«Շիրակը» երկուշաբթի կբողոքարկի ՀՖՖ պատժամիջոցների մասին որոշումը

«Շիրակ» ֆուտբոլային ակումբն առաջիկա երկուշաբթի կբողոքարկի Հայաստանի ֆուտբոլի ֆեդերացիայի սահմանած պատժամիջոցների որոշումը: Այս մասին «Հայկական ժամանակ»-ի հետ զրույցում ասաց ակումբի մամուլի քարտուղար Աննա Թադեւոսյանը: Ֆեդերացիան հայտարարել էր, որ փաստեր են հավաքվել, որ ակումբի մարզիչ, մարզական տնօրեն Արարատ Հարությունյանը փորձել է պայմանավորված խաղ կազմակերպել: Բացի Հարությունյանին ցմահ ֆուտբոլային գործունեություն ծավալելու իրավունքից զրկելուց՝ ֆեդերացիան 12 միավոր հանել էր ՀՀ բարձրագույն խմբի ընթացիկ առաջնությունում թիմի վաստակած միավորներից, իսկ ակումբին տուգանել էր նվազագույն աշխատավարձի յոթհազարապատիկի չափով: Թադեւոսյանը նշեց, որ իրենք սպասում են, որ ՀՖՖ-ն իրենց ներկայացնի ապացույցները:

«Երկուշաբթի կբողոքարկենք: Մենք նրանցից ուզել ենք, որ ներկայացնեն բոլոր ապացույցները, որ ունեն: Հույս ունենք, որ կփոխեն որոշումը, չեն հանի 12 միավոր»,- ասաց նա:

ՀՖՖ-ն հայտարարել էր, որ Հարությունյանը փորձել է «Բանանցի» ֆուտբոլիստ Էդվարդ Կպոդոյին համոզել գումարի դիմաց այնպես անել, որ ՀՀ բարձրագույն խմբի առաջնության 27-րդ տուրում իր թիմը պարտվի «Շիրակին»: «Շիրակում» ընդգծում են, որ 1 անձի պատճառով չի կարելի պատժել ողջ ակումբին: Հույս ունեն, որ միավորների հետ կապված որոշումը կվերանայվի: Ինչ վերաբերում է ֆինանսական տուգանքի, ապա պատրաստ են վճարել, եթե միավորները պահպանվեն:

«Եթե բողոքարկման արդյունքում որոշեն, որ 12 միավորը մնում է, իսկ գումարը պետք է վճարենք, ապա այո՛ (խմբ. նկատի ունի կվճարեն)»,- ասաց նա՝ ավելացնելով, որ ակումբը ոչնչից տեղյակ չի եղել, եւ իրենց նկատմամբ նման պատիժ սահմանելն ամենաքիչն անարդար է:

Ակումբն ամեն ինչ անելու է ցանկալի արդյունքին հասնելու համար: Թիմը Հայաստանի առաջնությունում պայքարում է չեմպիոնության համար, եւ նրանք ունեցած միավորները չկորցնելու համար պատրաստ են գնալ մինչեւ Լոզանի Մարզական արբիտրաժային դատարան:

«Նախ գտնում ենք, որ մեկ անձի արածի համար ամբողջ ակումբը եւ հատկապես քաղաքը չպետք է տուժվի: Երկրորդն էլ դա ընդամենը փորձ է եղել, որն էլ հարց է, թե ում նախաձեռնությամբ, բայց կանխվել է շատ արագ: Եվ հետո շատ լավ պլանավորված սադրանք է եղել՝ գաղտնի տեսա եւ ձայնագրությամբ, որը, մեր Սահմանադրության 33-րդ հովածի համաձայն, քրեորեն պատժելի է»,- ասում է Աննա Թադեւոսյանը:

Այդ խաղը, որի վերաբերյալ, ըստ ՀՖՖ-ի, Հարությունյանը փորձել է պայմանավորվածություն ձեռք բերել, Երեւանում «Բանանցի»  հարկի տակ ավարտվել է «Շիրակի» 2:0 հաշվով հաղթանակով: Այժմ «Շիրակը» ունի 49 միավոր եւ առաջնության ավարտից 2 տուր առաջ միանձնյա գլխավորում է մրցաշարային աղյուսակը: 2-րդ տեղում գործող չեմպիոն «Ալաշկերտը» է 46 միավորով: Լավագույն եռյակը եզրափակում է «Գանձասար-Կապանը» (42):

Պատժի վերաբերյալ որոշումը ՀՖՖ-ն հրապարակել է մայիսի 5-ին: Այս պահին ներկայացված մրցաշարային աղյուսակում «Շիրակից» դեռեւս միավորներ հանված չեն:

Տպել
918 դիտում

28-ամյա երիտասարդի Էլեկտրահարումը ՋՕ-ն եւ ՀԷՑ-ը իրար վրա են բարդում. քրեական գործ է հարուցվել

Լուրեր կան, որ N46 երթուղայինները շուտով չեն գործի. քաղաքապետարանում տեղեկություն չունեն

ՀՔԾ նախկին պետ Վահրամ Շահինյանը մոտ 6 ամսում 22 մլն դրամի չափով եկամուտ է ունեցել

Գեւորգ Աճեմյանը դուրս է գալիս «Քաղաքացիական պայմանագիր» կուսակցությունից

Արսեն Ջուլֆալակյանն ու Առաքել Միրզոյանը կմասնակցեն ԱԺ արտահերթ ընտրություններին

Շուրջ 10 մլն դրամի վնաս․ Մխչյանում ոռոգման ջրի խողովարկների ապօրինի միացումների դեպքով քրգործ է հարուցվել

Արցախի եւ Հայաստանի միջեւ առաջիկայում կկնքվի ռազմաքաղաքական դաշինք․ Բալասանյան

Վահան Բաբայանը ՀՀԿ ցուցակով առաջադրվելու է թիվ 3 ընտրատարածքում

Հայտնի է «Իմ քայլը» դաշինքի պատգամավորության թեկնածուների ամբողջական ցուցակը. 183 թեկնածուների անունները

ԱԺ-ում ավարտվեցին բյուջեի քննարկումները. չորս օրից նախագիծը կդրվի քվեարկության. բազային կենսաթոշակն ավելանալու է

Մի վաճառեք ձեր ձայնը․ այս ընտրությունները պետք է լինեն լավագույնը Հայաստանում․ Սվիտալսկի

Արտակարգ դեպք Երեւանում․ կրակոցներ են արձակել ՊՆ գնդապետի մեքենայի ուղղությամբ

Մեծ կարեւորություն ենք տալիս վերականգնվող էներգետիկայի ներուժի օգտագործմանը․ Տիգրան Ավինյան

«Արզնու տոհմային ԹՏԽ» ընկերությունը տուգանվել է 20 միլիոն դրամով․ կարագում բացակայել է կովի կաթը

ՀՀ եւ Իրանի գլխավոր դատախազները ստորագրել են երկու համագործակցության ծրագիր

Դավիթ Սանասարյանի բացած դուռը փակվել է. Մարալիկում բողոքի ակցիան ընդդեմ Արտակ Գեւորգյանի վերսկսվել է

«Գազպրոմ Արմենիա»-ում բացահայտվել են խոշոր չափերով հարկային պարտավորություններ չվճարելու դեպքեր․ ՊԵԿ

ՀՀ-ում երկրորդ կյանք են տալիս պոլիէթիլենից տոպրակներին, պլաստիկին եւ կենցաղային այլ թափոններին (տեսանյութ)

Ինձ համար ցավոտ թեմա է. Մարտիրոսյանը դոպինգ սկանդալի ու օլիմպիական բրոնզից զրկվելու մասին

ՀՀ բնակիչները կասկածվում են Մեծ Բրիտանիայում կրիպտո-խարդախության համար