Գվերդցիթելիի կարծիքով՝ քաղաքական իրադարձություններն անդրադարձել են մշակութային կյանքի վրա

Հայաստանում է Ռուսաստանի եւ Վրաստանի ժողովրդական արտիստ, երգչուհի, երգահան եւ դերասանուհի Թամարա Գվերդցիթելին: Այսօր Թամարա Գվերդցիթելին Արամ Խաչատրյան համերգասրահում հանդես կգա «Վերադարձ» խորագրով յուրօրինակ մենահամերգով:

Լրագրողների հետ հանդիպման ժամանակ երգչուհին իր խոսքը սկսեց Հայաստանի եւ Երեւանի մշակութային յուրահատկությունների մասին խոսելով, ընդգծեց, որ երջանիկ է Երեւանում գտնվել եւ այսօրվա համերգը պարզապես համերգ չէ, այլեւ մեծ պատասխանատվություն, եւ որ ինքն անչափ հուզված է եւ լարված սպասում է հանդիսատեսին: Թամարա Գվերդցիթելին Հայաստանը մշակութային երկիր է համարում, իսկ Երեւանը՝ հնագույն երաժշտական կենտրոններից մեկը: Մեզ հետ զրույցում վերջինս ընդգծեց, որ մեր քաղաքն իր մեջ տարբեր դրական էմոցիաներ է առաջացնում եւ ներշնչանքի աղբյուր է:

Ռուսաստանի եւ հետխորհրդային երկրների համար երգչուհին իր այցեքարտն է համարում «Մոր աչքեր» եւ «Վրաստան» երգը, որը նա գրել է 18 տարեկան հասակում: «Այդ տարիքում բոլոր զգացողություններս ու ապրումներս արտահայտվում էին այդ երաժշտության միջոցով, սերը հայրենիքիս հանդեպ, սերը կյանքի նկատմամբ, մի խոսքով այն ամենը, ինչը կարող էր զգալ 18-ամյա աղջնակը»,-ասաց Թամարա Գվերդցիթելին:

Չնայած նրան, որ երգչուհին երգում է տարբեր լեզուներով (ավելի քան տասը լեզուներով՝ վրացերեն, ռուսերեն, ֆրանսերեն, իտալերեն, իսպաներեն, անգլերեն, ուկրաիներեն, հայերեն, գերմաներեն եւ այլն), այնուամենայնիվ, նա ունի իր համար նախընտրելի լեզուներ. «Առաջնայինն ինձ համար իմ մայրենի լեզուն է՝ վրացերենը, սակայն իմ ընտանիքում խոսում են երկու լեզվով՝ վրացերենով եւ ռուսերենով, սակայն պետք է նշեմ, որ ռուսերենը եւ ֆրանսերենը ինձ համար յուրահատուկ լեզուներ են, սիրո լեզուներ են»,- ասաց նա:

Երգչուհին նշեց, որ հետխորհրդային այն երկրները, որտեղ ինքը լինում է համերգներով՝ զարմանալի մի բան է նկատում, ըստ Թամար Գվերդցիթելիի՝ յուրահատուկ մոտեցում եւ հետաքրքրվածություն կա էթնիկ երաժշտության նկատմամբ, ինչն ուրախալի է: «ՀԺ»-ի այն հարցին, թե ինչպես է գնահատում հայ վրացական հարաբերությունները մշակութային տեսանկյունից, երգչուհին նշեց, որ պասիվություն է նկատում. «Պատասխանատու մարդիկ պետք է քայլեր իրականացնեն այդ ուղղությամբ»:

Խոսելով անկախության 25-ամյակի տարիների, ներկայիս ակտիվության եւ հանդիսատեսի վերաբերմունքի մասին, Թամարա Գվերդցիթելին ասաց, որ հնարավոր չէր, որ քաղաքական մի շարք իրադարձությունները չանդրադառնային մշակույթի տարածման, հարեւան երկրներում հանրահռչակման վրա: Համեմատելով Խորհրդային տարիներին երկու հարեւան երկրների մշակութային համագործակցությունն ու ներկայինը՝ ասաց. «Այս 25 տարիներին շատ բան է փոխվել, ամեն երկրում արդեն կա իր հստակ հանդիսատեսը, իր ուրույն պատկերացումները էստրադայի եւ առհասարակ այն ամենի վերաբերյալ, ինչը մշակութային է»:

Չբացառեց, որ մեծ ազդեցություն է թողնում երկրի վարած քաղաքականությունը: «Կան փոփոխություններ, որոնք միշտ չէ, որ դրական արդյունք են ունենում, սակայն պետք է կարողանանք նմանատիպ համերգների եւ միջոցառումների միջոցով նպաստել մեր մշակույթների զարգացմանն ու բարեկամական կապի ամրապնդմանը»,- ասաց նա:

Թամարա Գվերդցիթելին հույս հայտնեց, որ ներկայիս երիտասարդությունը, օրինակ կվերցնի հարեւան երկրների լավագույն կատարողներից եւ կհամադրի ժամանակակից երաժշտության հետ՝ արդյունքում կունենաք բոլորովին նոր եւ անհատականություն ունեցող կերպարներ, ինչը եւ ամենակարեւորն է արտիստի համար:

Թամարա Գվերդցիթելիի հզոր ձայնը, ինչպես նաեւ երգացանկը (վրացական, ռուսական, հայկական, ֆրանսիական եւ այլն) ընդունվել եւ սիրվել է հայ հանդիսատեսի կողմից: Երգչուհին հատուկ կարեւորություն է տալիս հենց համերգային գործունեությանը: Նրա համերգները միշտ առանձնանում են իմպրովիզացիոն հնարքներով: Այսօր էլ նա խոստացավ, որ կլինեն մեծ անակնկալներ եւ իմպրովիզացիոն հնարքներ:

 Աղունիկ Հովհաննիսյան

Տպել
981 դիտում

Նախագահի նստավայրը Մաշտոցի 47 հասցեից տեղափոխվելու է Բաղրամյան 26. ԱԺ-ն քվեարկեց

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250-ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները

Շերեմետեվո օդանավակայանի թռիչքուղում ինքնաթիռը ոչ թե կենդանու, այլ մարդու է հարվածել՝ ՀՀ քաղաքացու

ԿԸՀ-ն հրապարակել է ընտրողների թիվը մարզերում ու Երևանում. մարզերից ամենաշատ ընտրողները Կոտայքում են

Անցկացվել են հայ-գերմանական երկկողմ ռազմաքաղաքական խորհրդակցություններ

ԲՀԿ-ն արտահերթ ընտություններին կմասնակցի 169 թեկնածուով, 7 հոգին ինքնաբացարկ է հայտնել

Փաշինյանը իրականացրել է նախընտրական քարոզչություն` աշխատանքային ժամին. ՀՀԿ շտաբ

Վթար Կիևյան և Մոնթե Մելքոնյան փողոցների խաչմերուկում, բախվել է 5 մեքենա. կան տուժածներ