Տեսակետները, թե գիտե՞ք ինչ, այնուամենայնիվ, զոհեր կան, հակասում են ապստամության իրավունքին

16/05/2018 schedule19:47

«Սասնա ծռեր» խմբի անդամ Վարուժան Ավետիսյանն այսօր դատարանում հայտարարությամբ հանդես եկավ, ըստ էության, անդրադառնալով քաղբատարկյալների մասին ՀՀ վարչապետ Նիկոլ Փաշինյանի արած հայտարարություններին:

Ավետիսյանը նախ ասաց, որ հեղափոխությունը դեռ չի ավարտվել, ընթացքի մեջ է, իշխանափոխությունը նույնիսկ չի ավարտվել եւ ժողովրդին հանգստացնելու բոլոր կոչերը, եթե դիտավորյալ չեն արվում, ապա անհեռատեսություն է:

Վարչապետ Նիկոլ Փաշինյանը ֆեյսբուքյան ուղիղ եթերում, անդրադառնալով քաղբանտարկյալների խնդրին, ասել է. «Ինձ համար երկու տարբեր խնդիրներ կան: Կան քաղաքականության հետ առնչվող գործեր, որտեղ չունենք զոհեր, եւ կան գործեր, որտեղ ունենք զոհեր: Ես ուղիղ ուզում եմ ասել, որ խոսքը վերաբերվում է «Սասնա ծռերի» գործին: Այն գործերում, որտեղ չկան զոհեր, դրանք պարզ գործեր են, եւ մարդիկ օրենքով սահմանված կարգով պետք է դուրս գան բանտերից: Նախաքննական փուլում գտնվող գործերը եւս պետք է օրինական ճանապարհով լուծենք: Ես հույս ունեմ, որ ՀՀ որեւէ քաղաքացի չի ակնկալում, որ ես մտնեմ բանտերը եւ ասեմ՝ տղերք, դուրս եկեք:

«Սասնա ծռերի» գործի հանգուցալուծումը շատ կարեւոր է՝ Հայաստանում համերաշխության հաստատման համար: Այդ գործի վերաբերյալ հանրային քննարկում պետք է ունենանք՝ տարբեր ֆորմատներով»,- մասնավորապես հայտարարել է վարչապետը:

Վարուժան Ավետիսյանն այսօր ներկայացրեց ապստամբության մասին իր տեսությունը՝ նշելով, որ ապստամբությունը ինքնապաշտպանության իրավունքի օրգանական բաղադրիչ է եւ ինքնապաշտպանական իրավունքի պսակն է:

Ապստամբության իրավունքի իրավաչափությունը կարող է դիտարկվել միայն դրա սահմանազանցման հետ՝ այդ իրավունքի իրացման գործողությունների համադրմամբ: Հաշվի առնելով, որ ապստամբությունը սկսվելու պահից արդեն ռազմական գործողություն է, պետք է դիտարկվի ապստամբական գործողությունների իրավաչափությունը բացառապես ռազմական գործողությունների, զինված հակամարտությունների իրավունքի շրջանակներում: Եթե կողմերը, տվյալ դեպքում՝ ապստամբները, չեն կատարել որեւէ ռազմական, պատերազմական հանցագործություն՝ գերիների ստորացնել, սպանել, ապա ապստամբներն ամբողջությամբ մնում են ապստամբության իրավունքի տրամաբանության եւ բովանդակության մեջ եւ անպարտ են օրենքի դատարանի առաջ:

«Խեղկատակության աստիճանի հասնող կեղծ մարդասիրությունից, կեղծ համերաշխության լոզունգներով ներկայացվող բոլոր այն տեսակետները, թե գիտե՞ք ինչ, այնուամենայնիվ, զոհեր կան, այնուամենայնիվ մարդիկ են մահացել, պետք է ոմանց մասով նկատի ունենանք այդ հանգամանքը եւ այլն, ես ամենայն պատասխանատվությամբ հայտարարում եմ՝ այդ բոլոր արտահայտությունները, այդ բոլոր կարծիքները ակնհայտորեն հակասում են ինքնապաշտպանության իրավունքին, ապստամբության իրավունքին: Սրանք մեթոդներ, ձեւեր են՝ ժողովրդի ընդվզման հեղափոխության շարունակությունը կասեցնելու եւ համապատասխան ուղղությամբ տանելու ու արդեն քաղաքական շահաբաժիններ վաստակելու նպատակով:... Այն ազգը, որ մերժում է ապստամբության իրավունքը եւ ուրանում է ապստամբներին, ցավոք սրտի, դատապարտված է հայրենազրկման: Մեր ժողովուրդը սա հասկանում է եւ թույլ չի տալու, որ ռեժիմի մնացորդները եւ ինչ-ինչ պատճառներով ռեժիմի մնացորդների հետ առեւտուր անելու միջոցով հեղափոխությունը զրոյացնելու նկատառում ունեցողները կարողանան պահել վիճակ եւ մեր երկիրը թաղված թողնել այս թրքաբոլշեւիկյան գաղութատիրական համակարգի մեջ եւ խլել մեր ժողովրդից վերջապես ազատագրվելու շանսը. դա տեղի չի ունենալու»,-հայտարարեց Ավետիսյանը:

Վերջինս ամփոփելով ասաց, որ հնարավոր չէ գալուստ սահակյանական ոճով զինված ապտամբություն բարձրացնել եւ այնպես անել, որ բացառվի որեւէ մեկի զոհ գնալը: Շատ ցավալի օրինակ է եւ էթիկայի տեսակետից մի քիչ սուր կընկալվի, բայց չմոռանանք, որ ռեժիմին ծառայող ոստիկանությունը այդ ռեժիմի զինված պահակներն են, եւ եթե անհրաժեշտ է ջարդել ռեժիմի դիմադրությունը, ապա, ցավոք սրտի, պետք է չեզոքացվի այդ զինված պահակի դիմադրությունը եւ, բնականաբար, այդ ժամանակ կարող էին լինել նաեւ զոհեր, ինչպես ապստամբների այնպես էլ՝ ոստիկանների շրջանում։ Այդ ամենի մեղավորը հանցավոր համագործակցությունն է՝ Սերժ Սարգսյանի գլխավորությամբ, եւ նրանք պետք է պատասխան տան դրա համար։ Ցավալի զոհերով հանդերձ, այդ գործողությունները տեղավորվում են ապստամբության իրավունքի, ինքնապաշտպանության իրավունքի մեջ»։

Ավետիսյանը նաեւ հայտարարեց, որ այս պահին կարեւոր խնդիրը ապստամբներին ազատելն է, որպեսզի ապստամբների ազատությունը հեղափոխության պրոցեսը շարունակական դարձնի եւ նրանց մասնակցությամբ հասցնի իր տրամաբանական ավարտին: «Ակնհայտ է, որ չենք լքելու երկիրը, այլ՝ մենք դառնալու ենք հեղափոխության ամենաակտիվ քաջալերողն ու մասնակիցները»,- եզրափակեց Ավետիսյանը:

Տպել
511 դիտում

Ձերբակալվել է ԱԺ պատգամավոր, ԴԱՀԿ նախկին պետ Միհրան Պողոսյանի օգնականը

Բազմաթիվ հանքեր պետությանը չեն վճարել մի քանի միլիոն դրամ. վարչապետ (տեսանյութ)

Պուշկինոյում կրքերը չեն հանդարտվում. պահանջում են քննիչին (լուսանկարներ, տեսանյութ)

ՀՀ Նախագահը ներկա է գտնվել Առաջին Հանրապետության 100-ամյակին նվիրված ցուցահանդեսի բացմանը

Պաշտոնեական լիազորությունները չարաշահելու դեպքի առթիվ քրեական գործ է հարուցվել

Մայիսի 30-ին Գյումրիում տեղի կունենա քառօրյա պատերազմի հերոսներին նվիրված ներկայացում

Լոռիում ոստիկանը կախվել է պահակակետի մետաղյա անկյունակից. մանրամասներ (լուսանկարներ)

Ալեն Սիմոնյանը հրաժարվել է ԱԺ պատգամավորի մանդատից. նա Երեւանի քաղաքապետ կդառնա՞

ՀՀ մշակույթի նախարար Լիլիթ Մակունցը հանդիպել է լիտվացի կինոգործիչների հետ

Հասարակական խորհրդի նիստ Արտակ Զեյնալյանի գլխավորությամբ

Արդարադատության նախարար Արտակ Զեյնալյանը ընդունել է Շոմբի Շարփին

Դեմետրիս Սիլուրիսը Փաշինյանին խոստացել է աջակցել վիզաների ազատականացման գործընթացում

Լեւոնը՝ ֆուտբոլային պրոեկտի կազմկոմիտեի անդամ. համակարգում է նաեւ Ադրբեջանի գործերը

Դավիթ Տոնոյանի գլխավորած պատվիրակությունը մեկնել է Աստանա

Լեռնագոգում հաշվում եմ սելավաջրերի հասցրած վնասները (լուսանկարներ, տեսանյութ)

Բակո Սահակյանը հանդիպել է Ռամկավար Ազատական կուսակցության գերագույն խորհրդի նախագահի հետ

Ինչն է կոնսոլիդացնում ՀՀԿ-ի բեկորներին. խմբագրական

Թափուր աշխատատեղեր՝ առողջապահության նախարարությունում եւ առողջապահական տեսչական մարմնում

Արյունդ չխմի, չի հանգստանա. նախկին նախարարը նպատակ է դրել զավթե՞լ Լեոյի փողոցը

Լոռիում 36-ամյա ոստիկան է ինքնասպան է եղել