Շնորհավորանքներ նախագահներից վարչապետ Նիկոլ Փաշինյանին՝ պաշտոնը ստանձնելու կապակցությամբ

ՀՀ ԱԺ հատուկ նիստում ընտրվելուց եւ Հանրապետության նախագահի հրամանագրով վարչապետ նշանակվելուց հետո Նիկոլ Փաշինյանը օտարերկրյա պետությունների ղեկավարներից, ՀՀ պետական եւ հասարակական հատվածի ներկայացուցիչներից, անհատներից շնորհավորանքներ է ստանում պաշտոնը ստանձնելու կապակցությամբ:

Վարչապետ Նիկոլ Փաշինյանին պաշտոնը ստանձնելու կապակցությամբ շնորհավորական հեռագիր է հղել Ռուսաստանի Դաշնության նախագահ Վլադիմիր Պուտինը:

Շնորհավորական հեռագրում, մասնավորապես, ասված է.

«Ակնկալում եմ, որ կառավարության ղեկավարի պաշտոնում Ձեր գործունեությունը կնպաստի մեր երկրների միջեւ բարեկամական, դաշնակցային հարաբերությունների, ինչպես նաեւ ԱՊՀ-ի, Եվրասիական տնտեսական միության եւ Հավաքական անվտանգության պայմանագրի կազմակերպության շրջանակներում գործընկերային փոխգործակցության հետագա ամրապնդմանը»:

Հանրապետության վարչապետին շնորհավորական ուղերձ է հղել Ղազախստանի Հանրապետության նախագահ Նուրսուլթան Նազարբաեւը, ով վստահություն է հայտնել, որ Նիկոլ Փաշինյանի ղեկավարությամբ Հայաստանը կշարունակի քաղաքականությունը՝ ուղղված կայուն զարգացմանն ու երկրի բնակչության սոցիալական բարեկեցության բարձրացմանը:

Նուրսուլթան Նազարբաեւի շնորհավորական հեռագրում, մասնավորապես, ասված է. «Վստահ եմ, որ երկու երկրների միջեւ ձեւավորված բարեկամության եւ փոխըմբռնման հարաբերությունները հետագայում եւս ավանդական գործընկերության ոգուն համապատասխան կծառայեն որպես Հայաստանի եւ Ղազախստանի միջեւ փոխգործակցության ընդլայնման վստահելի հիմք՝ ի բարօրություն մեր ժողովուրդների»:

Վարչապետին շնորհավորական ուղերձ է հղել Եվրոպայի խորհրդի Գլխավոր քարտուղար Թյորբյորն Յագլանդը: Ուղերձում ասված է. «Հայաստանի խորհրդարանի այսօրվա որոշումը ցույց է տալիս, որ մեր կազմակերպության օգնությամբ իրականացված սահմանադրական բարեփոխումները սկսում են կյանքի կոչվել: Այս գործընթացը պետք է շարունակվի հայ ժողովրդի ցանկություններին համապատասխան: 
Եվրոպայի խորհուրդը պատրաստ է աջակցել Հայաստանի իշխանություններին՝ մարդու իրավունքների, ժողովրդավարության եւ օրենքի գերակայության վրա հիմնված այս շատ կարեւոր գործընթացում»:

Վարչապետ Նիկոլ Փաշինյանին պաշտոնը ստանձնելու կապակցությամբ շնորհավորական ուղերձ է հղել Լիտվայի վարչապետ Սաուլյուս Սկվերնյալիսը:

«Ես սրտանց մաղթում եմ Ձեզ ամենայն հաջողություն Հայաստանի Հանրապետության նորանշանակ կառավարության ղեկավարման դժվարությունները հաղթահարելու գործում:
Մենք շահագրգռված ենք Հայաստանի եւ Լիտվայի միջեւ երկկողմ համագործակցության հետագա ակտիվ զարգացմամբ՝ ի նպաստ մեր երկրների տնտեսական բարգավաճման եւ փոխադարձ առեւտրի աճի: Մենք մեծապես աջակցում ենք Հայաստանի եւ Եվրոպական Միության միջեւ երկխոսությանը, որը նպատակ ունի ամրապնդելու ժողովրդավարությունը, օրենքի գերակայությունը եւ մարդու իրավունքների հանդեպ հարգանքը ձեր երկրում: Մենք ողջունում ենք 2017 թվականին ստորագրված Համապարփակ եւ ընդլայնված գործընկերության համաձայնագրի կյանքի կոչումը, ինչը հաղորդում է նոր ուժեղ ազդակ վերոնշյալ նպատակներին հասնելու գործին»,- ասված է Լիտվայի վարչապետի շնորհավորական ուղերձում:

Նիկոլ Փաշինյանին շնորհավորական ուղերձ է հղել Կովկասում եւ Կենտրոնական Ասիայում ՆԱՏՕ-ի Գլխավոր քարտուղարի հատուկ ներկայացուցիչ Ջեյմս Ապատուրայը:

«ՆԱՏՕ-ի գլխավոր քարտուղարի անունից ջերմորեն շնորհավորում եմ Ձեզ Հայաստանի Ազգային ժողովի ընտրությամբ Հայաստանի նոր վարչապետ դառնալու կապակցությամբ:

Հայաստանն ու ՆԱՏՕ-ն հաստատել են հարաբերություններ 25-ից մի փոքր ավելի տարիներ առաջ, եւ մեր գործընկերությունը զարգացել է հաստատուն, նշանակալի կերպով այդ ժամանակահատվածում: Մենք բարձր ենք գնահատում Հայաստանի ներդրումը ՆԱՏՕ-ի առաքելություններին Կոսովոյում եւ ԱՖղանստանում եւ մենք ձգտում ենք հաստատել սերտ քաղաքական երկխոսություն ու նշանակալի աստիճանի պրակտիկ համագործակցություն ՆԱՏՕ-Հայաստան Անհատական գործընկերության գործողությունների ծրագրի շրջանակներում:

Որպես Կովկասում ՆԱՏՕ-ի հատուկ ներկայացուցիչ՝ ես ակնկալում եմ աշխատել Ձեր եւ Ձեր կառավարության հետ եւ հանդիպել Ձեզ առաջիկա այցին Երեւանում կամ Բրյուսելում»,-ասված է Ջեյմս Ապատուրայի  շնորհավորական ուղերձում:

Նիկոլ Փաշինյանին շնորհավորական ուղերձ է հղել ՀԱՊԿ գլխավոր քարտուղար Յուրի Խաչատուրովը:

«Հարգելի՛ Նիկոլ Վովայի, ընդունեք անկեղծ շնորհավորանքներ Հայաստանի Հանրապետության վարչապետ ընտրվելու կապակցությամբ: Վստահ եմ, որ Ձեր քաղաքական փորձը եւ համաժողովրդական աջակցությունը թույլ կտան Ձեր գլխավորած կառավարությանը կարճ ժամանակահատվածում իրականացնել ներկայացրած բարեփոխումները, որոնց արդյունքը կդառնա Հայաստանի բազմակողմ զարգացման հզոր ցատկը, միջազգային հարթակում իր դիրքի հետագա ամրապնդումը: Այդպիսի ստեղծագործ գործունեության հաջողության երաշխիքը հայ ժողովրդի միասնությունն ու համախմբվածությունն է, նրա պատրաստակամությունը ակտիվորեն ներգրավվելու մեր երկրի արդիականացման գործին:
Հայաստանի Հանրապետությունը Հավաքական անվտանգության պայմանագրի կազմակերպության ամենաակտիվ անդամներից մեկն է, անընդհատ հատուկ ուշադրություն է հատկացրել իր գործունեության կատարելագործման անհրաժեշտությանը՝ առաջ քաշելով կարեւոր նախաձեռնություններ՝ ուղղված անվտանգության, այդ թվում՝ Կովկասի տարածաշրջանում հավաքական անվտանգության ապահովմանը: 
Հարգելի՛ Նիկոլ Վովայի, այս նշանակալի օրը ընդունեք քաջառողջության, բարեկեցության եւ Ձեր բարձր պատասխանատու պաշտոնում մեծ հաջողությունների լավագույն բարեմաղթանքները»,-ասված է Յուրի Խաչատուրովի շնորհավորական ուղերձում:

Նիկոլ Փաշինյանին պաշտոնը ստանձնելու կապակցությամբ շնորհավորական ուղերձ է հղել Ռուսաստանի Դաշնության վարչապետ Դմիտրի Մեդվեդեւը:

«Վստահ եմ, որ առեւտրատնտեսական, գիտատեխնիկական եւ մշակութային-հումանիտար համագործակցության հետագա զարգացումը, տարբեր ոլորտներում խոշոր համատեղ ծրագրերի իրականացումը, Եվրասիական տնտեսական միության շրջանակներում ինտեգրացիոն փոխգործակցության ամրապնդումը լիովին համապատասխանում են Հայաստանի եւ Ռուսաստանի շահերին»:

Վարչապետ Փաշինյանին պաշտոնը ստանձնելու կապակցությամբ շնորհավորել է Վրաստանի վարչապետ Գիորգի Կվիրիկաշվիլին:
«Մաղթում եմ Ձեզ ամենայն բարիք Ձեր ապագա նախաձեռնություններում: Վրաստանը մեծապես աջակցում եւ կանգնած է եղբայրական Հայաստանի կողքին: Ես հավատում եմ, որ մեր երկրների միջեւ ամուր կապերը եւ բարեկամությունը հետագայում եւս կխորանան»,-ասված է Վրաստանի վարչապետի շնորհավորական գրառման մեջ:

Նիկոլ Փաշինյանին շնորհավորական ուղերձ է հղել Էստոնիայի Հանրապետության վարչապետ Յուրի Ռատասը: Ուղերձում ասված է. «Խնդրում եմ ընդունեք իմ սրտանց շնորհավորանքները ՀՀ վարչապետի պաշտոնում նշանակվելու կապակցությամբ: Ես մաղթում եմ Ձեզ ամենայն հաջողություն հաղթահարելու առաջիկա խնդիրները՝ ի նպաստ Հայաստանի ժողովրդի բարօրության եւ բարգավաճման, նրանց հույսերի եւ ձգտումների:
Ես հղում եմ իմ ողջույնները մեծ հույսով, որ Հայաստանի եւ Էստոնիայի միջեւ գերազանց հարաբերություններն ու համագործակցությունը կշարունակեն ամրապնդվել եւ հաջողությամբ զարգանալ՝ ի շահ մեր երկու երկրների: Ես նաեւ հույս ունեմ, որ Հայաստանի եւ Եվրոպական միության հարաբերությունները կշարունակեն հաջողությամբ զարգանալ: Մենք պատրաստ ենք իրացնել 2017 թվականի նոյեմբերին ստորագրված Համապարփակ եւ ընդլայնված գործընկերության համաձայնագիրը եւ բացահայտել բոլոր հնարավորությունները ամրապնդելու մեր համագործակցությունը»:

Վարչապետին ուղղված շնորհավորանքները շարունակվում են:

Տպել
9247 դիտում

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին

Տավուշում՝ ռուսական ռազմաբազայում, նկատել են տաջիկների և ղրղզների, գուշակեք՝ սա ինչ կազմ է և ինչի են սպասում. Սաֆարյան

Վրաց խորհրդարանականներն այցելել են Ծիծեռնակաբերդի հուշահամալիր

Ալիևի նախկին փեսան հայտարարել է՝ իրենց պատկանող «Crocus city»-ի վերականգնումը կախված է Պուտինի և Վորոբյովի կարծիքից

ՔԿԾ-ին անհրաժեշտ են վարորդներ. ովքեր և ինչպես կարող են դիմել

Հայաստանում վտարանդի կառավարություն ներկայացող բոլոր գրասենյակները պետք է փակել. Չախոյան

Այս անգամ դաշտ են նետել սիրելի պահեստայինին, որը մեկ շաբաթում մեկ ստորագրությամբ լուծարեց ԼՂ-ն. Հովհաննիսյան