Նիկոլ Փաշինյանը հապաղելու ժամանակ չունի. երբ կհրապարակվի կառավարության նոր կազմը

Նիկոլ Փաշինյանը վարչապետ է նշանակվել ընտրվելու օրը՝ մայիսի 8-ին, եւ ՀՀ Սահմանադրության 150-րդ հոդվածի համաձայն՝ հինգ օր անց նախագահ Արմեն Սարգսյանին պետք է ներկայացնի փոխվարչապետների եւ նախարարների թեկնածուներին: Սակայն մինչ այս կառավարությունում որեւէ նշանակում չի եղել: Վարչապետ Փաշինյանն իր ասուլիսի ժամանակ հայտարարել էր, որ մինչեւ գործադիր մարմնի կազմի ձեւավորումը պետք է հանդիպումներ ունենա խորհրդարանական քաղաքական ուժերի հետ:

«Ես ուզում եմ շեշտել հետեւյալը՝ ՔՊ կուսակցությունը ունի կառավարության իր տարբերակը, բայց քանի որ ձեւակերպել ենք այլ խնդիր, քան՝ իշխանությունը վերցնելը, այդ իսկ պատճառով կսկսենք քննարկումներ խորհրդարանական ուժերի հետ եւ կձեւավորենք կառավարություն: Ինչ վերաբերվում է ուժային կառույցներին, ես դիտարկում եմ մի քանի տարբերակ եւ առաջիկա օրերին այն հայտնի կդառնա»,- լրագրողների հարցին պատասխանելով՝ ասել էր Նիկոլ Փաշինյանը:

«Հայկական ժամանակ»-ի հետ զրույցում «Քաղաքացիական պայմանագիր» կուսակցության վարչության անդամ Արայիկ Հարությունյանն ասաց, որ ուժերի հետ քննարկումները սկսվելու են առաջիկա օրերին:

«Հիմա քննարկումներ են եւ թեկնածուների անուններ տալ չեմ կարող: Երբ թեկնածուների որոշակիություն լինի, մենք կհայտնենք: Քննարկումները կշարունակվեն առաջիկա օրերին»,- ասաց Հարությունյանը:

Քաղաքական կուլիսներում արդեն կառավարության նոր կազմի անդամների անուններ են շրջանառվում: Մասնավորապես, կրթության եւ գիտության նախարարի պաշտոնում ՔՊ-ականները շրջանառում են Երեւանի ավագանու անդամ Արայիկ Հարությունյանի անունը, իսկ մամուլում նույն պոստի համար շրջանառության մեջ է դրվել «Մխիթար Սեբաստացի» կրթահամալիրի տնօրեն Աշոտ Բլեյանի անունը: Ավելի վաղ էլ խոսվում էր Ֆելիքս Ցոլակյանին Ազգային անվտանգության ծառայության տնօրեն, իսկ Դավիթ Տոնոյանին պաշտպանության նախարար նշանակելու մասին: Արայիկ Հարությունյանն այս խոսակցությունների մասին ասաց.

«Թեկնածուների վերաբերյալ, երբ անունները պարզ լինի՝ կհայտարարենք»:

Ծառուկյան դաշինքի պատգամավոր Գեւորգ Պետրոսյանն էլ կարծում է, որ կառավարության ապագա կազմում պետք է լինեն այնպիսի անձինք, ովքեր պաշտոնը չեն ծառայեցնի իրենց անձնական շահերի եւ բարեկեցության համար:

«Սկզբունքը պետք է լինի այն, որ ծառայի ժողովրդին: Մնացածը թող որոշի այն անձը, ով արժանացել է հարյուր հազարավոր քաղաքացիների հավանությանը: Մեր տեսլականն այն է, որ ունենանք այնպիսի կառավարություն, որը ժողովրդից կտրված չի լինի: Նիստերն ու աշխատանքը պետք է լուսաբանվեն հրապարակայնորեն, իշխանություն-ժողովուրդ անջրպետը պետք է վերանա»,- ասաց Պետրոսյանը:

ԲՀԿ քաղխորհրդի անդամ Գեւորգ Պետրոսյանի տեղեկություններով՝ Նիկոլ Փաշինյանը կառավարության կազմի վերաբերյալ խորհրդակցություն պետք է անցկացնի նաեւ Գագիկ Ծառուկյանի հետ:

«Ինչ բանակցություններ ու համաձայնություններ կլինեն, ես ժամանակից շուտ առաջ ընկնելու ցանկություն չունեմ»,- ասաց նա, իսկ հարցին, թե ի՞նչ կարծիք ունի, արդյո՞ք պետք է ժամանակավոր կառավարությունում արմատական փոփոխություններ սկսել, Պետրոսյանը պատասխանեց.

«Սա այն հարցն է, որի որոշման բացառիկ իրավունքը վերապահված է կառավարության ղեկավարին: Նրա իրավունքն է, թե ու՞մ ինչ պաշտոնով փոխի: Նիկոլ Փաշինյանը պետք է ընդունի այն, որ ինքը հապաղելու ժամանակ չունի, որովհետեւ իր նկատմամբ եղած ժողովրդավարական վստահությունը շատ արագ կչեզոքանա, եթե չկարողանա ժողովրդի ակնկալիքները իրականացնել: Հրապարակում հավաքված մարդկանց մեջ կային սովածներ, կիսասովածներ եւ ուրիշներ, ովքեր արժանապատիվ կյանք են ուզում, իսկ Փաշինյանը երկար սպասելու հնարավորություն չունի»,- ասաց պատգամավորը:

Պետրոսյանն անձամբ իրեն չի տեսնում կառավարության կազմում: Մեր զրույցում նա ասաց, որ ցանկանում է իր քաղաքական գործունեությունը շարունակել խորհրդարանում, բայց միաժամանակ նշեց, որ եթե ԲՀԿ ղեկավար Գագիկ Ծառուկյանը այլ որոշում կայացնի, ուրեմն չի շրջանցի: Նա միաժամանակ պաշտոնապես հայտարարեց, որ ԲՀԿ-ում կառավարության կազմի իրենց տեսլականը չեն քննարկել:

ՀՅԴ-ում այս առումով շատ ասելիք չունեն: ՀՅԴ Գերագույն մարմնի ներկայացուցիչ Արսեն Համբարձումյանը, ՀԺ-ի հարցին պատասխանելով, ասաց, որ առայժմ քննարկումներ չեն եղել, երբ լինի՝ կտեղեկացնեն: Նրա խոսքով՝ ՀՅԴ-ի ներսում եւս քննարկումներ չեն եղել:

Թեմայի շուրջ ՀՀԿ-ականների հետ զրուցել չհաջողվեց: Կուսակցության առանցքային դեմքերը կամ չէին պատասխանում զանգերին կամ էլ հարցին չէին ցանկանում պատասխանել:

Տպագրվել է «Հայկական ժամանակ» օրաթերթի մայիսի 11-ի համարում:

Տպել
4449 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է