Իմ կյանքը դրված է ՀՀ-ի ազատության համար մղվող պայքարի զոհասեղանին. Փաշինյան. թարմացվող

19:05- Արմեն Սարգսյանն ինչ-որ բան է խոսում Նիկոլ աշինյանի հետ:

19:03- Արմեն Սարգսյանն արձագանքեց Նիկոլ աշինյանի հրավերին եւ եկավ Հանրապետության հրապարակ:

18:31- Արմեն Գրիգորյանին մեղադրանք է առաջադրվել զանգվածային անկարգություններ կազմակերպելու մասին:

«Դա զավեշտալի մեղադրանք է»,- ասաց Նիկոլ Փաշինյանը՝ ավելացնելով, որ պահանջում է ազատ արձակել Արմեն Գրիգորյանին:

18:29- «Քիչ առաջ Արմեն Սարգսյանը հայտարարություն է տարածել եւ ասել, որ ներքաղաքական իրավիճակի հետ կապված պատրաստ է հանդիպել ինձ, ես 19:00-ին Արմեն Սարգսյանին սպասում եմ Հանրապետության հրապարակում, եթե նա հանունճգնաժամի հաղթահարման պատրաստ է ինձ հանդիպպել, ես այս ժողովրդի ներկայությամբ նրան կընդունեմ, եւ մենք կխոսենք»,- ասաց Նիկոլ Փաշինյան:

18:27- Կռավարության շենքն այս պահին:

18:26- Արագածոտնի մարզից բնակիչները եկել են Երեւան՝ մասնակցելու հանրահավաքին:

17:59- «Մեր գործողությունները լիազորված ենժողովրդի կողմից: Սերժ Սարգսյանը պետք է հեռանա»,- ասաց Նիկոլ Փաշինյանը ոստիկաններին:

Հանրապետությա հրապարակում նա ոստիկաններին ասաց, որ եթե իրեն բերման ենթարկելու ապօրինի հրաման լինի, չենթարկվեն: Նա նաեւ հորդորեց ոստիկաններին հեռանալ մարդկանց միջից, եւ նրանք գնացի այլ վայր:

17:56- Լարված իրավիճակ է Տափերականում: Բազմաթիվ քաղաքացիներըճանապարհին են:

17:37- Նիկոլ Փաշինյանի գլխավորությամբ երթը Հանրապետության հրապարակում է:

16:53- Առաքել Մովսիսյանի մարդիկ բեռնատարի մի վարորդի ուժով հանել են ու տարել ինչ-որ շինություն:

16:52- ՀՀԿ-ական նախկին պատգամավոր Առաքել Մովսիսյանը իր մարդկանց հրամայում է բեռնատարներով փակել Էջմիածին-Երեւան հատվածի ճանապարհը: Էջմիածնից բազմաթիվ ցուցարարներ են գալիս ոտքով ու մեքենայով, որպեսզի միանան Նիկոլ Փաշինյանին: Տեղում ոստիկաններ կան, որոնք չեն փորձում բացելլ ճանապարհը, միայն հետեւում են:

16:49- Քիչ առաջ Երեւանի Մաշտոցի պողոտա-Թումանյան հատվածից Սիլվա անունով մի կնոջ բերման ենթարկեցին: Նա մեքենան կանգնեցրել էր ու հրաժարվում էր շարժվել: Ոստիկանները սկսեցին ճոճել մեքենան, հետո նա դուրս եկավ ու քիչ անց ոստիկանները նրան բերման ենթարկեցին: Այդ մեքենայի ողեւորդները նշում էին, որ մեքենայում, որը ոստիկանները ճոճում էին, հղի կին կար:

16:44- ԱԺ նախկին պատգամավոր Առաքել Մովսիսյանի հորդորով նրա մարդիկ բեռնատարներով փակում են ճանապարհը: Ոստիկանները դա տեսնում են ու ոչինչ չեն անում: Մյուս կողմից մեծ երթ է գալիս, որն ուղղվում է դեպի Երեւան՝ միանալու ԱԺ պատգամավոր Նիկոլ Փաշինյանին:

16:25- Մաշտոցի պողոտայ-Թումանյան հատվածում լարված վիճակում է: Քաղաքցու բերման ենթարկեցին:

15:34- Մաշտոցի պողոտա-Պուշկին հատվածում վահաններով զինված ոստիկաններ եկան:

15:31- Մաշտոցի պողոտա-Պուշկին հատվածում բազմաթիվ քաղաքացիներ հետիոտնի կանաչ լույսի ժամանակ դանդաղ անցնում են փողոցը՝փակելով ճանապարհը: Երբ վառվում է կարմիր լույսը, մեքենաները հավանաբար դիտավորյալ դանդաղ են վարում մեքենաները՝ նույնպեսխոչընդոտելով երթեւեկությունը:

15:26- Մյասնիկյան պողոտան կաթվածահար է:

15:08- Մաշտոցի պողոտա-Պուշկին խաչմերուկի հատվածում լարված իրավիճակ է: Մարդիկ պարբերաբար փակում են ճանապարհը:

14:50- Արտաշատում քաղաքացիական հագուստով անձիք ոստիկանի ներկայությամբ հարվածեցին ազատության լրագրողին:

14:44- Արարտում էվակուացրեցին մեքենան, որի մեջ Նոր կյանքի գյուղապետն էր:

14:43- Էջմիածնից մի քանի հազար մարդ ու հարյուրավոր մեքենաներով՝ ազդանշաններով շարժվում են դեպի Երեւան:

14:34- Արտաշատում ոստիկաններն ավտոերթը կանգնեցրել են: Լրված իրավիճակ է: Ոստիկանները փորձում են էվակուացնել մեքենաներից մեկը: Մեքենայում Նոր կյանքի գյուղապետն է:

14:19- Երեւանում բազմաթիվ ցուցարարներ Ֆրանսիայի հրապարակում են: Ոստիկանները նստեցին իրենց ավտոբուսներ:

14:09- Արտաշատում առանց պետհամարանիշի մի մեքենայից եկրաթյա իրեր են նետել այ մեքենայի վրա, որի մեջ եղել է Նոր կյանքի գյուղապետ Գարի Սարգսյանը, այլ բնակիչների հետ ավտոերթ էր իրականացնում դեպի Երեւան: Գա տեղի է ունեցելոստիկանների ներկայությամբ: Ոստիկանները կանգնեցրել են երթը:

Տեղում կան նաեւ որոշ քաղաքացիներ, որոնք պաշտպանում են Սերժ Սագրսյանին:

13:52- Փողոցներից մեկում կարմիրբերետավորները հարվածոմ էին մեքենային, մեջից հանեցին քաղաքացուն ու բերման ենթարկեցին:

13:16- Երթը շարունակվում է Վազգեն Սարգսյան փողոցով:

13:44- Մալաթիա տոնավաճառից սկսված երթը հասավ Հանրապետության հրապարակ:

13:38- Երեւանում Մալաթիա տոնավաճառից սկսված երթը հասնում է Հանրապետության հրապարակ:

13:17- Նիկոլ Փաշինյանը հայտարարեց, որ դիմում է Սփյուռքի ավանդական կուսակցություններին, որպեսզի Սերժ Սարգսյանին բացատրեն՝ անի այդ բանը: Նա միաժամանակ նշել է, որ մտավախություն չունի իր եւ ընտանիքի անդամների անվտանգության համար:

«Ես եւ իմ ընտանիքը եղել ենք հանուն Հայաստանի ազատության եւ օրինականության համար մղվող պայքարի մեջ: 10 տարի առաջ եմ հայտարարել, որ իմ կյանքը դրված է հանուն Հայաստանի ազատության մղվող պայքարի զոհասեղանին: Ես ոչ մի մտավախություն չունեմ: Եթե որեւէ մեկը կարծում է, որ կարող է այդ գործոնով կանգնեցնել ինձ, ապա լավ չի ճանաչում ինձ եւ իմ ընտանիքին»,- ասա նա:

13:08- Հարցին, թե Սերժ Սարգսյանի ասած անդառնալի կորուստներ անվան տակ ի՞նչ կա թաքնված, Փաշինյանն ասաց.

«Սերժ Սարգսյանը չի տիրապետում իրավիճակին: Նա չի պատկերացնում, թե ինչ է կատարվում Հայաստանում: Ես ԱԱԾ պետ Կուտոյանին ասում եմ, որ զեկուցի իրավիճակը Սերժ Սարգսյանին: Սերժ Սարգսյանի վերլուծական կենտրոններին եղբայրաբար խնդրում եմ, որ գնան խմբով Սերժ Սարգսյանին զեկուցեն ստեղծված իրավիճակը: Պետք է նրան ասել, որ նա ՀՀ-ում կորցրել է իշխանությունը եւ պետք չէ այդ կորսված իշխանության համար պայքարել՝ վտանգելով ՀՀ-ի եւ Արցախի անվտանգությունը: Սա վերջնագիր չէ, սա քաղաքական պայքար է»,- ասաց Նիկոլ Փաշինյանը:

 13:03- «Եթե Սերժ Սարգսյանը մտավախություն ունի իր ընտանիքի, երեխաների, թոռների անվտանգության հետ կապված, որ որեւէ մեկը կարող է վատ վերաբերմունքի արժանանա, որ Սերժ Սարգսյանի բարեկամն է, ապա ես երաշխավորում եմ, որ նման բան չի լինի»,- ասաց Նիկոլ Փաշինյանը եւ բացառեց, որ Մարտի 1-ը կարող է կրկնվել:

«Ի տարբերություն Մարտի 1-ի այսօր մեզ աջակցում է ամբողջ հայությունը, որը ամեն օր մեծանում է: Ես կոչ եմ անում հանրությանը, որ նամակներով, զանգերով ճնշեն, որ Սերժ Սարգսյանը հրաժարական տա: Ես չեմ հավատում, որ Հայաստանում կա զինվորական կամ ոստիկան, որ կարող է մեր վրա կրակել: Այս իրավիճակը մի համեմատեք որեւէ իրավիճակի հետ: Որեւէ եզր չկա 2008-ի, 2003-ի եւ մյուսների հետ: Այսօր յուրաքանչյուր քաղաքացի պայքարում է իր արժանապատիվ ապագայի համար»,- ասաց նա:

Նիկոլ Փաշինյանը նշեց, որ իշխանության հետ շփվելու համար փակ չէ, բայց մինչեւ այդ պետք է լինի Սերժ Սարգսյանի հրաժարականը:

12:48- Նիկոլ Փաշինյանը խոսելով Սերժ Սարգսյանի երկխոսություն սկսելու մասին, ասաց.

«Պատրաստ ենք քննարկել միայն իր հեռացման պայմանները: Սա երկխոսություն չէ: Ես երեկ ասեցի, որ մենք վենդետաներ չենք ուզում, վրեժխնդրություն չենք ուզում: Մենք ուզում ենք, որ իշխանության փոխանցումը ժողովդին լինի անցնցում»:

Լրագրողի դիտարկմանը, որ Սերժ Սարգսյանն ասում է կարող են անդառնալի կորուստներ լինեն, Փաշինյանն ասաց.

«Ես էլ եմ կարծում, որ կարող են անդառնալի կորուստներ լինել, դրա համար Սերժ Սարգսյանին կոչ եմ անում անհապաղ ընդունել մեր բոլոր պայմանները: Սա ուլտիմատում չէ, սա բխում է իրավիճակից: Իսկ Սերժ Սարգսյանի ասածը ուլտիմատում չէ՞»,- ասաց նա:

12:39- Երթը շարունակվում է: Նիկոլ Փաշինյանը մասնակիցներին կոչ է անում այն իրականացնել համակարգված, առանց ոստիկաններին վիրավորելու: Այս պահին անհնազանդության գործողություններ են տեղի ունենաում Էջմիածնում, Գյումրիում, Արարատում, Վանաձորում: Քիչ առաջ էլ Սերժ Սարգսյանն է կոչ արել անհապաղ երկխոսություն սկսել: Փաշինյանը դեռ չի մեկնաբանել:

12:23- Նիկոլ Փաշինյանն անդրադառնալով իրեն ձեռբակալելու հարցին ասաց.

«Գլխավոր դատախազը պետք է մտնի ԱԺ: Եկեք պատկերացնեք, թե ինչ տեղի կունենա այդ օրը Հայաստանում, դա կլինի հեղափոխության վերջը: Սերժ Սարգսյանը, եթե ուզում է թող փորձի»,- ասաց նա:

Երթն անցնելու է նաեւ ՊՆ-ի մոտով:

Այսօր ժամը 11:00-ից Երեւանի Նոր Նորքից սկսվեցին անհնազանդության գործողություններն ընդդեմ Սերժ Սարգսյանի: Հակաիշխանական խաղաղ գործողությունները շարունակվում էին քաղաքի տարբեր հատվածներում: Աբովյան փողոցում ճանապարհը փակած մեքենային մի խումբ կարմիրբերետավորներ հարվածներ հասցնելով այն մետաղի ջարդոնի վերածեցին:

Ոստիկանությունը փորձում է խոչընդոտել երթը:

«Ես կոչ եմ անում Երևանի մյուս հատվածներում փակել փողոցներ, խաչմերուկներ, որպեսզի Ոստիկանությունը հնարավորություն չունենա ուժերը կենտրոնացնել: Բոլորդ մոտեցեք այստեղ, որպեսզի բերման ենթարկելու հնարավորություն չունենան, թև թևի մտեք»,-հայտարարեց Նիկոլ Փաշինյանը՝ ի պատասխան ոստիկանների գործողությունների:

«Եթե ինձ տանեն, ձերբակալեն, բերման ենթարկեն, ես ՀՀ քաղաքացիներին կոչ եմ անում փակել ճանապարհները, ոստիկանական բոլոր բաժինները, գերատեսչությունները շրջափակել, դուրս գալ զանգվածային բողոքի ցույցերի և գալ ինձ ազատելու»,-ասաց պատգամավորը:

Նոր Նորքի հինգերորդ զանգվածում Նիկոլ Փաշինյանը ընթերցեց հավաքների մասին օրենքի համապատասխան հոդվածը: 

«Հիմա ես պաշտոնապես հայտարարում եմ, որ այսօրվա հավաքը նվիրված է այն հարձակումներին, որոնք տեղի են ունեցել ակտիվիստների նկատմամբ քաղաքացիական հագուստով ինչ-որ անձանց կողմից, նրանք մեքենաներ են ջարդել»,- ասաց նա: 

Տպել
6745 դիտում

ԵՄ-ն 850,000 եվրո է տրամադարում խորհրդարանական ընտրությունների վերահսկման համար

Որեւէ մեկը չփորձի ՀՀ քաղաքացուն նվաստացնել՝ 5 հազար դրամ առաջարկելով. վարչապետ

Ինչպե՞ս է հայ տղամարդը մահացել Մոսկվայի օդանավակայանում. ՌԴ ՔԿ-ն տեսանյութ է հրապարակել

Լենա Նազարյանը Facebook սոցիալական ցանցում հրապարակել է «Իմ քայլը» դաշինքի բուկլետը

Բալետի 23-ամյա արտիստի մահվան պատճառ դարձած ավտովթարի դեպքի առթիվ քրեական գործ է հարուցվել

Հայաստանում ոչ թե խոշոր բիզնեսը փոքրանալու է, այլ փոքրը դառնալու է միջին, միջինը՝ խոշոր. Փաշինյանը՝ գործարարներին

Ալիեւը Մինսկում էր. ՀԱՊԿ-ում լուրջ խոսակցություն է հասունանում

Հայրս 5 տարի 8 ամիսը բանտում է, այժմ գամված է անվասայլակին. բաց նամակ՝ Նիկոլ Փաշինյանին

Քրեական հեղինակություն «Շալիկո»-ն տուժող է ճանաչվել

Հայաստանն այլեւս աղքատության երկիր չէ. Նիկոլ Փաշինյան

Արմեն Մելքոնյանը հետ է կանչվել Արաբական պետությունների լիգայում ՀՀ ներկայացուցչի պաշտոնից

ԱՄՆ-ն տրամադրում է 8 մլն դոլար՝ ընտրություններում ՀՀ կառավարությանն օժանդակելու համար

Հենրիխ Մխիթարյանի հարսանիքի օրը դեռ որոշված չէ. նշել է նրա մայրը

Ծաղկաձորում կազմակերպվում է եռօրյա միջոցառում՝ հայերեն Վիքիպեդիայում բժշկական հոդվածների ստեղծման համար

ՀՀԿ-ն ներկայացրել է ռեյտինգային ընտրակարգով առաջադրված թեկնածուներին

ԱԱ չեմպիոն Ֆրանսիան, փոխչեմպիոն Խորվաթիան չհաղթեցին Ազգերի լիգայի իրենց խմբերում

Քննարկվում է 500 մլն դոլարի ներդրման ծրագիր, կառուցվելու է մի քանի գործարան. Նիկոլ Փաշինյան

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ