Բավականին լայն օրակարգ պետք է քննարկվի. Զոհրաբյանը՝ Փաշինյան-Ծառուկյան հանդիպումների մասին

Ծառուկյան խմբակցությունը վարչապետի քվեարկության ժամանակ պարտադիր հաշվի է առնելու ժողովրդի ձայնը: Այս մասին խորհրդարանում լրագրողների հարցին ի պատասխան ասաց դաշինքի պատգամավոր Նաիրա Զոհրաբյանը:

«Քննարկումները շարունակվում են եւ ԲՀԿ ժողովրդի ձայնը որոշիչ է լինելու: Գիտեք, որ Գագիկ Ծառուկյանը եւ Նիկոլ Փաշինյանը երեկ հանդիպել են, բայց ավելին չեմ կարող ասել: Մենք կաշկանդված ենք Սահմանադրությամբ տրված ժամանակով, այնպես որ վստահ եղեք, որ որոշումը չի ուշանա»,- ասաց նա եւ նշեց, որ ՀՀԿ-ն պետք է հեռանա:

«Այն պետք է հեռանա իր բոլոր մետաստազներով, դա փաստ է: Որեւէ տեղ գրված չէ, որ ՀՀԿ-ն հավերժ պետք է լինի իշխանություն: Ցանկացած քաղաքական ուժ պետք է ունենա արժանապատվություն ե՛ւ իշխանություն լինելու, եւ` ընդդիմություն: Ժողովրդի ձայնը չլսելու պատճառով էր, որ տարիներ շարունակ իշխանություններն այլասերվեցին»,- ասաց նա:

ՀԺ-ի հարցին, թե ինչ է քննարկվում Փաշինյան-Ծառուկյան հանդիպումների ժամանակ, Նաիրա Զոհրաբյանը պատասխանեց.

«Բավականին լայն օրակարգ պետք է քննարկվի, քանի որ ես ներկա չեմ բանակցություններին՝ հստակ չեմ կարող ասել, թե ինչ է քննարկվում»:

Դիտարկմանը, որ ԲՀԿ-ն ուշ միացավ համաժողովրդական շարժմանը, Նաիրա Զոհրաբյանն ասաց, որ իրենք «քաղմասներում են եղել, պայքարել են ձերբակալված պատգամավորների ազատության համար»:

«Ես չեմ կարծում, որ ճիշտ է ասեն՝ 10 րոպե ուշ միացաք կամ շուտ, հիմա այնքան կարեւոր խնդիրներ կան: Այսօր որոշվում է ժողովրդի ձայնով ձեւավորվելիք իշխանության խնդիրը: Պետք է հասկանանք՝ կարո՞ղ ենք ժողովրդի ձայնով ստանալ այն իշխանությունը, որից ժողովուրդը 6 ամիս հետո չի հիասթափվի»,- ասաց պատգմավորը:

ՀԺ-ի հարցին, որ ԲՀԿ-ի որոշ պատգամավորները կողմ են եղել Սերժ Սարգսյանի թեկնածությանը, որպես վարչապետ, իսկ Վարդան Բոստանջյանը հայտարարել էր, որ փողոցային չէ, որ փողոց դուրս գա, բայց երեկ շարժմանն էր միացել, Նաիրա Զոհրաբյանը մեկնաբանեց.

«Դուք հիմա ինձ դնում եք անհարմար իրավիճակի մեջ: Մենք պետք է ունենաք այնպիսի իշխանություն, որ մունետիկ չուղարկի պատգամավորի մոտ եւ ասի՝ եթե իմ օգտին չքվեարկեցիր, ապա քո բիզնեսին բան կպատահի: Ես կարող ա չընկրկեմ այդ ճնշումներին, բայց արեք որեւէ մեկին չդատենք»:

Լրագրողի դիտարկմանը, որ Նաիրա Զոհրաբյանը աշխատել է Նիկոլ Փաշինյանի ղեկավարած օրաթերթում եւ դա հաշվի առնելով՝ ինչպես կբնութագրեր նրան որպես ղեկավարի, Նաիրա Զոհրաբյանն ասաց.

«Երբ Նիկոլ Փաշինյանի թեկնածությունը գա ԱԺ, այնքան դիֆերամբներ կհնչեն եւ կլինեն մարդիկ, ովքեր իրենց երեխաների անունը կդնեն Նիկոլ, ոչ թե՝ Սերժ: Մենք այդ պրոցեսը տեսել ենք, թույլ տվեք հիմա բան չասել, երբ գա օրը, ես իմ խոսքը կասեմ բոլոր թեկնածուներին»:

Ի դեպ, քիչ առաջ Ծառուկյան խմբակցության պատգամավորները հավաքվել էին Միքայել Մելքումյանի մոտ եւ քննարկում էին անցկացնում, որից մանրամասներ չփոխանցեցին:

Տպել
2550 դիտում

Ավետիսյանի որդուն պատկանող «Գոլդեն Փելես»-ը գրանցված է օֆշորային ընկերության վրա. Վանեցյանը չբացառեց, որ գործը կկարճվի

Առաքել Մովսիսյանի վերաբերյալ գործն ԱԱԾ-ն կարճել է. Արթուր Վանեցյան

«Կոնգրես» հյուրանոցի գործով Սեդրակ Քոչարյանը հարցաքննվել է. ԱԱԾ տնօրեն

Նարեկ Սարգսյանի բնակարանից հայտնաբերված նկարները պատկանում են Սարյանի վրձնին. ԱԱԾ տնօրենը հաստատեց

Ես հույս ունեմ, որ դեռեւս երկար տարիներ կպաշտոնավարեմ. Արթուր Վանեցյան

Գործադուլ եւ դասադուլ ՇՊՀ ավագ դպրոցում

Ընթացիկ եվ ոչ միայն. 2006թ. մտնում ենք առանց իմունիտետի

Պատասխան. այդ տիկին Քոչարյանը ես եմ

Չի տեսնում. ԼՂ հարցի կարգավորումը հեռու է

Կոմիտասի պողոտայի երթեւեկելի մասի վրա լուսացույցներ կդրվեն. ոստիկանություն

Գյումրու քաղաքապետարանի բնակկոմունալ բաժնին կախարդական փայտիկ է պետք

Միհրան Հարությունյանը ժամանակից շուտ հաղթանակ տարավ MMA-ում իր 2-րդ մենամարտում

Ոստիկանության 5 ծառայողի շնորհվել է ոստիկանության լեյտենանտի կոչում (տեսանյութ)

Լարսի ճանապարհը բաց է. ձյուն, բուք, մերկասառույց, մառախուղ, դժվարանցանելի ճանապարհներ՝ ՀՀ-ում

Հայկ Դեմոյանը նշանակվել է «Ավրորա» նախաձեռնության գործառնությունների գծով տնօրեն

Արցախի նախագահն ընդունել է ՀՅԴ Բյուրոյի ներկայացուցիչ Հրանտ Մարգարյանին. ինչ են քննարկել

Վերաքննիչը գտել է, որ Ռոբերտ Քոչարյանն անձեռնմխելի չէ

Քաղաքավարությունը շփոթում են թուլության հետ. Փաշինյանը՝ Գարեգին Բ-ին

Մենք արդեն դադարեցրել ենք կենդանիների սպանդի ամոթալի պրակտիկան. Հայկ Մարության

ԱԺ ընտրություններին 442 ենթադրյալ հանցագործության դեպքերից 6-ով քրգործեր են հարուցվել. դատախազություն