Դատախազները պետք է այսօր միջնորդեին ազատ արձակել «Սասնա ծռերին». պաշտպան

Երկարատեւ դադարից հետո այսօր վերսկսվեց «Սասա ծռեր» խմբի 11 անդամների գործով դատական նիստը:

Այս գործի անջատված մասով ացնում են Սերգեյ Կյուրեղյանը, Տիգրան Մանուկյանը, Արամ Հակոբյանը, Վարդան Գերավետյանը, Գագիկ Եղիազարյանը, Թորոս Թորոսյանը, Գեւորգ Իրիցյանը, Թաթուլ Թամրազյանը, Հովհաննես Հարությունյանը, Արամ Մանուկյանը եւ Մարտիրոս Հակոբյանը:

Այս գործով արդեն երկրորդ դատավորն է փոխվել. ի սկզբանե սույն գործը քննում էր դատավոր Արտուշ Գաբրիլեյանը, ապա գործից մաս անջատելուց հետո՝ Արթուր Օհանյանը. վերջիս, սակայն, գործը քննելուց մի քանի ամիս հետո անցավ թոշակի: Այժմ սույն քրեական գործը քննում է դատավոր Արշակ Վարդանյանը:

Երեւան քաղաքի ընդհանուր իրավասության դատարանի Շենգավիթի նստավայրում այսօր սկսվեց դատական նիստը, որի ընթացքում արդեն երրորդ անգամ ճշտվեց ամբաստյալներից յուրաքանչյուրի ինքնությունը:

Նշենք, որ այսօր նիստերի դահլիճում ասեղ գցելու տեղ չկար. դատարան էին եկել «Սասնա ծռերի» հարազատներն ու աջակիցները՝ հույսով, որ այսօր ծռերին կտեսնեն ազատության մեջ:

Բանն այն է, որ երկրում քաղաքական իրավիճակ է փոխվել եւ շատերը հույս ունեն, որ այդ իրավիճակի արդյունքում «Սասնա ծռերը» պետք է անհապաղ ազատ արձակվեն: Օգտվելով քաղաքական իրավիճակի փոփոխությունից այսօր պաշտպանական կողմը միջնորդեց փոխել «Սասնա ծռերի» խափանման միջոց կալանքը, սակայն դատարանը մի քանի ժամ խորհրդակցական սենյակում մնալուց հետո միջնորդությունը մերժեց:

Մասնավորապես իր պաշտպանյալներ Արամ Հակոբյանի եւ Վարդան Գերավետյանի խափանման միջոց կալանավորումը փոխելու միջնորդություն ներկայացրեց պաշտպան Դավիթ Գյուրջյանը: Նա նշեց, որ ՀՀ-ում տեղի ունեցած իշխանափոխության արդյունքում փոխվել է իրադրություն. «Նպատակները, որոնք հետապնդել են մեր պաշտպանյալները, այդ արարքները կատարվել են իշխանությունը յուրացրած անձանց դեմ ապստամբելու ընթացակարգի շրջանակում»:

Միջնորդության առնչությամբ «Սասնա ծռեր» խմբի անդամ Վարդան Գերավետյանը հայտարարեց, որ իրենց խմբից երեք հոգի այս պահին ազատության մեջ են: «Մենք այնքան արժանապատվություն ունենք, որ ազատության մեջ գտնվելով՝ չենք փորձի թաքնվել արդարադատությունից: Հաշվի առնելով թավշյա հեղափոխության սկզբունքները, ավելի մեղմ պետք է վերաբերվենք մեկս մյուսին»,- հայտարարեց նա:  

Պաշտպան Մուշեղ Շուշանյանը միացավ միջնորդությանը եւ միջնորդեց փոխել նաեւ իր պաշտպանյալներ Սերգեյ Կյուրեղյանի եւ Տիգրան Մանուկյանի խափանման միջոցները: Շուշանյանը նշեց, որ նրանց կալանքի տակ պահելու հիմքերն ի սկզբանե բացակայել են, կալանքը կիրառվել է քաղաքական որոշման արդյունքում։ «Մեր պաշտպանյալները քրեական օրենքով արգելված որեւէ արարք չեն կատարել, նրանք ապստամբել են բռնապետության դեմ, այսինքն իրացրել են իրենց ապստամբության իրավունքը, իսկ մենք գիտենք, որ դա բնական իրավունք է... Ամենայն պատասխանատվությամբ հայտարարում եմ, որ մեր պաշտպանյալներին անազատության մեջ կալանքի տակ պահելու հիմքերը ի սկզբանե իսպառ բացակայում են: Մեր պաշտպանյալների նկատմամբ այս երկարատեւ կալանքը կիրառվել է Սերժ Սարգսյանի քաղաքական որոշման արդյունքում»,- ասաց Շուշանյանը:

Ինեսսա Պետրոսյանը, որը Հրանտ Գեւորգյանի եւ Հարություն Բաղդասարյանի հետ պաշտպանում է Արամ Մանուկյանի շահերը, միջնորդեց ազատ արձակել վերջինիս. «Փոխեք Մանուկյանի խափանման միջոցը, եթե դատարանը գտնի, որ ստորագրություն չհեռանալու մասին խափանման միջոցը թույլ է, ապա կիրառել գրավ»։

Պաշտպան Լուսինե Սահակյանը նույն միջնորդությամբ հանդես եկավ Մարտիրոս Հակոբյանի վերաբերյալ՝ նշելով, որ իր պաշտպանյալին կալանքի տակ պահելու հիմք առկա չէ:

«Գտնում եմ, որ այսօր բացառապես որեւէ հիմք չկա եւ խնդրում եմ, որ դատարանը չկաշկանդվի նախկինում կայացված այլ որոշումներով։ Նախ` իրենք նման քայլի դիմել են իշխանափոխության համար, այժմ իշխանափոխությունն այլեւս իրականություն է, թաքնվելու ռիսկ եւս չկա, նրանք հատկապես այն անձինք են, ովքեր կառչած են իրենց հողից, ինչ վերաբերում է խոչընդոտելու ռիսկին, ապա այդ ռիսկը ծիծաղելի է, որովհետեւ մյուս կողմում ոստիկաններն են»,- ասաց Լուսինե Սահակյանը։

Նա նաեւ նշեց, որ դատարանի վրա մեծ բեռ է դրված. «Իրավիճակ է փոխվել, եւ մենք փորձում ենք հավատալ, որ դատարանը պետք է լինի անկախ»,- ասաց Սահակյանը՝ հավելելով, որ դատախազներն իրենք պետք է գային եւ միջնորդեին, որ խափանման միջոցը փոխվեր։ «Հարգելի՛ դատարան, եթե դուք անկախ եք, ապա ձեր ուսերին մեծ բեռ կա, դուք շատ լավ գիտակցում եք, որ նրանք քաղբանտարկյալ են, ՀՀ-ն չպետք է տուժի, քաղբանտարկյալներ չպետք է լինեն, դա շատ լուրջ խնդիր է, մենք հիմա ընդամենը խափանման միջոցը փոխելու հարց ենք բարձրացրել, ընդամենը»,-ասաց Սահակյանը։

Այսպիսով՝ «Սասնա ծռեր» խմբի 11 անդամների պաշտպանները խնդրեցին դատարանին՝ ազատ արձակել իրենց պաշտպանյալներին: Միջնորդության դեմ առարկեցին մեղադրող դատախազները՝ նշելով, որ այն անհիմն է: Նրանց խոսքով՝ չկան այնպիսի նոր փաստական հանգամանքներ, որոնց հիման վրա փոխվի խափանման միջոցը: «Իրականացվող գործողությունները պետք է իրականացվեն օրենքով, պետք է առաջնորդվել իրավական հիմքերով, ոչ թե քաղաքական իրավիճակով»,-ասաց դատախազը Ենոքյանը։

Դատախազ Չախոյանն էլ ասաց, որ Լուսինե Սահակյանը մեկ անկեղծ միտք արտահայտեց, որ մեղադրողներն այսօր պետք է գային եւ միջնորդեին փոխել խափանման միջոցը։

«Ի գիտություն ասեմ, որ նախկինում եւ հիմա դատախազների վրա ազդեցություն երբեք չի եղել։ Մենք, որպես մեղադրողներ, մեր գործողություններն իրականացրել ենք օրենքների և մեր ներքին համոզմունքների հիման վրա։ Միջնորդություններին ամբողջովին առարկում եմ»,- հավելեց նա:

Դատարանը գնաց խորհրդակցական սենյակ՝ որոշում կայացնելու եւ մի քանի ժամ անց վերադառնալով՝ մերժեց «Սասնա ծռեր» խմբի 11 ադամներին ազատ արձակելու կամ գրավ կիրառելու միջնորդությունները: Որոշման հրապարական ժամանակ պաշտպաններն ու ամբաստանյալները ցուցադրաբար լքեցին նիստերի դահլիճը. որոշման կեսը հրապարակվեց մեղադրողների եւ կարգադրիչների ներկայությամբ: Դատական նիստերի դահլիճը լքեցին նաեւ «Սասնա ծռերի» աջակիցները եւ ի նշան բողոքի մի քանի ժամ փակ փակեցին Արշակունյաց պողոտան:

Տպել
2583 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին