Գյումրի.քայլերթին են միացել Ապրիլյանի նահատակների ծնողները, բուժաշխատողներ, ԲՀԿ անդամներ

Գյումրիում վաղ առավոտից բազմամարդ երթ է մեկնարկել: Նախկին ցուցապաստառները չկան, փոխվել են նաեւ կարգախոսները: Այսօր երկու կարգախոս է վանկարկվում՝ «Նիկոլ, վարչապետ»,«ՀՀԿ հեռացիր»: Երթը մեկնարկել Թատերական հրապարակից, որին միացան դպրոցների աշակերտները, որոշ մանկավարժներ, բուհերի ուսանողները, դասախոսները, տարբեր կազմակերպությունների աշխատակիցները:Ճանապարհին անակնկալ կերպով երթին միացան  գործադուլ հայտարարած Գյումրու թիվ 1 պոլիկլինիկայի բուժաշխատողները՝ տնօրենի գլխավորությամբ:  Այսօր Գյումրու քայլերթին միացան նաեւ Ջավախքից եկած մեծաթիվ  քաղաքացիները:

Վարդանանց հրապարակում քայլերթին միացավ ԲՀԿ խմբակցության պատգամավոր Վարդան Ղուկասյանը:  Այս կուսակցության անդամները եւս  այսօր քայլերթի առաջին շարքերում են: Ոստիկաններն ուղեկցում են քայլերթի մասնակիցներին:

Աշակերտները տեղյակ պահեցին, որ կան դպրոցներ, որոնց տնօրենները փակել են դռներն ու դուրս չեն թողնում իրենց մանկավարժներին եւ աշակերտներին: Նշվեցին թիվ 24 եւ 26 դպրոցները: Քայլերթն ուղղություն վերցրեց դեպի ՇՄ Կրթության վարչություն, որպեսզի վարչության պետից իմանան, թե ինչու է նման վարքագիծ դրսեւորվում: Կրթության վարչության շենքի դիմաց,  երկարատեւ  վանկարկումներից եւ վարչության պետ Հրայր Կարապետյանի հետ հանդիպում պահանջելուց հետո որեւէ մեկը շենքից դուրս չեկավ:  Ներսից տեղեկացրեցին, որ չնայած աշխատանքային ժամ է, սակայն պետը տեղում չէ: 

Գյումրեցի մանկավարժ, թիվ 26 դպրոցի պատմության ուսուցչուհի Ռուզաննա Կիրակոսյանը բոլորի ներկայությամբ հրաժարվեց իր «Վաստակավոր մանկավարժ» կոչումից ու բոլոր մանկավարժներին ու մտավորականներին կոչ արեց միանալ իրեն:

Չնայած աննախադեպ բազմամարդ է երթը, բախումներ չկան, ոստիկանները խիստ զգույշ են: Քայլերթի մասնակիցները քաղաքում պտտվելուց հետո հասան Հայուհու հրապարակ, փակեցին հրապարակ մտնող բոլոր փողոցներն ու տեւական ժամանակ երթեւեկությունը կանգ առավ:

Հենց այստեղ նրանց միացան Ապրիլյան պատերազմում նահատակված գյումրեցի զինվորների ծնողներն ու ընտանիքների անդամները: Երբ հայտարարվեց, որ ՀՀԿ-ն հեռացել է խորհրդակցության, որոշվեց կանգ առնել եւ քայլ անել ժամը 18-ին:

Ի դեպ, այսօր Գյումրիում ոչ մի ցայտաղբյուրից ջուր չի գալիս: Սա տարօրինակ եւ աչքի զարնող երեւույթ է, քանի որ անգամ ձմռան ամիսներին, Գյումրիում ցայտաղբյուրները չեն ցամաքում:

Տեսանյութն՝ ավելի ուշ:

Տպել
939 դիտում

Նարե Գրիգորյանին ասվել է՝ եթե աշխատանքից հետո մի քանի րոպե մնալն անտանելի է դառնում, կարող է դիմում գրել

Արցախի Բերձոր և Ֆրանսիայի Արֆորվիլ քաղաքների միջև վերաստորագրվել է Բարեկամության հռչակագիրը

Նյու-Յորքում Նիկոլ Փաշինյանը հանդիպել է Ավստրիայի վարչապետ Սեբաստիան Կուրցի հետ

Երեւանի Արտաշիսյան եւ Հալաբյան փողոցների չկարգավորվող անցումներում վաղվանից լուսացույց կգործի

Հայտարարություն մրցույթի մասին

Կառավարության մոտ բողոքի ցույց անող վարորդների առաջարկը հանգեցնում է մրցութային պայմանների կոպիտ խախտման

Արա Բաբլոյանը Բեռնում հանդիպել է Շվեյցարիայի Ազգային խորհրդի նախագահի հետ

Քոչարյան ընտանիքը՝ ընդդեմ ՀՀ եւ չորրորդ իշխանության. հերքման եւ 2 միլիոն դրամի փոխհատուցման պահանջ

ՊԵԿ-ը թմրանյութի արտահանման խոշոր դեպք է բացահայտել. իրանցին փորձել է թմրամիջոցից պատրաստված քանդակներ առաքել Ավստրալիա

Նոր Հայաստանում ոստիկանական զորքերի թիվը շարունակում է գաղտնի պահվել

Բաղրամյան 26-ի դռների առջեւ ծառայություն է իրականցնում Պատվո պահակախումբը (տեսանյութ)

Մեսսին առաջին անգամ «լավագույն ֆուտբոլիստ» անվանակարգում քվեարկել է Ռոնալդուի օգտին

Հայաստանը ցանկանում է 2 լոգիստիկ կենտրոն ստեղծել Ռուսաստանում. դեսպան

Մխիթարյանը չի ապաքինվել. կարող է բաց թողնել «Արսենալի» խաղը

Արմեն Սարգսյանը հանդիպել է ՀՀ-ից հեռացած «Օրանժ» ընկերության գլխավոր տնօրենի հետ

Նոր ներկայացում Սունդուկյան թատրոնում, Խորեն Լեւոնյանը կմարմնավորի Սասունցի Դավթի կերպարը

Լոռու մարզում կտրուկ աճել է կոռուպցիայի գործով քրեական հետապնդումների ենթարկված անձանց թիվը. դատախազություն

Օսիպյանը սպայական կոչում է շնորհել ՊՊԾ գնդի իրադարձությունների ընթացքում զոհված ոստիկան Յուրի Տեփանոսյանի կնոջը

Պուտինն այցելում է Ադրբեջան. խորտակվող «Տիտանիկ»-ի մեծ մտրակն ու փոքր քաղցրաբլիթը

Արա Սաղաթելյանը մասնակցել է ԱԳ երկրների խորհրդարանների գլխավոր քարտուղարների աշխատանքային հանդիպմանը