«Պոլիտեխնիկ» մարզական ակումբը 4 տարի է՝ չի գործում. բուհը վերականգնելու նպատակ չունի

«Պոլիտեխնիկ» մարզական ակումբը, որը տասնամյակներ շարունակ գործել է Հայաստանի ազգային պոլիտեխնիկական համալսարանին կից, 4 տարի է՝ դադարեցրել է աշխատանքը: Այս մասին «Հայկական ժամանակ»-ի հետ զրույցում իր մտահոգությունը հայտնեց ակումբի նախագահ Սամվել Մեհրաբյանը: Նա նշեց, որ ակումբում իր ավելի քան 30 տարի աշխատանքի ընթացքում մարզական թիմերն ունեցել են մեծ հաջողություններ, հաղթել են հանրապետական առաջնություններում, ֆուտզալի թիմը նույնիսկ մասնակցել ու լավ ելույթներ է ունեցել ՈՒԵՖԱ-ի գավաթի մրցաշարում: Բացի այդ՝ այն նաեւ 70-75 աշխատատեղ է ապահովել բուհի ֆիզկուլտուրայի ամբիոնի աշխատակիցների համար, ֆինասական լրացուցիչ աղբյուր է եղել բուհի համար. ամսական որոշակի գումար է փոխանցել:

«Շատ մեծ ավանդույթներ ունեցող «Պոլիտեխնիկ» մարզական ակումբը, որն այն ժամանակ թնդում էր որպես բուհական առաջին ակումբ, առ այսօր չի գործում: Կան ինչ-որ խմբեր, բայց հիմնական աշխատանք մեծ սպորտի համար, ուսանողական սպորտի զարգացման համար գոյություն չունի, մասսայականություն ընդհանրապես գոյություն չունի: Մենք ապահովում էինք ե՛ւ մասսայականությունը, ե՛ւ սպորտային բարձր նվաճումները»,- ասաց նա:

Ակումբը բուհի հետ համագործակցել է պայմանագրով: Կնքվել է 1 տարվա պայմանագիր, որն ամեն տարի թարմացվել է: 2014-ին, սակայն ամեն ինչ փոխվել է: Այդ ժամանակվա ռեկտորի պաշտոնակատար Հովհաննես Թոքմաջյանը, նախ ֆիզկուլտուրայի ամբիոնի վարիչի պաշտոնից ազատել է Սամվել Մեհրաբյանին, ապա օգոստոսի վերջին չի թարմացրել «Պոլիտեխնիկի» հետ պայմանագիր, եւ այն դադարել է գործել: Մեհրաբյանը կարծում է, որ Թոքմաջյանը բուհի մարզական համալիրի հետ կապված իր ֆինանսական նպատակներն է ունեցել եւ իրեն հեռացրել ու ակումբի հետ համագործակցությունից հրաժարվել է այդ նպատակներն իրագործելու համար:

«Թոքմաջյանն ուզում էր ՀԱՊՀ-ն ու Ճարտարապետության եւ շինարարության ազգային համալսարանը միացնել իրար, եւ ինքը ֆինանսական մեծ գործունեություն կծավալեր՝ նաեւ մեր համալիրում վերանորոգման աշխատանքներ կատարելով եւ այլն, եւ այլն, եւ պարզ է, թե այդ գումարները որտեղից են. հիմնական գումարն առաջանում է շինարարությունից: Դե անձնական շահն էր, եւ այդ ամենը կիրականար, եթե նա չվարկաբեկվեր (խմբ. նկատի ունի Թոքմաջյանի հետ կապված սեքս սկանդալը)»,- ասաց նա:

Մեհրաբյանը համարում է, որ այժմ բուհում մարզական կյանքն այնքան լավ կազմակերպված չէ, ինչպես այն ժամանակ, երբ «Պոլիտեխնիկը» կար: Ակումբի հետ պայմանագրի ժամկետը չերկարաձգելուց հետո բուհում սպորտը սկսել է ղեկավարել այն ժամանակ ուսխորհրդի նախագահ, այժմ ռեկտորի տեղակալ Գոռ Վարդանյանը: Հիմա 2 ուսանող է զբաղվում դրանով, նրանց էլ վերահսկում է 2 դասախոս: Մեհրաբյանը նշում է, որ մեծ ցավ է ապրում սպորտային ներկա կյանքը տեսնելով, հատկապես սրտնեղում է լողավազանի համար, որտեղ նախկինում բազմաթիվ երեխաներ են մարզվել: Թոքմաջյանն այն քանդել է վերանորոգելու նպատակով, ու մինչեւ հիմա չի վերանորոգվել:

«Պարոն Թոքմաջյանի «ջանասիրության» պատճառով ամեն ինչը վերացավ, վերացավ լողավազանը, վերացավ ընդհանրապես սպորտը»,- ասաց նա:

ՀԱՊՀ-ում, սակայն չեն կարծում, որ առանց «Պոլիտեխնիկի» ուսանողների մարզական կյանքը տուժել է: Նշում են, որ իրենք միշտ էլ ունեցել են խմբեր, որոնք մասնակցել ու շարունակում են մասնակցել տարբեր մրցաշարերի, ցույց են տալիս բարձր արդյունքներ: Այս մասին ՀԺ-ին իր մեկնաբանությունը տվեց Գոռ Վարդանյանը:

«Բոլոր ժամանակներում Ֆիզիկական կուլտուրայի ամբիոնը պատվով կազմակերպել է ուսանողության մարզական կյանքը: Մենք բոլոր միջոցները տրամադրել ենք, ջանք եւ միջոց չենք խնայել, որպեսզի ուսանողական կյանքը ծաղկի: Ես կարող եմ ցուցանիշները ձեզ տալ. ամեն տարի Պոլիտեխնիկական համալսարանը 16-17 ձեւերի հանրապետական ուսանողական մարզական խաղերի մասնակցում է ու զգալի առավելություն է ցույց տալիս նաեւ Հայաստանի ֆիզիկական կուլտուրայի եւ սպորտի պետական ինստիտուտի թիմերի նկատմամբ»,- ասաց նա:

Սամվել Մեհրաբյանը նշում է, որ ՀՀ Կրթության եւ գիտության նախկին նախարարությունն ունի համապատասխան որոշում, ըստ որի, բուհերում պետք է վերականգնվեն մարզական ակումբները: Գոռ Վարդանյանն էլ ասում է, որ ինքը ԿԳՆ-ից ստացել է միայն օրինակելի կանոնակարգ, որի հիման վրա իրենք պետք է համակարգեն իրենց թիմերի գործունեությունը: Թիմերը պետք է ակումբային կարգավիճակ ստանան, որպեսզի կարողանան մասնակցել ՀՀ մարզական ֆեդերացիաների կողմից կազմակերպվող մրցաշարերին:

«Նպատակն ակումբային մրցույթներում ակումբի ձեւաչափով մասնակցելն է, որպեսզի այդ ակումբային առաջնություններին ակումբի կարգավիճակով կարողանանք մասնակցենք: Զուտ կարգավիճակայի խնդիր է»,- ասաց նա՝ ավելացնելով, որ այդ հարցերը նախատեսում են ավարտել հունիսին:

Մեհրաբյանը նաեւ նշում էր, որ ՀՀ Կրթության եւ գիտության նախկին նախարար Լեւոն Մկրտչյանը, հիմնվելով ուսանողների, քաղաքացիների, մարզական հիմնարկների խնդրանքների վրա, նամակ է գրել բուհի ռեկտորին եւ «Պոլիտեխնիկի» գործունեությունը վերականգնելու առաջարկ է արել: Վարդանյանն ասում է, որ ակումբի հետ պայմանագիրը չթարմացնելու որոշումը եղել է բուհի նախկին ղեկավարությանը, եւ ինքը դրա մասին մեկնաբանություն տալ չի կարող, իսկ ինչ վերաբերում է վերականգնելուն, ապա այս պահին նման անհրաժեշտություն չկա. այլ կազմակերպությունների հետ համագործակցելու մասին կմտածեն, եթե սեփական ուժերով չկարողանան լուծել իրենց առջեւ դրված առաջադրանքները:

Տպել
1217 դիտում

«Էլեկտրիկ Երեւան»-ից հայտնի ակտիվիստը դրվագ է պատմել ոստիկանությունում իր եւ Հունան Պողոսյանի հանդիպումից

Վարչական համաներում է կիրառվել 108 հազար 916 քաղաքացու նկատմամբ. Արտակ Զեյնալյան

Մարտական հրաձգությամբ գնդային մարտավարական զորավարժություն`ՊԲ հյուսիսային ուղղության զորամասերի մասնակցությամբ

Նախկին պատգամավոր Հովհաննես Մարգարյանը նոր կուսակցություն է բացել եւ վստահում է Նիկոլ Փաշինյանին

Վենետիկի հանձնաժողովը հայտարարություն է ընդունել ՀՀ Ընտրական օրենսգրքի նախագծի վերաբերյալ

Նախագահն այցելել է Հայաստանում Գերմանիայի դեսպանություն

Հայտնի «դըմփ-դըմփ հու՛»-ն՝ Հունան Պողոսյանի մասնակցությամբ (տեսանյութ)

Հնգյակով ցուցակը զարմացրել է ՀՀԿ-ին. կուսակցությունում մասնակցության վերջնական որոշում չկա

Հիվանդին ԲԿ-ում փոխներարկվել է «Հեպտատիտ Ց» վարակ պարունակող անհամատեղելի արյուն, որի հետևանքով հիվանդը մահացել է

Վահե Գրիգորյանի ընտրության հարցը կքննարկվի հոկտեմբերի 23-ին

Հայ զինծառայողները մասնակցել են միջազգային հեղինակավոր վարժանք-մրցույթին

«Երկիր Ծիրանի»-ին դատապարտում է Հունան Պողոսյանին մարզպետ նշանակելու կառավարության որոշումը

Սերժ Սարգսյանի ընկերոջ որդու նախաձեռնությամբ պատգամավորները դիմել են Սահմանադրական դատարան

Խոշտանգում կատարելու կասկածանքով ձերբակալվել են ոստիկանության Սևանի բաժնի պաշտոնատար անձինք

Կապանի մարզադաշտը կվերանորոգվի ՀՖՖ հաշվին. Նիկոլ Փաշինյան

Երգիչ Սեբուի հոր մեքենան կանգնեցրած եւ կաշառք պահանջած տեսուչները գրավի դիմաց ազատ են արձակվել

Անչափահասի կոկորդից արմունկով սեղմած պահել են, պառկած հասցրել բաժին, ապա բազմաթիվ հարվածներ հասցրել. փաստաբան

Ինձ համար կարեւորագույն խնդիր է՝ ջարդել նարկոտրաֆիկի ողնաշարը, մեծ խմբաքանակներ են անցնում Սյունիքով. Փաշինյան

ՀՀ Թաեքվոնդոյի ֆեդերացիայում աղմուկը չի հանդարտվում

Սեւակ Միքայելյանի քարոզարշավին աշակերտների մասնակցության մասին ձայնագրությունն ուղարկվել է Կոտայքի դատախազություն