ՃՈ գնդապետը ցուցմունք չի տալիս. HSBC բանկի վրա հարձակման շարժառիթը մնում է չբացահայտված

Օրեր առաջ՝ մայիսի 3-ին, HSBC բանկի «Կոմիտաս» մասնաճյուղի վրա զինված ավազակային հարձակման, երկու անձի սպանության մեջ մեղադրվող ՃՈ գնդապետ Դանիել Դանիելյանն իրեն առաջադրված մեղադրանքների վերաբերյալ դիրքորոշում չի հայտնել, չի ասել՝ ընդունում է դրանք, թե՝ ոչ:

Այս մասին մեր հարցին ի պատասխան ասաց Դանիելյանի պաշտպան Արարատ Գրիգորյանը: Մեր հարցին ի պատասխան պաշտպանն ասաց, որ Դանիելյանը հրաժարվել է ցուցմունք տալուց: Պաշտպանը նաեւ չխոսեց դեպքի շարժառիթի, Դանիելյանի հնարավոր ֆինանսական խնդիրների մասին: Ինչ վերաբերում է դեպքի օրը քաղաքացիների կողմից ստացած վնասվածքներին, պաշտպանն ասաց, որ այդ մասով նշանակվել է դատաբժշկական փորձաքննություն: Նա նաեւ ասաց, որ Դանիել Դանիելյանը HSBC բանկի հաճախորդ չի եղել:

Մեր տեղեկություններով, Դանիելյանը մայիսի 3-ին աշխատավայրում է եղել, աշխատակիցներին ասել է, որ դուրս է գալիս եւ մեկ ժամից կվերադառնա:

Դեպքից մի քանի օր է անցել, սակայն դեպքի շարժառիթը մնում է չբացահայտված. պատճառը՝ Դանիելյանի ցուցմունք չտալն է: Մեր տեղեկություններով, Դանիելյանը մասնագիտական գործունեության ընթացքում ծագած որոշ խնդիրների հետեւանքով է նման քայլի գնացել, թե ինչ խնդիրեր են դրանք, առայժմ դժվար է ասել:

Ինչպես եւ ավելի վաղ տեղեկացրել էինք՝ սույն գործը ՔԿ-ից փոխանցվեց ՀՀ հատուկ քննչական ծառայությանը: Դանիելյանը մեղադրվում է ՀՀ ՔՕ միանգամից 4 հոդվածներով՝ երկու անձանց սպանության, ավազակային հարձակման, սպանության փորձի եւ ապօրինի կերպով զենք–զինամթերք ձեռք բերելու կրելու: Դանիելյանը կալանավորված է:

Հիշեցնենք, որ մայիսի 03-ին՝ ժամը 14:10-ի սահմաններում, Դանիել Դանիելյանն իր անվամբ հաշվառված «Ֆաբարմ» տեսակի կարաբինով, իր կողմից ապօրինի ձեռք բերված մարտական նռնակով եւ դանակով զինված, դիմակավորված մուտք է գործել Երեւան քաղաքի Կոմիտասի պողոտա 3 հասցեում գործող «Էյչ-Էս-Բի-Սի բանկ Հայաստան» ՓԲԸ-ի «Կոմիտաս» մասնաճյուղ, որտեղ կարաբինից կրակոց արձակելով օդում` բանկի աշխատակիցներից պահանջել է իրեն հանձնել առանձնապես խոշոր չափերով` 500.000 ԱՄՆ դոլար գումար:

Այդ ընթացքում, հանդիպելով մասնաճյուղի անվտանգության աշխատակիցների դիմադրությանը, Դանիելյանն իր մոտ գտնվող կարաբինից կրակել է իր ծառայողական պարտականություններն իրականացնող անվտանգության աշխատակից, «Արմոբիլ» ՓԲԸ-ի պահնորդ Խաչատուր Գալստյանին, այնուհետեւ դանակով հարվածել է անվտանգության մյուս աշխատակցին` «Արմոբիլ» ՓԲԸ-ի պահնորդ Արամ Մկրտչյանին, որից հետո բանկից հափշտակել է առանձնապես խոշոր չափերով տարբեր արտարժույթի գումար /79.200.000 ՀՀ դրամ, 110.000 ԱՄՆ դոլար, 39.690 եվրո, 242.240 ՌԴ ռուբլի, 7.925 անգլիական ֆունտ ստեռլինգ, 2.980 կանադական դոլար, 200 ավստրալիական դոլար եւ 700 ՄԱԷ դիրհամ/ եւ դիմել փախուստի:

Ոստիկանության աշխատակիցները հետապնդել են Դանիելյանին, որի ընթացքում վերջինս իր մոտ գտնվող կարաբինից կրակել է իր ծառայողական պարտականությունները կատարող` իրեն հետապնդող ՀՀ ոստիկանության Երեւան քաղաքի վարչության ՊՊԾ գնդի ոստիկան Արա Շախգուլյանի ուղղությամբ եւ նրան պատճառել հրազենային մարմնական վնասվածք, որի հետեւանքով վերջինս նույն օրը բժշկական կենտրոնում մահացել է:

Ոստիկանության մյուս ծառայողները, հետապնդելով Դանիելյանին, վնասազերծել են նրան եւ բերման ենթարկել ոստիկանության բաժին:

Տպել
2376 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին