Միջադեպ. հարձակում Հովիկ Արսենյանի վրա

16/05/2018 schedule15:00

Տպագրվել է «Հայկական Ժամանակ» օրաթերթի՝ 2005 թվականի մայիսի 13-ի համարում

Նախօրեին ուշ երեկոյան հարձակման է ենթարկվել հայտնի փաստաբան Հովիկ Արսենյանը, որը հանրությանը ավելի շատ հայտնի է նրանով, որ ՀՀ գլխավոր դատախազության կողմից հետապնդումների էր ենթարկվում, երբ Տիգրան Նաղդալյանի սպանության գործով պաշտպանում էր Արմեն Զավենի Սարգսյանին: Նախօրեին ուշ երեկոյան, ժամը 22.00-ի մոտակայքում, անհայտ անձինք իրենց բջջային հեռախոսից զանգել են Արսենյանի բջջայինին եւ նրան ասել, որ շտապ փաստաբանի կարիք ունեն եւ զանգում են Երեւանի օպերայի մոտից: Արսենյանն այդ ժամանակ գտնվելիս է եղել Շիրվանզադեի դպրոցի մոտակայքում եւ իրեն զանգած անձանց հետ պայմանավորվել է Կոմիտասի պողոտայում: Որոշ ուշացումով մոտեցել է «ՎԱԶ-2107» սպիտակ գույնի ավտոմեքենա:

Ավտոմեքենայի ուղեւորներից մեկը դուրս է եկել, մոտեցել Արսենյանին եւ պատմել, որ իր եղբայրը Սեւանում կալանքի տակ է մի անչափահասի հետ, եւ խնդրել է օգնել: Ապա անծանոթն առաջարկել է նստել մեքենա` գործի մանրամասները քննարկելու: Ու քանի որ ժամն արդեն ուշ է եղել, Արսենյանն առաջարկել է մեքենան վարել դեպի Ավան, այսինքն` իրենց տան ուղղությամբ: Մեքենայի մեջ եղել է եւս մեկ ուղեւոր, ըստ Արսենյանի պատմածի` սափրագլուխ, որը ողջ ընթացքում այդպես էլ չի շրջվել: Ինչեւէ, մեքենան Ազատության պողոտայով շարժվել է դեպի Ռադիոկայմ, այնտեղից թեքվել է դեպի Ավան: Ռադիոկայմից Ավան թեքվելու շրջադարձին, Առինջի կամուրջի մոտակայքում, վարորդը հանկարծ ասել է, որ վատ է զգում իրեն, կանգնեցրել է մեքենան եւ դուրս եկել:

Քիչ անց մեքենայից դուրս է եկել նաեւ ուղեկիցը, որը քիչ անց կանչել է Հովիկ Արսենյանին. «Արսենյան, օգնիր»,- գոռացել է նա: Արսենյանն ասում է, որ դուրս է եկել մեքենայից, մոտեցել անծանոթներին ու դրանից հետո այլեւս ոչինչ չի հիշում: Որոշ ժամանակ անց գիտակցության է եկել բջջային հեռախոսի ձայնից եւ սկզբից լավ չի պատկերացրել, թե որտեղ է գտնվում: Ապա վեր է կացել, հասել մինչեւ Ավանի խաչմերուկ, այնտեղ տաքսի վերցրել ու գնացել տուն: «Հայելու մեջ ինձ տեսնելուց հետո ես հասկացա, թե ինչ է կատարվել»,- պատմում է Արսենյանը՝ ընդգծելով, որ տուն գնալու ողջ ընթացքում ոչ մի ցավ չի զգացել: Հետագայում պարզվել է, որ նա մի հարված է ստացել, որն ըստ ամենայնի, հասցվել է կաստետով:

Սրա մասին է վկայում նաեւ այն, որ Արսենյանի այտին միջանցիկ անցք է առաջացել: Ուշ երեկոյան Արսենյանին հասցրել են Նոր Նորքի շտապօգնության հիվանդանոց, որտեղ էլ նրան ցուցաբերվել է առաջին օգնություն: Հովիկ Արսենյանն իր հետ կատարվածը համարում է ահաբեկչություն, որը կապված կարող է լինել ինչպես իր քաղաքական հայացքների, այնպես էլ փաստաբանական գործունեության հետ: Այսուհանդերձ, Արսենյանը որեւէ կոնկրետ վարկած չունի: Ամեն դեպքում, նա ասում է, որ միանշանակ կարող է ճանաչել իր վրա հարձակվածներին, բացի այդ, ձեռքի տակ ունի նրանց բջջային հեռախոսի համարը, որը, սակայն, «Իզի» քարտ է: Բայց ի սկզբանե, չկարողանալով կանխատեսել դեպքերի նման զարգացումը, Հովիկ Արսենյանը չի հիշել իր վրա հարձակվածների ավտոմեքենայի համարը: Նկատենք, որ ներկայումս Արսենյանը զբաղվում է մի շարք քրեական գործերով, որոնց շրջանակում էլ կարող է տեղավորվել նրա նկատմամբ տեղի ունեցած ոտնձգությունը:

Հ.Գ. Հետաքրքիրն այն է, որ ոստիկանական ամփոփագրերում Արսենյանի դեմ տեղի ունեցած հարձակման մասին հիշատակում չկա: Ինքը՝ Արսենյանը, ոստիկանությունում հայտարարություն չի տվել: Նա երեկ հիվանդանոցից միանգամից մեկնել է տուն եւ, բնականաբար, այդ վիճակով տնից դուրս չի եկել: Նկատենք, սակայն, որ երբ որեւէ մեկը իր երեխային արմունկի քերծվածքով հիվանդանոց է տանում, նման դեպքերն անմիջապես զեկուցվում են ոստիկանություն, ու ոստիկաններն էլ բավական ժամանակ օր ու արեւ չեն տալիս մարդկանց: Իսկ այս դեպքին հայրենի ոստիկանությունը, չգիտես ինչու, չի արձագանքել, եւ երեկ ոչ ոք չի փորձել Արսենյանից բացատրություններ վերցնել կատարվածի կապակցությամբ:

Դե արի ու մի մտածիր, որ Արսենյանի դեմ էլ գործել է ահաբեկչության պետական մեքենան: Նշենք նաեւ, որ Արսենյանը պնդում է, որ իր հիվանդանոցում գտնվելու ընթացքում բժիշկները սահմանված կարգով ահազանգել են ոստիկանություն, ահազանգով հիվանդանոց են եկել երկու ոստիկան, որոնցից մեկը ներկայացել է Փափազյան ազգանունով: Ոստիկանները, սակայն, զարմանալի կերպով չեն սպասել Արսենյանին եւ հեռացել են մինչ բժիշկները կավարտեին Արսենյանին բժշկական օգնություն ցուցաբերելու գործը:

 

Հ.Գ. - 2 Նյութն արդեն պատրաստ էր հրապարակման, երբ ՀՀ ոստիկանության հասարակայնության հետ կապերի եւ լրատվության վարչությունից մեզ տեղեկացրին, որ Արսենյանի հիվանդանոց դիմելու փաստն արձանագրված է: Ըստ այդմ, քանի որ դեպքը տեղի է ունեցել Առինջի կամուրջի հարեւանությամբ, նյութերն ուղարկվել են ՀՀ ոստիկանության Աբովյանի տարածքային բաժին, որը եւ, ըստ ոստիկանության, առաջիկայում կզբաղվի այս գործով: Ի դեպ, ՀՀ ոստիկանությունում ասում են, որ հիվանդանոց ժամանած ոստիկանները տեղ են հասել այն ժամանակ, երբ Արսենյանն արդեն տուն գնացած է եղել:

Արսենյանը, սակայն, կտրականապես հերքում է այս տարբերակը՝ ասելով, որ երբ ինքը բուժօգնություն ստանալիս է եղել, ոստիկան Փափազյանը եւ նրա ուղեկիցը մոտեցել են դրսում սպասող իր հարազատներին եւ հետաքրքրվել կատարվածով: Սա արդեն նշանակում է, որ ոստիկանների ժամանման պահին Արսենյանը դեռ հիվանդանոցում է եղել: Ոստիկանության Խորհրդայինի բաժնում էլ ասում են, որ իրենք հիվանդանոցից ահազանգ են ստացել գիշերվա ժամը 01.05-ին, եւ ահազանգով հիվանդանոց է մեկնել Բաղիրյան ազգանունով ոստիկան, իսկ Փափազյան ազգանունով ոստիկան իրենց մոտ չի աշխատում:

Նշենք, որ Հովիկ Արսենյանի պնդմամբ իրենք հիվանդանոցում են եղել մինչեւ գիշերվա 02.30-ը: Ամեն դեպքում, Խորհրդայինի ոստիկանությունում պարզաբանում են, որ քանի որ դեպքը տեղի է ունեցել Աբովյանի ոստիկանության կողմից սպասարկվող տարածքում, ահազանգը ուղարկվել է հենց նրանց, ու այն, որ մինչեւ մեր թերթի ահազանգը ոչ ոք չի հետաքրքրվել Արսենյանի գործով, ընդամենը տեխնիկական խնդիր է, եւ որեւէ միտում ոստիկանների գործողություններում չկա: Հուսանք: Բայց աշխատանքի օպերատիվությունը, կարծում ենք, բավարար համարել չի կարելի:      

Ա.Կ.

Տպել
928 դիտում

Բելգիայի թագավորական ընտանիքը մասնավոր այցով Հայաստանում է

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան