«Որ տղա ծնվեր, Նիկոլ պիտի դնեինք երեխու անունը, բայց որ աղջիկ է՝ Աննա կդնենք»

Շիրակի մարզի Ջաջուռում ապրող 38-ամյա Աստղիկը 5-րդ զավակին է լույս աշխարհ բերել: 5-րդ երեխա ունենալը Շիրակի մարզում ոչ միայն ռիսկային քայլ է, այլ՝ հերոսական, հատկապես հիմնական աշխատանք չունեցող ընտանիքների համար, ինչպիսին Աստղիկի ընտանիքն է: Ինքը չի աշխատում, ամուսինը բանվորություն է անում, որպեսզի բազմանդամ ընտանիքը կարողանա մի կերպ ծայրը ծայրին հասցնել: Վերջին մեկ ամիսը շատ զբաղված են եղել Մակարյանները: Աստղիկի ամուսինն ու երկու որդիներն ամեն օր մասնակցել են Գյումրիում անցկացվող քայլերթերին ու հանրահավաքներին՝ հույսով, որ Նիկոլ Փաշինյանի հաղթանակն իրենց կյանքում շրջադարձային է լինելու: Հեղափոխական տրամադրությունները երեկոյան տանն ավելի էին բռնկվում: Աստղիկը ջաջուռցի Սահակ պապի հարեւանուհին է: Այն Սահակի, ով առավոտ վաղ գալիս էր Գյումրի եւ քայլերթի առաջին շարքերում ոգեւորում բոլորին: Երեկոյան էլ մանրամասն բոլորին պատմում օրվա կատարվածը:Աստղիկը նորածնին Թավշյա հեղափոխության ծնունդ է համարում: Ասում է՝ երեխաները հրապարակում թրծվեցին, ինքը՝ տանը, հեռուստացույցի եւ համակարգչի դիմաց:«Հենց Նիկոլը ելույթ կունենար, երեխեն կսկսեր աշխուժանալ, դե ես էլ հուզվում էի: Ամբողջ օրը ոչ տան գործի էի, ոչ ուրիշ բանի: Ամեն րոպեն անգիր գիտեմ՝ որտեղ ինչ եղավ, ով ինչ ասեց ու արեց: Երեխեքն էլ, որ որոշեցին ցույցերին մասնակցել, ճիշտ է առաջի օրն անհանգստացա, բայց հետո զգացի, որ ճիշտ են անում, տղա են, պետք է ամեն ինչ էլ տեսնեն: Հետո էլ վտանգավոր բան չկար, բոլորն էլ շնորհքով, խելացի մարդիկ են: Համ էլ հերը հետներն էր»,-ՀԺ-ի հետ զրույցում պատմեց Աստղիկ Մակարյանը:

Մինչեւ #Իմ քայլը նախաձեռնությունը երեխայի սեռը ծնողներին չի հետաքրքրել, կարեւոր են համարել առողջ բալիկ ունենալը: Հանրահավաքների օրերին, սակայն, Աստղիկը որոշել ու մի քանի անգամ գնացել է բժշկի, անգամ Երեւան է հասել, որպեսզի իմանա, տղա՞ թե աղջիկ է ծնվելու:

«Գնացի Երեւան, բժիշկը նայեց, ասեց տղա է հաստատ: Ես ու բժիշկս էլ որոշեցինք, որ հենց տղա ծնվի, անունը Նիկոլ կդնեմ: Հետո եկա տուն: Բայց մի քանի օր հետո էլի ուզեցի, որ հաստատ գիտենամ տղա է, թե աղջիկ: Տնեցոնք առավոտ քաղաք կերտային միտինգի, ես՝ բժշկի: Մի քանի անգամ գնացի, մի օր ասում էին աղջիկ է, մի օր ասում էին  տղա է: Բայց ես էլ որոշել էի, որ անունը Նիկոլ էր լինելու, որովհետեւ ինքը հենց բդի ծնվիր էս նոր Հայաստանում, որի համար իրենց կյանքի գնով ամեն ինչ անում են Նիկոլն ու նրա  կողքը կանգնած մարդիկ»:

Բայց ոչ թե տղա, այլ աղջիկ ծնվեց: Հատուկ անուն չունեն որոշած: Աստղիկն ասում է, դե որ տղա չեղավ, չկարողացան անունը Նիկոլ դնել՝ ի պատիվ Նիկոլ Փաշինյանի, դստերն Աննա կկոչեն՝ Նիկոլ Փաշինյանի կնոջ անունով:«Ամբողջ օրը մեր Նիկոլի հետ է, ամեն տեղ իրար հետ են, մարդիկ տեսան, որ ընտանիքներով պայքար է: Ինքն էլ երեխաներ ունի, բայց նրանց թողած ամուսնու հետ պայքարում է հանուն բոլորիս: Ինքն էլ է էլի Նիկոլ: Մի անգամ էլ ամուսնուս հետ խոսեմ, ու Աննա էլ կդնենք անունը»,-ասաց Աստղիկն ու վստահությամբ նշեց, թե շուտով Հայաստանում նոր կյանքն է սկսվելու, բոլորն իրենց քաղաքներում ու գյուղերում արդեն ոչ թե գոյատեւելու, այլ ապրելու են:

Տպել
11966 դիտում

Ն. Փաշինյանին շնորհավորական հեռագիր է հղել ՀԱՊԿ գլխավոր քարտուղարի պաշտոնակատար Վ. Սեմերիկովը

Սենատը հաստատել է Լին Թրեյսիի թեկնածությունը Հայաստանում ԱՄՆ դեսպանի պաշտոնում

«Սուրբ Գրիգոր Լուսավորիչ» բժշկական կենտրոնի տնօրենի պաշտոնում նշանակվել է Արման Հովակիմյանը

Կենդանաբանական այգում ուսումնասիրությունների արդյունքները կներկայացվեն հանրությանը. Վիրաբյան

ԱՄՆ-ի «Հայ դատի» հանձնախումբը պաշտոնյաներին կոչ է արել չխուսափել «Ցեղասպանություն» բառն օգտագործելուց

Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար

Ձեր օրինակը կարող է վարակիչ լինել. Մարիան Ստրեյֆ-ֆելլերը՝ Աննա Հակոբյանին (լուսանկարներ)

Բուռն պայքար ու հաղթանակ. Հարություն Ուռուտյանը շնորհավորել է Նիկոլ Փաշինյանին ու Սասուն Միքայելյանին

Իսակովի պողոտայում 4 մեքենա է այրվել. կան տուժածներ

Լրագրողին ծեծի ենթարկելու մեջ մեղադրվող ոստիկանները դատապարտվել են տուգանքի

ՀՀԿ-ն գնաց, մնաց ՀՀԿ-իզմը

ՀԱՊԿ գլխավոր քարտուղարի նշանակման հարցը դեկտեմբերի 6-ին չի լուծվել և չէր կարող լուծվել. Եղոյանը արձագանքում է Նազարբաևին

ԵՊԲՀ դիպլոմը կճանաչվի Շրի Լանկայի բժշկական խորհրդի կողմից

Գյումրու 102-րդ ռազմակայանի զինծառայողին կալանավորել են

Մահացածները եղել են մարդատար ավտոմեքենայում. մանրամասներ Սյունիքի ավտովթարից

Ղազախստանում ՀՀ դեսպան Գագիկ Ղալաչյանն իր հավատարմագրերը հանձնեց ՂՀ նախագահին

Նիկոլ Փաշինյանը հեռախոսազրույց է ունեցել Վրաստանի վարչապետ Մամուկա Բախտաձեի հետ

Իրական ընդդիմությունը ԱԺ-ից դուրս է ձեւավարվելու. ինչպես են պայքարելու արտախորհրդարանական ուժերը

ՀՀ ՊՆ է այցելել Մարդու իրավունքների պաշտպանի գրասենյակի պատվիրակությունը

Նազարբաեւը Բելառուսի թեկնածուին աջակցությունն է հայտնել ՀԱՊԿ գլխավոր քարտուղարի պաշտոնում