«Աբովյան» քրեակատարողական հիմնարկին կից ընտանեկան հանրակացարանների բնակիչները հայտնվել են անօթեւան մնալու վտանգի տակ: Քաղաքացիները, չնայած ունեն Աբովյան քաղաքի մշտական գրանցում եւ բնակարանի համար հերթագրված են 1980-ականներից, սակայն մինչ օրս նրանց բնակարան ստանալու հարցը մնում է օդից կախված:

Աբովյանի բնակիչ Արմեն Այդինյանը ողջ հանրակացարանի անունից դիմել է ՀԺ-ին՝ օգնության խնդրանքով եւ իր ու բնակիչների խոսքը վարչապետ Նիկոլ Փաշինյանին հասցնելու ակնկալիքով: Արմեն Այդինյանն ասաց, որ Աբովյան քաղաքի քրեակատարողական հիմնարկին կից երկհարկանի հանրակացարաններից մեկում բնակվում են ծանր հանցագործության համար դատապարտված կանայք:

Հանրակացարանի առաջին հարկում 2006 թվականից բնակիչների անմիջապես հարեւանությամբ բնակեցրել են ծանր հանցագործության համար դատապարտված անձանց, որն էլ վերջինիս վստահեցմամբ՝ շարունակական բնույթ է կրում, ինչի պատճառով բնակչությունը զգալի բարոյական վնասեր է կրում:

Արմեն Այդինյանն ասում է՝ նախկինում երեք հանրակացարանում էին բնակեցնում նշված կանանց՝ տարբեր հարկերում եւ բնակարաններում, սակայն բազմաթիվ բողոքներից եւ դեպքերից հետո, կենտրոնացրին շենքերից մեկում, երեք հանրակացարանների մեջտեղի շենքում. «Այն ժամանակ եւ՛ տղամարդիկ էին, եւ՛ կանայք: Վերջին ժամանակներս միայն կանանց են բերում այստեղ բնակեցնում, որոնք էլ այստեղ իրենց պատիժն են կրում: Ես երկու դուստր ունեմ եւ չեմ ցանկանում, որ նրանք այդ միջավայրում ապրեն, աղջիկ երեխեք են, ինչի՞ պիտի այդ կանանց հետ միեւնույն բակում ապրեն, հազար բան կարող է պատահել: Ի՞նչ իմանաս՝ ո՞վ է գալիս կանանց մոտ, ով գնում, բարոյապես մեզ շատ վնաս է»:

Բնակիչներն ասում են, որ հանրապետությունում հանրակացարանների սեփականաշնորհման ընթացքում իրենց թույլ չեն տվել բնակարանները սեփականաշնորհել՝ պատճառաբանելով, որ այդ տարածքը գերատեսչական է: Տասնամյակներ շարունակ ապրելով նույն հիմնարկությունում՝ շատերն անցել են կենսաթոշակի, սակայն չեն օգտվել սեփականության ոչ մի իրավունքից եւ առ այսօր Հայաստանում չունեն ոչ մի սեփականություն:

ՔԿ վարչությունից էլ ստացել են գրություն, համաձայն որի՝ իրենց բնակարանների սեփականաշնորհման հարցը քննարկման առարկա է հանդիսանում: Սակայն ինչպես բնակիչներն են փաստում, ըստ քրեակատարողական վարչության՝ նրանք ի զորու չեն լուծելու այս հարցն առանց Կառավարության համապատասխան որոշման, ինչի պատճառով էլ խնդիրը մշտապես փակուղի է մտնում: 

Բնակիչները նշում են, որ առանց իրենց իրավունքները հաշվի առնելու՝ հանրակացարանները դարձրել են բաց տեսակի հիմնարկ՝ դատապարտյալների բնակատեղի: Արմեն Այդինյանն էլ նշեց, որ իրենց բնակարանները սեփականաշնորհելու, ըստ բնակության վայրի բնակարան հատկացնելու խնդրանքով բազմիցս դիմել են տարբեր ատյանների: Դիմել են Մարդու իրավունքների պաշտպանին, արդարադատության նախարարություն, նախընտրական շրջանում տարբեր պատգամավորների, սակայն որոշ դեպքերում անորոշ պարզաբանումներ են ստացել, որոշներում էլ՝ անպատասխան մնացել: 

Երբ 2005 թվականին շենքի բոլոր բնակիչներին ծանուցում է եկել, որ մեկ ամսվա ընթացքում պետք է բնակարաններն ազատեն՝ դիմել են Գագիկ Ծառուկյանին, որի միջնորդությամբ կարողացել են մնալ, սակայն պարզ չէ, թե դա ինչքան կտեւի. «Ի՞նչ իմանանք, կարող է մի ամսից գան էլի մեզ ասեն, որ ազատենք բնակարանները, մենք ու՞ր գնանք: Շատերս այստեղ վերանորոգման աշխատանքներ ենք արել, գումար ենք ծախսել՝ իմանալով, որ օրերից մի օր մեզ կարող են պարզապես վռնդել այստեղից»,- մեզ հետ զրույցում նշեց Արմեն Այդինյանը: Վերջինս ասաց, որ իրենց հիմնական նպատակն է՝ կա՛մ օրինականացնել բնակարանները եւ կալանավորված կանաց տեղափոխել հանրակացարաններից, կամ մեկ այլ տարածքում բնակարաններ ստանալ, որպեսզի կարողանան կալանավորներից հեռու լինել եւ իմանալ, որ այլեւս ժամանակավոր կացարանի հույսին չեն:

Տպել
9293 դիտում

Մխիթարյանը չի ապաքինվել. կարող է բաց թողնել «Արսենալի» խաղը

Արմեն Սարգսյանը հանդիպել է ՀՀ-ից հեռացած «Օրանժ» ընկերության գլխավոր տնօրենի հետ

Նոր ներկայացում Սունդուկյան թատրոնում, Խորեն Լեւոնյանը կմարմնավորի Սասունցի Դավթի կերպարը

Լոռու մարզում կտրուկ աճել է կոռուպցիայի գործով քրեական հետապնդումների ենթարկված անձանց թիվը. դատախազություն

Օսիպյանը սպայական կոչում է շնորհել ՊՊԾ գնդի իրադարձությունների ընթացքում զոհված ոստիկան Յուրի Տեփանոսյանի կնոջը

Պուտինն այցելում է Ադրբեջան. խորտակվող «Տիտանիկ»-ի մեծ մտրակն ու փոքր քաղցրաբլիթը

Արա Սաղաթելյանը մասնակցել է ԱԳ երկրների խորհրդարանների գլխավոր քարտուղարների աշխատանքային հանդիպմանը

Մենք պաշտպանել ու պահպանել ենք այն ամենը, ինչ մեզ բնորոշում է իբրեւ ազգ. Գարեգին Բ-ն՝ Նյու Յորքի «Մետրոպոլիտան»-ում

Մխիթարյանը քվեարկել էր Մոդրիչի, Վարդան Մինասյանը՝ Գրիզմանի օգտին

Արագ ու ճիշտ զարգացման մեր միակ շանսը Ազգային Ժողովի նոր ընտրություններն են. Կարեն Անդրեասյան

«Ժողովրդավարական ուղի» կուսակցությունը շնորհավորել է ՀՀ վարչապետ Փաշինյանին՝ «Իմ քայլը» դաշինքի հաղթանակի առթիվ

Մանվել Բադեյանը հետ է կանչվել. Սարմեն Բաղդասարյանը նշանակվել է Քուվեյթում ՀՀ դեսպան

Գեղամ Ղարիբջանյանը հետ է կանչվել Արաբական Միացյալ Էմիրություններում ՀՀ դեսպանի պաշտոնից

Իրանը մերժում է հանդիպում անցկացնելու Թրամփի առաջարկը

Ընտրությունը ցույց տվեց, որ հակահեղափոխություն չի լինելու, մնացել է մեկ ճանապարհ՝ հեղաշրջումը. քաղաքագետ

Համաշխարհային ֆուտբոլում էլ է իրավիճակ փոխվել. Մոդրիչը՝ տարվա լավագույն ֆուտբոլիստ

«Կանայք հանուն խաղաղության» գաղափարը տարածվում է. Աննա Հակոբյանը Պետերբուրգում էր

Որդիս չի ենթարկվել բռնության, նա շատ գոհ էր. թուրք սահմանահատի հայրը Հայաստանում է

Սպան ասաց՝ մի հատ թուրք բեր, օտպուսկ կտամ. հետաքննության պահանջով գյումրեցի Ժ. Գալստյանը դիմում է Նիկոլ Փաշինյանին

Դե Բիազին ՀՀ-ում է. կարող է գլխավորել ՀՀ ֆուտբոլի հավաքականը