Տաքսու վարորդները փակել էին վարչապետի նստավայրը. նրանց հետ զրուցեց նախարար Հակոբյանը

Այսօր անհատ եւ տաքսի ծառայություններում աշխատող մոտ 50 տաքսու վարորդ փակել էին Բաղրամյան պողոտան վարչապետի նստավայրի` Բաղրամյան 26-ի հատվածում: Վարորդները պահանջում էին հանդիպում ՀՀ վարչապետ Նիկոլ Փաշինյանի հետ: Պատճառները եւ բողոքները շատ տարբեր էին:Nikolay Cherenko-ի լուսանկարը:Nikolay Cherenko-ի լուսանկարը:

Մեզ հետ մասնավոր զրույցում վարորդներից մեկը` Արմեն անունով, ներկայացրեց իրենց հիմնական պահանջները եւ դժգոհությունների պատճառը: Նա նշեց, որ բողոքի պատճառներն են կարմիր գծերը, արագաչափները, տեսախցիկները: Հարցին, թե վարորդները դե՞մ են արագաչափերին, Արմենը պատասխանեց՝ դեմ չեն, բայց ամեն քայլափոխի տեսախցիկներ են: «Կանգնում ես մի տեղ, որ ուղեւորին իջեցնես, մեկ էլ այդ հազար դրամանոց ուղեւորափոխադրման դիմաց ամսվա վերջում 5 հազար դրամանոց տուգանք է գալիս», - նշեց տաքսու վարորդը:

Նա նշեց, որ վարչապետ Նիկոլ Փաշինյանից պահանջում են, որ խախտումներից առաջացած տուգանքները չեղարկեն, քանի որ մարդիկ մեծ պարտքեր ունեն: Պահանջների շարքում է նաեւ տաքսի վարելու նպատակով լիցենզիայի դիմաց վճարվող գումարը: Արմենը նշեց, որ իրենք լիցենզիայի համար վճարում  են 12 հազար դրամ, իսկ օնլայն պատվերներով աշխատող ընկերությունների` gg-ի եւ yandex-ի վարորդները նմանատիպ գումարներ չեն վճարում: Նա նաեւ նշեց, որ լիցենզիայի համար վճարի տարբեր քանակներ են սահմանված, Երեւանում ապրողը վճարում է 12 հազար դրամ, իսկ մարզերում ապրողները՝ 5 հազար դրամ:

Վարորդներից մեկին թույլ տվեցին մուտք գործել վարչապետի նստավայր, նա դուրս գալուց հետո նշեց, որ այնտեղից հեռախոսազրույց է ունեցել վարչապետի աշխատակազմի ղեկավար Էդուարդ Աղաջանյանի հետ, եւ նա վարորդներին հրավիրել է կառավարություն՝ պահանջները լսելու համար:

Վարորդները, հետեւելով Աղաջանյանի հրավերին, գնացին կառավարության մոտ, որտեղ նրանց մոտեցավ Տրանսպորտի եւ կապի նախարարության մի աշխատակից եւ ասաց, որ 5 վարորդ եւ լրագրողները կարող են գնալ նախարարի հետ հանդիպման:Nikolay Cherenko-ի լուսանկարը:

Նախատեսված 5-ի փոխարեն 9 վարորդ կարողացավ գնալ նախարարի հետ հանդիպման:  

Տաքսու վարորդները նախարարին ներկայացրեցին իրենց պահանջները` զրոյացնել լիցենզիաների, տեսախցիկների, արագաչափերի տույժերն ու տուգանքները: Ինչպես նաեւ նրանք դժգոհեցին արտոնյալ պայմաններով աշխատող օնլայն տաքսու վարորդներից: Տաքսու վարորդներից մեկը նշեց, որ նախարարությունը աջ ղեկով մեքենաների վարորդներին լիցենզիա չի տրամադրում, սակայն օնլայն տաքսու վարորդների 90 տոկոսը վարում է աջ ղեկով մեքենա:

Նախարար Աշոտ Հակոբյանը, լսելով տաքսու վարորդներին, ասաց, որ նրանց բարձրացրած խնդիրները 10 տարվա խնդիրներ են. «Այժմ երկրում իրավիճակ է փոխվել, կառավարությունը հակված է աշխատել ժողովրդի հետ, իհարկե, հանդիպումներ կլինեն, խնդրում եմ հարցերը գրավոր ձևակերպեք, ներկայացրեք ու քննարկենք: Ասեմ, որ այդ խնդիրներին մեկ-երկու օրվա մեջ լուծում չի տրվի, կառավարություն ներկայացնելու, քննարկման համար ժամանակահատված է սահմանված», - ասաց նախարարը: 

Տաքսու վարորդները որոշել են առաջիկա երկու օրվա ընթացքում իրենց առաջարկները ներկայացրել նախարարին: Նրանք նախարարին նաեւ հորդորեցին կադրային փոփոխություններ անել իրենց վերաբերող ոլորտում:

Տպել
3594 դիտում

Ովքեր եւ ինչի համար էին Զովասարում այս գիշեր ցանկացել տուն պայթեցնել. մանրամասներ

100 օրվա ամփոփում. հեղափոխություն առանց ծանր հետեւանքների

Բռնցքամարտիկ Արամ Ավագյանը կքննարկի ՀՀ ընտրանու հետ կրկին մենամարտերի մասնակցելու հարցը

«էլեկտրիկ Երևան»-ի ամենահայտնի ցուցարարն ու լրագրող Զ. Մեջլումյանը՝ Դ. Սանասարյանի թիմում

«Արմնյուզ»-ի վաճառքի մասին տեղեկությունները կեղծ են. Հրաչյա Քեշիշյան

Պաշտպանը «Վարդաշեն» ՔԿՀ-ում հանդիպել է Շանթ Հարությունյանի հետ

«Դիլիջան ազգային պարկ»-ից 9-ը հազար ծառ հատելու համար մեղադրանք է առաջադրվել 15 անձի

Դատախազը «շու՞տ է մոռացել իր հայտարարությունները». Դավթյանը պատասխանում է Շարմազանովին

Ընտրացուցակներ մաքրելուց մինչեւ օրենքով գողեր. Վալերի Օսիպյանի 100 օրը

ԲԴԽ-ն մշակել է արդարադատության արդյունավետության բարելավման հայեցակարգ

Արցախում ծնունդների թիվն ավելացել է, նորածին տղաների թիվը գերակշռում է աղջիկներին

Անդրիաս Ղուկասյանը ԿԸՀ-ի դիմաց պահանջում է Տիգրան Մուկուչյանի հրաժարականը (տեսանյութ)

Ինչ կապ ունի Ֆելիքս Ցոլակյանը քաղաքացու բնակարանը խլելու հետ. փողոցում են հայտնվել

Վարչապետն ընդունել է ապրիլյան քառօրյա պատերազմում զոհված զինվորների ընտանիքների անդամներին

Շարունակվում է ՀՀ պաշտպանության նախարարի աշխատանքային այցը ՌԴ

Մերկելը Բաքվում քննադատելու է Ալիեւին. Աշոտյան

Փաշինյանն ընտրությունից հետո կստանա ժողովրդի ճնշող մեծամասնության աջակցությունը. փաստաբան

«Փյունիկ» ֆուտբոլային ակումբը փոխել է տարբերանշանը

Հայրենադարձներին ավելի շատ հուզում է ՀՀ-ում աշխատատեղերի բացակայությունը. Մ. Հայրապետյան

Ադրբեջանի դիրքորոշումը չի նպաստում Լեռնային Ղարաբաղի շուրջ երկխոսությանը. Բեռլին