ՀՀԿ-ն որեւէ քայլ չի կատարելու կառավարության ծրագիրը խոչընդոտելու համար. Գագիկ Մելիքյան

ԱԺ քաղաքական մեծամասնության «Հանրապետական» խմբակցության քարտուղար Գագիկ Մելիքյանի կարծիքով՝ կառավարության կազմում մեծ թվով երիտասարդների ներգրավվածությունը թերություն համարելը իրատեսական չէ: «Հայկական ժամանակ»-ին տված հարցազրույցում Գագիկ Մելիքյանն ընդգծել է, որ ՀՀԿ-ն, որպես քաղաքական մեծամասնություն, պատրաստ է ցանկացած հարցում աջակցել նոր կառավարությանը:

- Պարոն Մելիքյան, ի՞նչ կարծիք ունենք կառավարության նոր կազմի մասին: Հասարակության մի մասը կարծում է, որ պետք չէր երիտասարդներին վստահել նախարարի պաշտոններ, իսկ մյուս մասը հակառակ կարծիք ունի:

- Կառավարության մեծ մասին անձամբ չեմ ճանաչում եւ չեմ կարծում, որ երիտասարդ լինելը թերություն է: Ես բոլորովին այդ կարծիքը չեմ կիսում: Ես նրանց հաջողություն եմ մաղթում եւ այն խոստումները, որ տվել են ժողովրդին ցանկանում եմ շուտ իրականացնեն: Մեր քաղաքական ուժը որեւէ քայլ չի կատարելու՝ խոչընդոտելու կառավարության աշխատանքները: Դրանում ականատես կլինենք նաեւ առաջիկայում:

- Այդ թվում՝ արտահերթ ընտրությունների անցկացման հարցու՞մ:

- Նախատեսված գործողությունների մասով, երբ քայլեր կկատարվեն, կտեսնենք մեր գործողությունները: Մենք կառավարության ծրագրին չենք խոչընդոտի: Մենք քննարկումներ կանենք, բայց որեւէ ձեւով չենք խոչընդոտի կառավարության ծրագիրը:

- ՀՀԿ-ի համար ո՞ր ժամանակահատվածն է նախընտրելի ԱԺ ընտրությունների մասնակցելու համար:

- Ես չեմ կարող ասել՝ ինչ կլինի, երբ կլինի:

- Պարոն Մելիքյան, դուք նշել եք, որ կառավարությունը, եթե ցանկանա, ուրեմն կարճ ժամանակահատվածում երկիրը հաջողությունների կհասնի: Ինչո՞ւ վերջին 10 տարվա ընթացքում հաջողության չկարողացանք հասնել, երբ ՀՀԿ-ն էր կառավարության ղեկին:

- Կարճ ժամանակահատվածը մեկ օրը կամ մեկ տարին չէ: Տնտեսական գործոններում եւ առավել եւս հետճգնաժամային շրջանում կարճ ժամանակահատվածը մի քանի տարի կարող է տեւել: Տնտեսական առաջընթացը միանգամից հնարավոր չէ ապահովել: Մենք որեւէ խոչընդոտ չենք հանդիսանա տնտեսական առաջընթաց ունենալու համար: Ինչքան հնարավոր է՝ մենք օգտակար կլինենք:

- 10 տարին կա՞րճ ժամանակ էր:

- Երբեք որեւէ մեկը չի կարող ասել՝ տնտեսության մեջ տաս տարին կարճ, թե երկար ժամանակ է: Կան հարցեր, որոնց համար շատ կարճ է, կան հարցեր, որոնց համար շատ երկար է: Տնտեսական առաջընթացը միանգամից չի լինում: Ես ցանկանում եմ, որ նոր կառավարությունը բոլոր ծրագրերը, որոնք դրել է իր առջեւ, իրականացնի: Կարճ ժամանակահատվածը, թե որքան կտեւի՝ ես չեմ կարող ասել:

- Պարոն Մելիքյան, ՀՀԿ-Փաշինյան հանդիպումներում, վարչապետի ընտրությունների հարց ու պատասխանի ժամանակ եւ ընդհանրապես, ՀՀԿ-ական պատգամավորները շեշտում էին, որ Նիկոլ Փաշինյանը չի կարող վարել արտաքին քաղաքականություն: Մայիսի 14-ին տեղի ունեցավ ԵԱՏՄ գագաթաժողովը, որտեղ Փաշինյանը հանդիպեց ԵԱՏՄ երկրների ղեկավարներին: Ինչպե՞ս կգնահատեք հանդիպման ընթացքը եւ Նիկոլ Փաշինյանի ներկայացվածությունը:

- Բանակցություններն ընթացան օրակարգին համապատասխան, եւ վեր՛ջ:

- Սերժ Սարգսյանի հրաժարականից հետո խոսվեց, որ ՀՀԿ-ի օրակարգում կա նաեւ Սերժ Սարգսյանին կուսակցության նախագահի պաշտոնից հեռանալու հարցը: Ի՞նչ փուլում է դա:

- Այդ հարցը քննարկումների փուլում է: Վերջնական արդյունքներ չունենք:

- ՀՀԿ կանոնադրության համաձայն՝ այս տարի նախատեսվում է կուսակցության հերթական համագումարը: Այդ հարցը օրակարգում լինելո՞ւ է:

- Հարցն օրակարգում չի դեռեւս:

Տպագրվել է «Հայկական ժամանակ» օրաթերթի մայիսի 16-ի համարում:

Տպել
3914 դիտում

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին

ԿԸՀ-ն բաշխել է ընտրությունների տեղամասային հանձնաժողովների նախագահների ու քարտուղարների պաշտոնները

Ցուկերբերգն արգելել է Facebook-ի գրասենյակում Apple սմարթֆոնների օգտագործումը

Եղանակային պայմաններից ելնելով շարունակում է փակ մնալ Վերին Լարս տանող ճանապարհը

Եթե որևէ պրոֆեսոր ֆինանսական վնաս է պատճառել, ապա դա Գագիկ Եթիմյանն է. ՎՊՀ-ում զայրացած են

Զվարճալի միջադեպերի պատճառով Հայկ Կասպարովի տեսահոլովակը պատրաստելը ձգձգվել է