Նիկիշինային

Շինարարության թույլտվություն՝ առավելագույնը 15 օրում. ինչպե՞ս կառուցել Երեւանում

Գրոհային մարտավարական խմբեր. Փաշինյանը հետևել մարտավարական զորավարժությանը

Ucom-ի և IE բիզնես դպրոցի նախաձեռնությամբ կայացավ Big Data-ին վերաբերող միջոցառումը

Փարիզյան ֆորումը եւ Հայաստանի դիվանագիտության հերթական քայլը

Վեհափառը դա Աստծուց է. Շարմազանովը՝ Գարեգին Բ-ի մասին

Ինչու Արգամ Աբրահամյանը չի առաջադրվել. պարզաբանում են ԲՀԿ-ից