Սերժ Սարգսյանը պատրաստ է ամեն ինչի իշխանությունը պահպանելու համար. Liberation

«Սերժ Սարգսյանը պատրաստ է ամեն ինչի իշխանությունը պահպանելու համար», - երևանյան իրադարձություններին նվիրված հոդվածն այսպես է վերնագրել ֆրանսիական ամենաազդեցիկ պարբերականներից մեկը` Liberation-ը:

«Սպառելով նախագահական ժամկետների թույլատրելի առավելագույն քանակը` Սերժ Սարգսյանը նախատեսեց ամեն ինչ, որպեսզի շարունակի մնալ երկրի ղեկավարի պաշտոնում», - գրում է ֆրանսիական պարբերականը:

«Սցենարը նախապես էր գծված: Նախագահը իր հաջորդի դերում ինքն իրեն էր ցանկանում տեսնել, բայց քանի որ այլևս չէր կարող առաջադրվել [նախագահի պաշտոնում], 2015-ին սահմանադրական բարեփոխումների հարցով հանրաքվե կազմակերպեց` նախագահական կառավարման համակարգը վերափոխելով խորհրդարանականի», - Liberation-ի թղթակցի հետ զրույցում նշում է Ֆրանսիայի հայկական կազմակերպությունների համակարգող խորհրդի համանախագահ Արա Թորանյանը:

«Հայաստանի քաղաքացիները հոգնել են միանձնյա իշխանությունից», - գրում է շվեյցարական Neue Zürcher Zeitung թերթը: Շվեյցարիայի ամենաազդեցիկ գերմանալեզու պարբերականի հոդվածագիր Մարկուս Ակերետը գրում է․ - «Իշխանության բուրգի գագաթում տեղի ունեցած փոխատեղումը ևս մեկ անգամ վկայեց, թե որքան անհաղորդ է Հայաստանի քաղաքական վերնախավը հանրային տրամադրություններին: 2015-ին իրականացված սահմանադրական փոփոխությունները Սարգսյանը մատուցում էր որպես կառավարության հանդեպ ժողովրդավարական վերահսկողության մեխանիզմների ամրապնդմանն ուղղված քայլ, ինչն իր հերթին ավելի աշխույժ քաղաքական միջավայր էր ենթադրում: Եթե Սարգսյանը չտիրանար երկրի թիվ մեկ պաշտոնին՝ խաչ քաշելով իր իսկ ներկայացրած փաստարկների վրա, խորհրդարանական համակարգը գուցեև հանգեցներ բազմակարծությանը զարգացմանը», - արձանագրում է Neue Zürcher Zeitung-ի մեկնաբանը` հանգելով բավական տխուր եզրահանգման. - «Ստեղծված իրավիճակում հայաստանյան քաղաքական կյանքը, ըստ ամենայնի, շարունակելու է ընթանալ հին ձևով»:

Հայաստանյան իրադարձություններին անդրադառնում է նաև խոշորագույն համաարաբական լրատվամիջոցներից մեկը` Կատարում գործող «Ալ-Ջազիրա»-ն: Հեռուստաընկերության անգլալեզու կայքը մանրամասնորեն ներկայացնում է Սերժ Սարգսյանի` վարչապետի պաշտոնում ընտրությունն ու դրա դեմ ծավալված բողոքի ակցիաները, մեջբերելով երևանյան EVN Report կայքի խմբագիր Մարիա Թիթիզյանի խոսքերը․ - «Սերժ Սարգսյանի ընտրությունը վարչապետի պաշտոնում նշանակում է, որ նա փաստորեն երրորդ անգամ զբաղեցրեց պետության ղեկավարի պաշտոնը»:

Տպել
2260 դիտում

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը

Արագած գյուղում օտարերկրացիներ են մոլորվել

ՀԱՊԿ-ն Հայաստանից որևէ դիմում չի ստացվել. Միացյալ շտաբի պետը՝ հայ-ադրբեջանական սահմանի լարվածության մասին

Խաղաղ շարժումը մի նոր դարաշրջան բացեց Հայաստանում. Դոնալդ Թրամփի շնորհավորական ուղերձը

Սա առիթ է հիշել մեր երկրների միջև սերտ պատմական կապերը. Էլիզաբեթ 2-րդ թագուհին շնորհավորել է անկախության տոնի առթիվ

«Արսենալը» սկսում է պայքարը Եվրոպա լիգայում. Մխիթարյանը մեկնարկային կազմում է

Պետք է բացահայտվի Ռոբերտ Քոչարյանի մեղսակցությունը. Պողոս Պողոսյանի հարազատները դիմել են ԱԱԾ-ին և դատախազությանը

Անցել է 3 օր, սակայն խուզարկությունների հիմնավորումներ չկան. լրագրողական կազմակերպությունների հայտարարությունը

ՀՀ ոստիկանության պետի ուղերձը Երևանի ավագանու ընտրությունների առթիվ