Համաժողովրդական ցասման պայմաններում դեռեւս ոչ ոքի չի հաջողվել մնալ իշխանության. քաղաքագետ

Մարտի 31-ից սկիզբ դրվեց ԱԺ ԵԼՔ խմբակցության ղեկավար Նիկոլ Փաշինյանի նախաձեռնած #ԻմՔայլը շարժմանը: Շարժմանը միացած հարյուր հազարավոր քաղաքացիներ իրենց ամենօրյա հանրահավաքներով հասան Սերժ Սարգսյանի հրաժարականին: Սակայն ՀՀԿ-ն դեռեւս շարունակում է մնալ իշխանությունում, իսկ վարչապետի ժամանակավոր պաշտոնակատար, ՀՀԿ առաջին փոխնախագահ Կարեն Կարապետյանը ճիգեր է գործադրում՝ վարչապետ դառնալու համար, ինչն էլ գնալով ավելի մեծ բողոքի ալիք է առաջացնում հասարակության մեջ: Ստեղծված իրավիճակի շուրջ մեր հարցերին պատասխանեց քաղաքագետ Հայկ Մարտիրոսյանը:

- Պարոն Մարտիրոսյան վերջին օրերին Հայաստանում տեղի ունեցող ներքաղաքական զարգացումները ինչպե՞ս կգնահատեք:

- Շատ վատ: Պատահաբար իշխանության ղեկին հայտնված եւ ազգային որեւէ օրակարգ չունեցող գեղեցկադեմ մի պաշտոնյա, որ ծառայեց Սերժ Սարգսյանի բոլոր նպատակներին` հիմա դասական օպորտունիստական վարքագիծ է դրսեւորում եւ ունենալով օլիգարխիկ աջակցություն` որոշել է փորձել իր բախտը եւ զավթել իշխանությունը:

- Ինչո՞ւ Կարեն Կարապետյանը հրաժարական չի տալիս, ինչի՞ն է սպասում:

- Հրաժարական չի տալիս, որովհետեւ նոր իրավիճակ է ստեղծվել: Իրեն մղում են, դրդում են հակահեղափոխության: Իշխող խմբավորումը չի ցանկանում հեռանալ եւ ստեղծված պայմաններում, ելնելով Կարապետյանի նախկինում ունեցած բարետես եւ հաճելի արտաքին իմիջի վրա` փորձեցին նրա միջոցով պահպանել կառավարման լծակները: Սակայն դա նաեւ տգիտության նշան է: Եթե պատմություն իմանային եւ քաղաքականության համակարգին ծանոթ լինեին` կհասկանային, որ նման համընդհանուր, համաժողովրդական ցասման եւ ապստամբության պայմաններում իշխանություն մնալ եւ կառավարել դեռեւս ոչ ոքի եւ ոչ մի տեղ չի հաջողվել:

- Հնարավո՞ր է, որ ՀՀԿ-ն դարձյալ որոշի նույն խաղը խաղալ եւ վարչապետի պաշտոնում առաջադրի Կարեն Կարապետյանին:

- Անշուշտ: Դա խիստ հնարավոր է: Իրենց հաշվարկը հենց դրան է ուղղված:

– Ի՞նչ տարբերակ եք տեսնում՝ իրավիճակը ամբողջությամբ կարգավորելու համար:

- Կարեն Կարապետյանը լքում է իշխանությունն իր ողջ Հանրապետական վարչախմբով: Նիկոլ Փաշինյանը դառնում է վարչապետ: Դրան կարելի է հասնել խաղաղ բանակցություններով: Բայց դա տեղի կունենա միայն այն դեպքում, երբ Կարապետյանն ու իր հովանավորները հասկանան, որ ճնշումն անդիմադրելի է:

- Ո՞ւմ եք տեսնում ապագա վարչապետի պաշտոնում:

- Տվյալ պարագայում ու պայմաններում` միայն մեկ մարդու` Նիկոլ Փաշինյանին: Եւ այստեղ ամենեւին կարևոր չէ նրա անձը, նրա դիպլոմները, նրա անգլերենն ու ուսապարկը: Կարեւոր չէ նրա ապագա կաբինետը, նրա ծրագիրը: Դրանք բոլորը որպես թեմաներ աղբ են այսօր: Այսօր հրամայականը այս կենաց ու մահու քաղաքական պայքարում գործող քաղաքական համակարգի փոփոխությունն է ու իրեն ամեն առումով սպառած, բայց համառորեն հեռանալ չցանկացող ռեժիմի վերածված վարչախմբի հեռացումը: Դրա միակ ուղին Նիկոլ Փաշինյանի վարչապետ դառնալն է: Այլ ուղի տվյալ իրավիճակում չկա եւ չի կարող լինել:

Այսօր միայն Փաշինյանն է որպես համաժողովրդական շարժման միահեծան առաջնորդ ոտքի հանել երկիրը: Նա էլ պարտավոր է ստանձնել պատասխանատվություն` համակարգային խոստացված փոփոխությունն անելու գործում: Հայաստանյան ժողովուրդն այս օրերին անցել է ռուբիկոնը, եւ յուրաքանչյուր այլ տարբերակ կործանելու է Հայաստանը: Եւ այդ ամենին պետք է հասնել խաղաղ մեթոդներով: Ու մեր ժողովուրդը հասնելու է դրան:

Նիկոլայ Ավետիսյան

Տպել
6908 դիտում

Արտակարգ պատահար Գյումրիում. մեքենան հարվածել է ընթացող գնացքին (տեսանյութ)

Թուրքիայում շուրջ 16 միլիոն մարդ սովի է մատնված, աղքատ է բնակչության 60 տոկոսը. զեկույց

Գյումրիում քիչ առաջ պոլիէթիլենային տոպրակի մեջ դրված նորածին տղաներ են հայտնաբերվել

Կոտայքի մարզում 36-ամյա քաղաքացին ընկել է ջրանցքը. վիճակը միջին ծանրության է

ԲՀԿ-ում պայթյո՞ւն է սպասվում. պատգամավորները սկսել են միմյանց մասին սկանդալային հայտարարություններ անել

Սուրեն Պապիկյանը ներկայացրել է Արմավիրի նորանշանակ մարզպետին

Վստահ եմ՝ ամեն ինչ անում եք, որպեսզի զգոնությունը սահմանների վրա չպակասի, ընդհակառակը, ավելի բարձրանա. նախագահ

Էջմիածնում կլանները գլխատված են. Ն. Փաշինյանը՝ թեկնածուի հայտարարության մասին

Արմավիրում անակնկալ հյուրասիրություն, աղ ու հաց էին կազմակերպել Ն. Փաշինյանի համար (տեսանյութ)

Ինքնիշխան պետության ներքին գործերի մասին դեսպանը խոսել է առանց շփոթմունքի. Զախարովան՝ Միլսի ելույթի մասին

Նկար, յուղանկար, ջրանկար. Սյունիքի նախկին մարզպետի ունեցվածքն ու թանկարժեք իրերը

Չորս մարդու մահվան պատճառ դարձած ավտովթարի դեպքի առթիվ գործ է հարուցվել, բեռնատարի վարորդը ձերբակալվել է

ՀՀ-ն կարող է լավ հարթակ լինել ՌԴ-ից Իրան դեղեր ու բուժտեխնիկա արտահանելու առումով. Ա. Թորոսյան

Փոխվարչապետի պաշտոնակատար Մհեր Գրիգորյանն ընդունել է Արցախի պետնախարարի գլխավորած պատվիրակությանը

«Թումո»-ն բարեկամության լավագույն օրինակ է. Հայկ Մարությանը հանդիպել է Փարիզի քաղաքապետ Անն Իդալգոյի հետ

Նոր ընդդիմությանը սպասելիս. դրա ձեւավորումը անկասելի է

Երևանի քաղաքապետ Հայկ Մարությանը ներկա է գտնվել Փարիզում «Թումո» կենտրոնի բացմանը

Աննա Հակոբյանը եւ մաեստրո Տիգրան Մանսուրյանն այցելեցին Մաթեւոսյան կենտրոն-թանգարան

Արթիկում վիճաբանության ընթացքում 16-ամյա տղային դանակահարելու կասկածանքով ձերբակալվել է երկու անձ

Երգիչ Արա Մարտիրոսյանը սրտի ծանր վիրահատության է ենթարկվել․ մանրամասներ