Գործադուլ Ծառուկյանին պատկանող Արարատի ցեմենտի գործարանում, ի՞նչ են պահանջում աշխատողները

Ազգային ժողովի Ծառուկյան խմբակցության ղեկավար, գործարար Գագիկ Ծառուկյանին պատկանող Արարատի ցեմենտի գործարանի աշխատակիցներն այսօր առավոտից գործադուլ էին անում` պահանջելով աշխատավարձերի ժամանակին վճարում, ինչպես նաեւ աշխատավարձերի բարձրացում:

Այս մասին ահազանգ ստանալով՝ «Հայկական Ժամանակ»-ի լրագրողն այցելեց գործարան, բայց արդեն գործադուլն ավարտվել էր: Գործարանի պահակային ծառայության աշխատակիցները մեզ հետ զրույցում նշեցին, որ ղեկավար կազմից ոչ ոք այնտեղ չէ, եկել են Երեւան՝ ստեղծված իրավիճակի լուծման համար:

Գործարանի ընդհանուր աշխատակիցների թիվը մոտ 800 հոգի է, իսկ այսօր բողոքի դուրս եկածների թիվը եղել է մոտավորապես 300-400 հոգի:

Թե ի՞նչ էր իրականում կատարվել, մեզ հետ մասնավոր զրույցում մանրամասնեցին գործարանի երկու աշխատակիցներ:

Գործարանի աշխատակիցներն ասացին, որ իրենց աշխատավարձերն արդեն 3 տարի է՝ միշտ ուշացումներով են ստանում: Աշխատում են երկու տեսակի գրաֆիկով` 8-ժամյա եւ 12-ժամյա, սակայն ստացած աշխատավարձերը միջինում չեն գերազանցում 85 հազար դրամը, դա էլ այն դեպքում, որ իրենց կատարած աշխատանքը բավականին ծանր է:

Աշխատակիցները մեզ հետ զրույցում նշեցին նաեւ, որ աշխատավարձերը վճարվում են ոչ թե հաշվապահությունից, այլ փոխանցվում են գործարանի արտադրամասերի պետերին, եւ նրանք են վճարում` կողմնակալ վերաբերմունքով: Այսինքն՝ ֆիքսված աշխատավարձ ամեն ամիս չկա. աշխատավարձերը տատանվում են 60-ից 150 հազար դրամի սահմաններում, բայց 150 հազար դրամն ընդամենը մի քանի հոգու է հասնում եւ այն էլ շատ բարդ աշխատանքի դիմաց:

Գործադուլի ժամանակ Արարատի ցեմենտի գործարանի տնօրեն Մանուկ Առաքելյանը փորձել է իրավիճակը հանդարտեցնել, սակայն նրան չի հաջողվել, քիչ հետո գործարան է եկել «Մուլտի Գրուպ» կոնցեռնի գլխավոր տնօրեն, տնօրենների խորհրդի նախագահ Սեդրակ Առուստամյանը, ով լսել է աշխատողների պահանջները եւ որոշակի լուծումներ տվել:

Աշխատողները 3 պահանջ են ներկայացրել Առուստամյանին`

1. Աշխատավարձերի բարձրացում: Աշխատավարձը լինի 150-ից 250 հազար դրամ:

2. Աշխատավարձերը վճարվեն ժամանակին եւ ոչ թե կողմնակալ արտադրամասերի պետերի կողմից, այլ գործարանի հաշվապահությունից:

3. Աշխատավարձերի չափը լինի թափանցիկ, որպեսզի աշխատողները վստահ լինեն, որ կողմնապահություններ չեն լինի:

Սեդրակ Առուստամյանը նշել է, որ երկրորդ եւ երրորդ պահանջները կարող են համարվել լուծված, իսկ աշխատավարձերի բարձրացման վերաբերյալ նշել է, որ մոտ 10 օրից կարող է պատասխանել, Գագիկ Ծառուկյանի հետ խորհրդակցելուց հետո:

Մեր հարցին, որ եթե 3 տարի է՝ այս վիճակն էր, ինչո՞ւ հիմա որոշեցին գործադուլ անել, աշխատողները պատասխանեցին, որ արդեն իրենց համբերության բաժակը լցվել էր:

Աշխատողները հույս ունեն, որ իրենց պահանջները կկատարվեն եւ արդեն նախապես որոշել են, որ չկատարվելու դեպքում մայիսի 25-ին նորից գործադուլ են անելու:

Տպել
11384 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին