Տպավորություն չստեղծվի, որ մեկ օլիգարխին փոխարինելու են մյուսով. Արմեն Ռուստամյան

ՀՅԴ խմբակցության ղեկավար Արմեն Ռուստամյանը ԱԺ ճեպազրույցների ժամին վստահեցրեց, որ խմբակցությանը մասնակցելու է մայիսի 8- վարչապետի ընտրություններին: Հարցին` ՀՀԿ-ն խոստմանը հավատարիմ կմնա՞, թե՞ նախորդ անգամվա նման կլինի, Ռուստամյանն ասաց, որ երկրորդ անգամ էլ հայտարարել մեկ բան, սակայն կատարել բոլորովին այլ բան, քաղաքական ուժի համար վտանգավոր է իր հեռանկարն ունենալու առումով: Ռուստամյանը նշեց, որ չի կարծում այս պահին արտահերթ ընտրությունների գնալը բխում է ՀՀԿ շահերից:

«Եթե իրենց հայտարարությունից դուրս քայլ անեն, ի՞նչ ռեսուրսներով կմասնակցեն արտահերթ ընտրություններին: Ռեյտինգայինն էլ չի օգնի: Բոլորի շահերից է բխում, որ տեղի ունենա վարչապետի ընտրություն եւ Նիկոլ Փաշինյանն ընտրվի: Սա կլինի միակ ճիշտ լուծումը»,- ասաց նա: Ռուստամյանն ընդգծեց, որ կա ժողովրդի հստակ պահանջ, եւ սա պետք է գիտակցեն քաղաքական ուժերը, անկախ նրանից` ով է ձեւավորել այդ պահանջը:

«Ոչ մի այլ լուծում ժողովուրդը չի ընդունելու: Չպետք է ավելորդ մարտավարական տրամաբանության մեջ տեղափոխել հարցերը. այն ինչ դե ֆակտո կա դե յուրե պետք է արձանագրել»,- շեշտեց նա:

Ռուստամյանը անդրադառնալով արտահերթ ընտրությունների ժամկետներին՝ նշեց, որ ինքնանպատակ ժամկետ նշելը ճիշտ չէ:

«Մի քանի քայլեր պետք է արվեն, որ այդ ընտրությունները կասկածի տակ չդրվեն: Ընտրական օրենսգիրքը նախ եւ առաջ պետք է փոխվի, սարքավորումները պետք է դրվեն բոլոր ընտրատեղամասերում, որ կրկնաքվեարկությունները բացառվեն: Առաջին քայլերից մեկը պետք է լինի այն, որ վարչապետի լիազորությունները պետք է նվազեցվեն: Հավասար պայմաններ պետք է ստեղծվեն, որ բոլոր ուժերը հավասար պայմաններով գնան ընտրությունների»,- հայտարարեց նա:

Դիտարկմանը` արդյո՞ք ՀՅԴ-ն չունի կառավարության մաս կազմելու ակնկալիք՝ Ռուստամյանն ընդգծեց, որ իրենք նման ակնկալիք չունեն, բայց ուզում են, որ Փաշինյանի կառավարությունը հաջողի եւ լուծի իր առջեւ դրած խնդիրները.

«Մեր բոլոր կարողություններով աջակցելու ենք, որ դա հաջողի»,- նշեց Ռուստամյանը։ Վերջինս նաեւ նշեց, որ ինքն ազգային համաձայնության կառավարություն ստեղծելը տրամաբանական է համարում։ Ինչ վերաբերում է հարցին` ինքն անձամբ իրեն տեսնու՞մ է կառավարությունում, նա ասաց.

«Անձամբ ես չեմ հավակնում եւ չեմ պատրաստվում մտնել կառավարության կազմի մեջ, բայց մենք չենք պատրաստվում մենակ թողնել Նիկոլ Փաշինյանին»:

Նա հավելեց, որ ՀՅԴ-ն իր ողջ կարողություններով աջակցելու է, որպեսզի Նիկոլ Փաշինյանի կառավարությունը հաջողվի: Ըստ Ռուստամյանի` եթե նոր կառավարությունը արդար Հայաստան է ուզում, դրա լուծումը ճիշտ կադրային քաղաքականությունն է:

Կառավարության ապագա կազմի հետ կապված մամուլում արդեն  շրջանառվում են գործարարների անուններ, ովքեր ունենալու են իրենց հասանելիք պաշտոնը գործադիր մարմնում: Մասնավորապես, կայքերից մեկը գրեց, որ Խաչատուր Սուքիասյանը «առաջին փոխվարչապետի լավ թեկնածու է»: Ռուստամյանը նշեց, որ գործարարը գործադիր, օրենսդիր մարմիններում անելիք չունի:

«Հանրային իշխանությունը եւ բիզնեսը պետք է տարանջատվեն, քանի որ Հայաստանը ապագա չունի այս ձեւով: Խոսքը չի գնում, որեւէ անձի մասին, ես սկզբունքորեն են հարցը դնում: Մենք Նիկոլ Փաշինյանի հետ սրա մասին էլ ենք խոսել: Տպավորություն չստեղծվի, որ մեկ օլիգարխին փոխարինելու են մյուսով: Հանրային իշխանությունը եւ բիզնեսը պետք է տարանջատվի եւ դա պետք է իրական լինի: Եթե բիզնեսով են զբաղվում, ապա ի՞նչ գործ ունեն Ազգային ժողովում եւ կառավարությունում, այստեղ շահերի բախում է առաջանում»,- ասաց Արմեն Ռուստամյանը:

Տպել
3352 դիտում

Իլ դը Ֆրանսի պատվիրակությունը հարգանքի տուրք է մատուցել Ցեղասպանության զոհերի հիշատակին

ՀՀ ոստիկանության պատվիրակությունը Դուբայում մասնակցում է Ինտերպոլի 87-րդ Գլխավոր Ասամբլեային

Վերին Լարս տանող ճանապարհահատվածը բացվել է մարդատար ավտոմեքենաների համար. դեսպանություն

Առաջիկա օրերին տեղումներ չեն սպասվում, օդի ջերմաստիճանն էապես չի փոխվի

Ես աշխատող, գործ անող պատգամավոր եմ. Նաիրա Զոհրաբյանը Սյունիքում է, շրջում է գյուղերում (տեսանյութ)

ՀՀ նախագահը իտալական ռազմաարդյունաբերական ընկերության ղեկավարի հետ քննարկել է համագործակցության հնարավորությունը

Հրդեհ բնակարանում, կա տուժած. հայտարարվել է բարդության ԲԻՍ-1 աստիճան

Հանդիպել են Հայաստանի և Իտալիայի նախագահները

Հրադադարի պահպանման ռեժիմն այս շաբաթ խախտվել է 80 անգամ, արձակվել է 700 կրակոց

Կադաստրի գրասենյակները Երևանում կաշխատեն նաև շաբաթ-կիրակի, մարզերում՝ առանց ընդմիջման

Գյուղերում տուն կառուցելու համար նոր փոխառություն կտրվի. խորհրդակցություն Կարմիր շուկայում

Ստեփանծմինդա–Լարս ավտոճանապարհը փակ է. ռուսական կողմում կա 435 բեռնատար և 172 մարդատար ավտոմեքենա

Թուրքիայում Աթաթուրքի արձանը պղծելու համար պատանիներ են ձերբակալվել

Լարսում խցանման մեջ հայտնված վարորդների համար սնունդ, տաք ջուր, դեղորայք է ապահովվել. Փամբուխչյան

Ամենայն Հայոց Կաթողիկոսի ձեռամբ օծվեց Նովոսիբիրսկի նորակառույց եկեղեցին

Գոռ Վարդանյանն այդ օրը փրկել է ինձ. Մարինա Խաչատրյանը՝ քաղաքապետարանի հայտնի միջադեպի մասին

Լարսը շարունակում է փակ մնալ. ռուսական կողմում 400 մարդատար և 150 բեռնատար ավտոմեքենա է մնացել

Գյումրիում ավտոլվացման կետ է այրվել. մեկ մարդ հոսպիտալացվել է տարբեր աստիճանի այրվածքներով

Մարուքյան, Թանդիլյան, Բաբաջանյան, Գորգիսյան. «Լուսավոր Հայաստան»-ի 157 հոգանոց համամասնական ցուցակը

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը